୨୯ତମ ଶ୍ରୀ ଶ୍ରୀ ଶ୍ରୀ ମାଁ ଗଜଲକ୍ଷ୍ମୀ ପୂଜା ଉତ୍ସବ ପ୍ରସ୍ତୁତି ବୈଠକ
ରାୟଗଡ଼ାର ନ୍ୟୁକଲୋନୀ ସ୍ଥିତ ଶ୍ରୀ ଶ୍ରୀ ଶ୍ରୀ ମାଁ ଗଜଲକ୍ଷ୍ମୀ ପୂଜା କମିଟିର ୨୯ ବର୍ଷର ପୂଜା ଆୟୋଜନ ନିମନ୍ତେ ପ୍ରଥମ ପ୍ରସ୍ତୁତି ବୈଠକ ସ୍ଥାନୀୟ ମଧୁସୂଦନ ପାଠାଗାର ଠାରେ ଅନୁଷ୍ଠିତ ହୋଇଯାଇଛି । ଏଥିରେ ଆସନ୍ତା ମାସ ତା ୧୬/୧୦/୨୪ ରିଖ ଠାରୁ ତା ୨୭/୧୦/୨୪ ରିଖ ପର୍ଯ୍ୟନ୍ତ ଆଡମ୍ବରର ସହ ପୂଜା ଓ ଉତ୍ସବ ପାଳନ କରିବା ନିମନ୍ତେ ନିଷ୍ପତ୍ତି ନିଆଯାଇଛି । ଏହି ବର୍ଷର ଅଧିକରୁ ଅଧିକ ଆଡମ୍ବର ପୂର୍ଣ୍ଣ କରିବା ନିମନ୍ତେ ସମସ୍ତ ସଦସ୍ୟ ନିଜ ନିଜ ମତ ରଖିଥିଲେ । ଏହି ବର୍ଷ ପୁଜାରେ ୧୨ ଦିନ ଧରି ମାଁଙ୍କର ସମସ୍ତ ପୂଜା ସହ ମେଳା, ସାଂସ୍କୃତିକ କାର୍ଯ୍ୟକ୍ରମ, ମୀନାବଜାର ଓ ଅନ୍ୟାନ୍ୟ କରିବା ନିମନ୍ତେ ନିଷ୍ପତ୍ତି ନିଆଯାଇଛି ।ଏହି ପୂଜାକୁ ସୂଚାରୁ ରୂପେ ପରିଚାଳନା କରିବା ନିମନ୍ତେ ରାୟଗଡ଼ ଜିଲ୍ଲା ପ୍ରଶାସନ, ପୋଲିସ, ପୌରସଂସ୍ଥା, ମିଡିଆ ବନ୍ଧୁ ଓ ସମସ୍ତ ରାୟଗଡ଼ ବାସୀଙ୍କ ସହୋଯାଗ କାମନା କରାଯାଉଛି । ଏହି ବୈଠକରେ ସଭାପତି ସନ୍ତୋଷ କୁମାର ପାତ୍ର, ସମ୍ପାଦକ ଏନ୍. ତ୍ରିନାଥ ରାଓ, ଉପଦେଷ୍ଟା ସବ୍ୟସାଚୀ ସାହୁ, ଗୋପି ସାହୁ, ରାମ ପାତ୍ର, ସଦସ୍ୟ ମାନେ ଅଶୋକ ସାହୁ, ବିନୋଦ ସାହୁ, ଜଗନ୍ନାଥ ସାହୁ, ଟୁନା ପାଢୀ, ଶିବ ନାୟକ, ଦିଲୀପ ସାହୁ, ମୋହନ ରାଓ ପ୍ରମୁଖ ଯୋଗ ଦେଇଥିଲେ। ଏହି କାର୍ଯ୍ୟକ୍ରମକୁ ସାଙ୍ଗଠନିକ ସମ୍ପାଦକ ସନ୍ତୋଷ କୁମାର ବ୍ରହ୍ମା ପରିଚାଳନା କରିଥିଲେ ଓ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ I
