ସାନମନମୁଣ୍ଡା ଗ୍ରାମ ରେ କୈଳାସୀ ଯାତ୍ରା ଅନୁଷ୍ଠିତ l

ସୁବର୍ଣ୍ଣପୁର —ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ଖଟଖଟିଆ ଗ୍ରାମପଞ୍ଚାୟତ ଅନ୍ତର୍ଗତ ସାନମନମୁଣ୍ଡା ଗ୍ରାମ ଠାରେ କୈଳାସୀ ଯାତ୍ରା ଅନୁଷ୍ଠିତ ହୋଇଯାଇଛି l ଏହି ଯାତ୍ରା ଉପଲକ୍ଷେ ଅନୁଷ୍ଠିତ ସଭାରେ ଭିକାରୀ ଚରଣ ନାଟ୍ୟ ସଂସଦ ର ସଭାପତି ନରେନ୍ଦ୍ର ମହାଲିକ ଙ୍କ ଅଧ୍ୟକ୍ଷତା ରେ ଅନୁଷ୍ଠିତ କାର୍ଯ୍ୟକ୍ରମ ରେ ଖଟଖଟିଆ ଗ୍ରାମପଞ୍ଚାୟତ ର ସରପଞ୍ଚ ଅରବିନ୍ଦ ପାଣ୍ଡେ ମୁଖ୍ୟ ଅତିଥି ଭାବରେ ଯୋଗ ଦେଇଥିବା ବେଳେ ଶ୍ରୀଯୁକ୍ତ ଉଦ୍ଧବ ମହାଲିକ ସଭାକୁ ପରିଚାଳନା କରିଥିଲେ l ସ୍ବେଛାସେବୀ ଶିତିକଣ୍ଠ ମିଶ୍ର, ଚାରପାଲି ଜଳ ଛାୟା ପ୍ରକଳ୍ପ ର ସଭାପତି ବିଜିତ କୁମାର ପ୍ରଧାନ, ଜିଲ୍ଲା ସାଂସ୍କୃତିକ ସମ୍ପାଦକ ଶିବ କମ୍ପ, ଖଟଖଟିଆ ଗ୍ରାମପଞ୍ଚାୟତ ର ସମିତି ସଭ୍ୟ ରାଧାକାନ୍ତ ମହାଲିକ ସମ୍ମାନୀତ ଅତିଥି ଭାବରେ ଯୋଗ ଦେଇଥିଲେ l କଣ୍ଟାମାଳ ବିଧାୟକ କହ୍ନେଇ ଚରଣ ଡାଙ୍ଗ ଏବଂ ବିଜେପି ନେତା ଓମ ପ୍ରକାଶ ମିଶ୍ର କୈଳାସୀ ଯାତ୍ରା ରେ ଯୋଗ ଦେଇ କଳାକାର ମାନଙ୍କୁ ଉତ୍ସାହିତ କରିଥିଲେ l ସଭା ପରେ ଅଭିମନ୍ୟୁ ନାଏକ ଧନ୍ୟବାଦ ଅର୍ପଣ କରିଥିଲେ l ସଭା ପରେ ନବୀନ ଚନ୍ଦ୍ର ମହାପାତ୍ର ଙ୍କ ରଚିତ ତଥା ଦିଲୀପ କୁମାର ମହାନ୍ତି ଙ୍କ ଦ୍ୱାରା ନିର୍ଦ୍ଦେଶିତ ନାଟକ ” ହେ ମଣିଷ କାନ୍ଦିବା ଆସ ” ମଞ୍ଚସ୍ଥ ହୋଇଥିଲା l ମା ମଙ୍ଗଳା ଚିତ୍ରାଳୟ ବଡମ୍ବା ଏବଂ ବିଭିନ୍ନ ନାରୀ କଳାକାର ତଥା ଡେନ୍ସ ମାଷ୍ଟର ସଂଜୀବ କୁମାର, ବ୍ୟଙ୍ଗ କଳାକାର ବିଷ୍ଣୁ ଗୁରୁ ମୁଖ୍ୟ ଆକର୍ଷଣ ର କେନ୍ଦ୍ର ବିନ୍ଦୁ ଥିଲେ l ଏହି ଉପଲକ୍ଷେ ବିଶିଷ୍ଟ କଳାକାର ସମ୍ପତ୍ତି ବଗର୍ତ୍ତୀ, ସତ୍ୟରାଜ ନାଏକ ଏବଂ ଉଦଘୋଷକ ଅଚ୍ୟୁତ ଖମାରୀ ଙ୍କୁ ସମ୍ମାନୀତ କରାଯାଇଥିଲା l ଏଥିରେ ସାହେବ ସାହୁ, ଗୋବର୍ଦ୍ଧନ ବଗର୍ତ୍ତୀ, ରମେଶ ନାଏକ, ସତ୍ୟବାନ ବଗର୍ତ୍ତୀ, ହେମନ୍ତ ମହାଲିକ, ସୁରେଶ ନାଏକ, ବିଶ୍ଵାମିତ୍ର ବାଘ, ପ୍ରଦ୍ୟୁମ୍ନ କୁମାର ସାହୁ ପ୍ରଭୁତି କଳାକାର ଅଂଶ ଗ୍ରହଣ କରିଥିଲେ l ପ୍ରକାଶ ଥାଉକି ସାନମନମୁଣ୍ଡା ଗ୍ରାମ ରେ ପ୍ରତିବର୍ଷ କୈଳାସୀ ଯାତ୍ରା ରେ ବିଭିନ୍ନ ସାମାଜିକ ନାଟକ ପରିବେଷଣ କରିଥାନ୍ତି l

ରିପୋର୍ଟ – ଉଗ୍ରସେନ କର୍ମୀ, ସୁବର୍ଣ୍ଣପୁର