ସାପ କାମୁଡା ରେ ତିନି ଭଉଣୀ ମୃତ, ବାପା ଗୁରୁତର ଅବସ୍ଥା ରେ ବୁର୍ଲା ସ୍ଥାନାନ୍ତର

ବୌଦ୍ଧ – ବିଷଧର ସାପ କାମୁଡ଼ା ରେ ଗୋଟିଏ ପରିବାର ର ୩ ଭଉଣୀଙ୍କ ମୃତ୍ୟୁ ହୋଇଥିବା ଜଣାପଡିଛି । ବାପାଙ୍କୁ ଗୁରୁତର ଅବସ୍ଥା ରେ ବୁର୍ଲା ସ୍ଥାନାନ୍ତର କରାଯାଇଛି । ସୁଧିରେଖା, ସୁଭରେଖା, ସୁରଭି ମଲ୍ଲିକ ମୃତ ୩ଭଉଣୀ ହୋଇଥିବା ବେଳେ ବାପା ଶୈଳେନ୍ଦ୍ର ମଲ୍ଲିକ ଙ୍କୁ ବୁର୍ଲା ସ୍ଥାନାନ୍ତର କରାଯାଇଛି । ବୌଦ୍ଧ ଜିଲ୍ଲା ବଘିଆପଡା ଫାଣ୍ଡି ଟିକରପଡା ପଞ୍ଚାୟତ ଚେରୁଆପାଲି ଗ୍ରାମରେ ଘଟିଛି ଏଭଳି ଘଟଣା । ସୂଚନାମୁତାବକ ଗତକାଲି ରାତିରେ ଚେରୁଆପାଲି ଗ୍ରାମର ଗୋଟିଏ ପରିବାର ୩ଭଉଣୀ ଓ ବାପା ଖାଇସାରି ଏକାଠି ଗୋଟିଏ ଘରେ ଶୋଇଥିଲେ । ରାତିରେ ହଠାତ ଘରକୁ ଏକ ବିଷଧର ସାପ ପଶି ଆସି ଥିବା ବେଳେ ଶୋଇଥିବା ଅବସ୍ଥାରେ ଏକା ବେଳେ ୪ଜଣ ଙ୍କୁ କାମୁଡ଼ି ଦେଇଥିଲା । ଏହା ଜାଣିବା ପରେ ଗ୍ରାମବାସୀ ସମସ୍ତେ ୪ ଜଣଙ୍କୁ ବୌଦ୍ଧ ଜିଲ୍ଲା ମୁଖ୍ୟ ଡାକ୍ତରଖାନା କୁ ଆଣି ଭର୍ତ୍ତି କରିଥିଲେ । ଡାକ୍ତରଖାନା ରେ ଡାକ୍ତର ୩ଜଣ ଭଉଣୀ ଙ୍କୁ ମୃତ ଘୋଷଣା କରିଥିବା ବେଳେ ବାପା ଶୈଳେନ୍ଦ୍ର ଙ୍କୁ ଗୁରୁତର ଅବସ୍ଥାରେ ବୁର୍ଲା ସ୍ଥାନାନ୍ତର କରିଥିଲେ । ତିନି ଭଉଣୀ ଙ୍କ ବୟସ ଯଥାକ୍ରମେ 14,12 ଓ 3 ବର୍ଷ ହୋଇଥିବା ଜଣାପଡିଛି l ଗୋଟିଏ ପରିବାର ଏକାଥରେ ୩ଜଣ ଭଉଣୀ ମୃତ୍ୟୁ ଖବର ଜାଣିବା ପରେ ଗ୍ରାମରେ ଶୋକ ର ଶୋକର ଛାୟା ଖେଳି ଯାଇଛି ।

ରିପୋର୍ଟ – ଉଗ୍ରସେନ କର୍ମୀ, ବୌଦ୍ଧ