ସୋନପୁର ମ୍ୟୁନସିପାଲିଟି ର ପଟାଭାଡି ଗୋବିନ୍ଧ ବନ୍ଦ କାମ ଜୁନ 15 ପରେ ବେଆଇନ ପୋଖରୀ ଉନ୍ନତି କରଣ କାମ
ବ୍ୟାପକ ଘୋଟାଲା, ବର୍ଷା ରେ ଧୋଇଗଲା ପୋଖରୀ ଆଡ଼ିବନ୍ଧ l
ସୁବର୍ଣ୍ଣପୁର: ସୁବର୍ଣ୍ଣପୁର ଜିଲ୍ଲା ସୋନପୁର ମ୍ୟୁନିସିପାଲିଟିରେ ଉନ୍ନତିକରଣ ନାଁରେ ଚାଲିଛି ବ୍ୟାପକ ଲୁଟ୍ ଏବଂ ସରକାରୀ ଅର୍ଥର ହରିଲୁଟ୍। ସହରର ପଟାଭାଡ଼ି ସ୍ଥିତ ପ୍ରସିଦ୍ଧ ‘ଗୋବିନ୍ଦ ବନ୍ଧ’ (ପୋଖରୀ) ପୁନରୁଦ୍ଧାର ଏବଂ ଉନ୍ନତିକରଣ କାର୍ଯ୍ୟରେ ଏକ ବଡ଼ ଧରଣର ଦୁର୍ନୀତିର ଗନ୍ଧ ବାହାରିଛି। ନିୟମକୁ ଫୁ କରି ଜୁନ୍ 15 ତାରିଖ ପରେ ବେଆଇନ ଭାବେ କାମ କରାଯାଇଥିବା ବେଳେ, ଏବେ ପ୍ରଥମ ବର୍ଷାରେ ହିଁ ପୋଖରୀର ନବନିର୍ମିତ ଆଡ଼ିବନ୍ଧ ଧୋଇଯିବା ଘଟଣା ସ୍ଥାନୀୟ ଅଞ୍ଚଳରେ ତୀବ୍ର ଅସନ୍ତୋଷ ଖେଳାଇ ଦେଇଛି।
ନିମ୍ନମାନର କାମ ଏବଂ ପିସି (PC) କାରବାର ଜଳ ଜଳ ଦେଖାଯାଉଛି l ସରକାରୀ ନିୟମ ଅନୁଯାୟୀ ଜୁନ୍ 15 ପରେ ଏଭଳି ମାଟି କିମ୍ବା ଜଳାଶୟ କାମ ବନ୍ଦ ରହିବା କଥା। କିନ୍ତୁ ବିଭାଗୀୟ ଅଧିକାରୀ ଓ ଠିକାଦାରଙ୍କ ମଧୁଚନ୍ଦ୍ରିକାରେ ଏହି ନିୟମକୁ ବେଖାତିର କରାଯାଇଥିଲା। ଖାଲି ସେତିକି ନୁହେଁ, ଏହି ପ୍ରକଳ୍ପରେ ମୋଟା ଅଙ୍କର ‘ପିସି’ (Percentage Commission) କାରବାର ହୋଇଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି। ଏବେ ସାଧାରଣରେ ଗୋଟିଏ ପ୍ରଶ୍ନ ଉଙ୍କି ମାରୁଛି ଯେ- ଠିକାଦାରଙ୍କ ଠାରୁ ଆରମ୍ଭ କରି ପୌରାଧ୍ୟକ୍ଷl (ଚେୟାରମ୍ୟାନ୍), କାର୍ଯ୍ୟନିର୍ବାହୀ ଅଧିକାରୀ (ଇ.ଓ – E.O), କନିଷ୍ଠ ଯନ୍ତ୍ରୀ (ଜେ.ଇ – J.E) ଏବଂ ସହକାରୀ ଯନ୍ତ୍ରୀ (ଏ.ଇ – A.E)ଙ୍କ ପର୍ଯ୍ୟନ୍ତ କାହାର ପିସି ଭାଗ କେତେ? ଲକ୍ଷ ଲକ୍ଷ ଟଙ୍କାର ସରକାରୀ ଅର୍ଥ କେବଳ ଖାତାକଲମରେ ଖର୍ଚ୍ଚ ଦେଖାଇ ଅଧିକାରୀମାନେ ନିଜ ପକେଟ୍ ଗରମ କରିଛନ୍ତି, ଯାହାର ପ୍ରମାଣ ବର୍ଷା ପାଣିରେ ଧୋଇଯାଇଥିବା ଏହି ଆଡ଼ିବନ୍ଧ ଦେଉଛି।
ଜିଲ୍ଲାପାଳଙ୍କ ନୀରବତା ଉପରେ ସନ୍ଦେହ ସବୁଠାରୁ ଆଶ୍ଚର୍ଯ୍ୟର କଥା ହେଉଛି, ଏହି ବେଆଇନ କାର୍ଯ୍ୟ ଓ ଦୁର୍ନୀତି ସମ୍ପର୍କରେ ଜିଲ୍ଲା ପ୍ରଶାସନ ଓ ସ୍ୱୟଂ ଜିଲ୍ଲାପାଳଙ୍କୁ ସ୍ଥାନୀୟ ବାସିନ୍ଦା ପୂର୍ବରୁ ଅବଗତ କରାଇଥିଲେ। ତେବେ ଜିଲ୍ଲାପାଳ ଏହା ଉପରେ କୌଣସି ଦୃଢ଼ ପଦକ୍ଷେପ ନନେବା ବଡ଼ ପ୍ରଶ୍ନବାଚୀ ସୃଷ୍ଟି କରିଛି। ଜିଲ୍ଲାପାଳଙ୍କ ଏହି ନୀରବତା, ଦୁର୍ନୀତିଗ୍ରସ୍ତ ମୁଖ୍ୟ ପ୍ରଶାସନ, ଅଧିକାରୀ ଓ ଠିକାଦାରଙ୍କୁ ନୀରବ ସମର୍ଥନ ଦେଉଥିବା ନେଇ ସାଧାରଣରେ ଦୃଢ଼ ଅଭିଯୋଗ ହେଉଛି।
ଜୁନ୍ 15 ପରେ ହୋଇଥିବା ବେଆଇନ କାର୍ଯ୍ୟର ତୁରନ୍ତ ଭିଜିଲାନ୍ସ ବା ଉଚ୍ଚସ୍ତରୀୟ ତଦନ୍ତ କରାଯାଉ । ନିମ୍ନମାନର କାମ କରିଥିବା ଠିକାଦାରଙ୍କୁ କଳା ତାଲିକାଭୁକ୍ତ (Blacklist) କରାଯାଉ।
ସମ୍ପୃକ୍ତ ଯନ୍ତ୍ରୀ ଏବଂ ପୌର ଅଧିକାରୀଙ୍କ ସମ୍ପତ୍ତିର ଖୋଳତାଡ଼ ହେଉ। ଗୋବିନ୍ଦ ବନ୍ଧର ସୌନ୍ଦର୍ଯ୍ୟକରଣ ଏବଂ ପୁନରୁଦ୍ଧାର ସହରବାସୀଙ୍କ ପାଇଁ ଏକ ଆଶା ଥିଲା, କିନ୍ତୁ ପ୍ରଶାସନିକ ଅବହେଳା ଏବଂ ଲାଞ୍ଚୁଆ ଅଧିକାରୀଙ୍କ ପାଇଁ ଏହା ଏବେ ଏକ ବିଫଳ ପ୍ରକଳ୍ପରେ ପରିଣତ ହୋଇଛି। ଯଦି ତୁରନ୍ତ ଏହି ଘଟଣାରେ ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାନଯାଏ, ତେବେ ଆଗାମୀ ଦିନରେ ସହରବାସୀ ରାଜରାସ୍ତାକୁ ଓହ୍ଲାଇବେ ବୋଲି ଚେତାବନୀ ଦେଇଛନ୍ତି l
ସୁବର୍ଣ୍ଣପୁର ରୁ ଉଗ୍ରସେନ କର୍ମୀ ଙ୍କ ରିପୋର୍ଟ ଇପିଏ ନ୍ୟୁଜ…
