ସୁବର୍ଣ୍ଣପୁର ଜିଲ୍ଲା କଂଗ୍ରେସ କମିଟି ତରଫରୁ କଂଗ୍ରେସ ଯୁବ ନେତା ରାଜେଶ୍ ମିଶ୍ରଙ୍କ ମୃତ୍ୟୁ ରେ ଶୋକସଭା

ସୁବର୍ଣ୍ଣପୁର– ସୋନପୁର ସହରର ଭଗବତୀ ପ୍ଲଟ ନିବାସୀ ତଥା ଜିଲ୍ଲା କଂଗ୍ରେସ କମିଟି ର କୋଷାଧ୍ୟକ୍ଷ ରାଜେଶ୍ ମିଶ୍ର ନିଜ ବନ୍ଧୁକ ରୁ ଗୁଳି କରିଥିଲେ l ଫଳରେ ତାଙ୍କର ମୃତ୍ୟୁ ହୋଇଥିଲା l ଏହି ଘଟଣା ଜଣାପଡିବା ପରେ ସାରା ଜିଲ୍ଲା ରେ ଶୋକ ର ଛାୟା ଖେଳି ଯାଇଥିଲା। ପରେ ପୋଲିସ ଶବ ବ୍ୟବଚ୍ଛେଦ ପରେ ପରିବାର ଲୋକ ଙ୍କୁ ଶବ ହସ୍ତାନ୍ତର କରିଥିଲା l ସୋନପୁର ର ରାମେଶ୍ବର ଶ୍ମଶାନ ଘାଟ ରେ ଶୋକାକୁଳ ପରିବେଶ ରେ ଅନ୍ତ୍ୟେଷ୍ଟି କ୍ରିୟା ସମାପନ ହୋଇଯାଇଛି। ଆଜି ସୁବର୍ଣ୍ଣପୁର ଜିଲ୍ଲା କଂଗ୍ରେସ କମିଟି ତରଫରୁ ସ୍ଥାନୀୟ କସ୍ତୁରୀ ହୋଟେଲ ରେ ଶୋକସଭା ପାଳିତ ହୋଇଯାଇଛି। ଅକାଳ ମୃତ୍ୟୁ ର ଶିକାର ହୋଇଥିବା ରାଜେଶ୍ ମିଶ୍ର ସୁବର୍ଣ୍ଣପୁର ଜିଲ୍ଲା କଂଗ୍ରେସ କମିଟି ର କୋଷାଧ୍ୟକ୍ଷ ଭାବେ ନିଯୁକ୍ତି ହୋଇଥିଲେ। ଅଗଣିତ କଂଗ୍ରେସ କର୍ମୀ ରାଜେଶ୍ ମିଶ୍ର ଙ୍କ ଫୋଟୋ ଚିତ୍ର ରେ ପୁଷ୍ପମାଲ୍ୟ ଅର୍ପଣ କରି ଶୋକସଭା ପାଳନ କରିଥିଲେ। ସେ ଜଣେ ଦୃଢ଼ କଂଗ୍ରେସ ସଂଗଠକ, ମେଳାପୀ, ପରୋପକାରୀ, ମିଷ୍ଟଭାଷୀ ଥିବା କହି ଆଲୋକପାତ କରିଥିଲେ ଉପସ୍ଥିତ କଂଗ୍ରେସ କର୍ମୀ। ସୁଧୀର କୁମାର ପଣ୍ଡା ଙ୍କ ସଭାପତିତ୍ବ ରେ ମାଧବ କୁମ୍ଭାର, ସୋନପୁର ର ପୂର୍ବତନ ବିଧାୟକ ବିନୋଦ ପାତ୍ର, ରାଜେଶ୍ ମେହେର, ପ୍ରଦୀପ ସେଠୀ, ଶେଷ ମେହେର, ବରୁଣ ସୁନା, ଜିତେନ୍ଦ୍ର ପଟ୍ଟନାୟକ, ରଞ୍ଜିତ ରାୟ, ସଚିତାନନ୍ଦ ସାହୁ, ଭରତ ଜେନା, ଶ୍ରୀମତୀ ଭବାନୀ ଦୀପ, ସପ୍ନେଶ୍ୱର୍ ପୃଷ୍ଟି, ବଡମାଲି, ନିମାଇଁ ପାଣିଗ୍ରାହୀ, କର୍ଣ୍ଣରାଜ୍ ପ୍ରଧାନ, ସରୋଜ ପ୍ରଧାନ ଙ୍କ ସହ ସମସ୍ତ କଂଗ୍ରେସ କର୍ମୀ ଏହି ଶୋକସଭା ରେ ଉପସ୍ଥିତ ଥିଲେ। କଂଗେସ କର୍ମୀ ରାଜେଶ୍ ମିଶ୍ର ଙ୍କ ମୃତ୍ୟୁ ଜିଲ୍ଲା କଂଗେସ ପାଇଁ ଏକ ଅପୂରଣୀୟ କ୍ଷତି ହୋଇଥିବା କହିଛନ୍ତି ଉପସ୍ଥିତ ଥିବା କର୍ମୀ। ଶୋକସଭା ରେ କଂଗ୍ରେସ କର୍ମୀ ନିଜ ପ୍ରିୟ ନେତା ଙ୍କୁ ହରାଇ ବକ୍ତବ୍ୟ ଦେବା ବେଳେ ଭାବ ବିହ୍ବଳ ହୋଇ କ୍ରନ୍ଦନ କରୁଥିବା ଦେଖିବାକୁ ମିଳିଥିଲା l

ସୁବର୍ଣ୍ଣପୁର ରୁ ଉଗ୍ରସେନ କର୍ମୀ ଙ୍କ ରିପୋର୍ଟ ଇପିଏ ନ୍ୟୁଜ..