ଇଫକୋର ଦ୍ୱାଦଶ ଆନ୍ତଃ ୟୁନିଟ୍ ସାଂସ୍କୃତିକ ମହୋତ୍ସବ-୨୦୨୫ ଉଦଯାପିତ
ପାରାଦୀପ ୟୁନିଟ୍ ବିଜୟୀ
ପାରାଦୀପ: ଭାରତୀୟ କୃଷକ ସାର ସମବାୟ ଲିମିଟେଡ୍ (ଇଫକୋ)ର ଦ୍ୱାଦଶ ଆନ୍ତଃ ୟୁନିଟ୍ ସାଂସ୍କୃତିକ ମହୋତ୍ସବ (ଆଇୟୁସିଏଫ) -୨୦୨୫ ରବିବାର ଦିନ ଉଦଯାପିତ ହୋଇଯାଇଛି।ଉକ୍ତ ମହୋତ୍ସବର ସମାବେଶ ଓଡ଼ିଶାର ପାରାଦୀପ ସ୍ଥିତ ଇଫକୋ ୟୁନିଟ୍ରେ ସପ୍ତାହ ବ୍ୟାପି ଆୟୋଜିତ ହୋଇଥିଲା। ପାରାଦୀପରେ ପ୍ରଥମ ଥର ପାଇଁ ଆୟୋଜିତ ଏହି ସପ୍ତାହବ୍ୟାପୀ ରଙ୍ଗା ରଙ୍ଗ ଉତ୍ସବ ଭାବପ୍ରବଣ ସମାପନ ହୋଇଥିଲା | ଯେଉଁଥିରେ ମୁଖ୍ୟ ଅତିଥି ଭାବେ ଇଫକୋର ପରିଚାଳନା ନିର୍ଦ୍ଦେଶକ ଡକ୍ଟର ୟୁ.ଏସ୍.ଅଗସ୍ଥି ଏବଂ ମାଡାମ ରେଖା ଅଗସ୍ଥିଙ୍କୁ ୟୁନିଟ ପକ୍ଷରୁ ସମ୍ମାନିତ କରାଯିବା ସହିତ ପାରାଦୀପ ୟୁନିଟ୍କୁ ମହୋତ୍ସବର ସାମଗ୍ରିକ ବିଜେତା ଭାବେ ଘୋଷଣା କରାଯାଇଥିଲା।ଏହି ସଫଳତା ସମଗ୍ର ପାରାଦୀପ ପରିବାର ପାଇଁ ଏକ ଗର୍ବ ଏବଂ ଐତିହାସିକ ମୁହୂର୍ତ୍ତ ଥିଲା ଯାହା ଇଫକୋର ଏକତା, ସଂସ୍କୃତି ଏବଂ ସୃଜନଶୀଳ ପ୍ରତିଭାକୁ ପ୍ରଦର୍ଶନ କରିଥିଲା।
ଡକ୍ଟର ୟୁ.ଏସ୍.ଅଗସ୍ଥି ତାଙ୍କ ଅଭିଭାଷଣରେ ଇଫକୋର ଅଧ୍ୟକ୍ଷ ଶ୍ରୀ ଦିଲୀପ ସଂଘାନୀଙ୍କୁ ଇଫକୋର ଅଭିବୃଦ୍ଧିରେ ନିରନ୍ତର ସମର୍ଥନ ଏବଂ ଅବଦାନ ପାଇଁ ଧନ୍ୟବାଦ ଜଣାଇବା ସହିତ “ଏହା ପ୍ରଭୁ ଲିଙ୍ଗରାଜ, ସୂର୍ଯ୍ୟ ମନ୍ଦିର ଏବଂ ପ୍ରଭୁ ଜଗନ୍ନାଥଙ୍କ ଭୂମି – ଏବଂ ସେମାନଙ୍କ ଆଶୀର୍ବାଦ ଯୋଗୁଁ ଆମେ ସମସ୍ତେ ଏତେ ଭାଗ୍ୟବାନ।” ବୋଲି କହିଥିଲେ।ଯେତେବେଳେ ସେ ଏହି ୟୁନିଟ୍ ଅଧିଗ୍ରହଣ କରିବାକୁ ନିଷ୍ପତ୍ତି ନେଇଥିଲି, ସେ ନିଶ୍ଚିତ ଥିଲେ ଯେ ଏହି ୟୁନିଟ ଇଫକୋର ନିଶ୍ଚୟ ଅଭିବୃଦ୍ଧି ଘଟାଇବ। ଆଜି, ତାଙ୍କର ସେହି ନିଷ୍ପତ୍ତି ପାଇଁ ସେ ଗର୍ବିତ ଥିବା ତାଙ୍କ ବକ୍ତବ୍ୟରେ ସେ କହିଥିଲେ। ସେ ଆହୁରି କହିଛନ୍ତି ଯେ ଏହି ମହୋତ୍ସବର ସଫଳତା ଏବଂ ୟୁନିଟ୍ର ଶକ୍ତି ସେହି ଦୂରଦୃଷ୍ଟିର ପ୍ରମାଣ ସ୍ୱରୂପ ଠିଆ ହୋଇଛି ଏବଂ ୨୦୦୫ ରୁ ଆରମ୍ଭ ହୋଇଥିବା ଏହି ମହୋତ୍ସବ ଦ୍ୱାରା ସମସ୍ତ ଇଫକୋ ୟୁନିଟ୍ର କର୍ମଚାରୀମାନେ ଏକାଠି ହୋଇପାରିବେ, ସେମାନଙ୍କର ପ୍ରତିଭା ପ୍ରଦର୍ଶନ କରିପାରିବେ ଏବଂ ସ୍ଥାୟୀ ବନ୍ଧନ ଗଠନ କରିପାରିବେ।ମହୋତ୍ସବ ର ସଫଳତା ପାଇଁ ଡକ୍ଟର ଅଗସ୍ତି ଶେଷରେ ଆୟୋଜକ ଓ ଅଂଶ ଗ୍ରହଣ କାରୀଙ୍କୁ ଆନ୍ତରିକତାର ସହିତ ଧନ୍ୟବାଦ ଜଣାଇଥିଲେ।
ଇଫକୋ ପାରାଦୀପର ୟୁନିଟ୍ ମୁଖ୍ୟ ପିକେ ମହାପାତ୍ର, କାର୍ଯ୍ୟକ୍ରମର ସଫଳତା ପାଇଁ ଆନନ୍ଦ ଏବଂ କୃତଜ୍ଞତା ଜଣାଇବା ସହିତ ବକ୍ତବ୍ୟରେ କହିଥିଲେ, “ଛଅ ଦିନିଆ କାର୍ଯ୍ୟକ୍ରମ ଚମତ୍କାର ଥିଲା, ଏବଂ ସମସ୍ତେ ଏହାକୁ ଅତ୍ୟନ୍ତ ଉପଭୋଗ କରିଥିଲେ। ଉତ୍ସବ ପୂର୍ବରୁ ଏବଂ ଉତ୍ସବ ସମୟରେ ଅନେକ ଚ୍ୟାଲେଞ୍ଜ ଆସିଥିଲା, କିନ୍ତୁ ପ୍ରଭୁ ଜଗନ୍ନାଥଙ୍କ ଆଶୀର୍ବାଦ ଏବଂ ଆମର ଏମଡି ସାର୍ ଏବଂ ମ୍ୟାଡାମଙ୍କ ନିରନ୍ତର ମାର୍ଗଦର୍ଶନ ଏବଂ ସମର୍ଥନ ସହିତ, ସବୁକିଛି ଶୃଙ୍ଖଳିତ ଭାବରେ ଚାଲିଥିଲା।ଏହି ଇଫକୋ ପରିବାର, ଏହାର ସଂସ୍କୃତି, ଏହାର ଶକ୍ତି ଏସବୁ ଏମଡି ସାରଙ୍କ ପାଇଁ ସମ୍ଭବ ହୋଇ ପାରିଛି ବୋଲି କହିଥିଲେ। ଏସ୍ ପି ରଥ, ସମସ୍ତ ଅଧିକାରୀ, କର୍ମଚାରୀ ସଂଘର ସଦସ୍ୟ ଏବଂ ଅଧିକାରୀ ସଂଘକୁ ସେମାନଙ୍କର ଅକ୍ଳାନ୍ତ ପ୍ରୟାସ ପାଇଁ ଶ୍ରୀ ମହାପାତ୍ର ଧନ୍ୟବାଦ ଜଣାଇଥିଲେ। ଏହି ମହୋତ୍ସବ କାର୍ଯ୍ୟକ୍ରମରେ ସମସ୍ତ ଇଫକୋ ୟୁନିଟ୍ ଫୁଲପୁର, କାଲୋଲ, ଆଓଁଲା, କାଣ୍ଡଲା, ମୁଖ୍ୟ କାର୍ଯ୍ୟାଳୟ ଏବଂ ମାର୍କେଟିଂ,ଏବଂ ପାରାଦୀପ ୟୁନିଟ ଉତ୍ସାହର ସହିତ ଅଂଶଗ୍ରହଣ କରି ସଙ୍ଗୀତ, ନୃତ୍ୟ ଏବଂ ନାଟକ ମାଧ୍ୟମରେ ଭାରତୀୟ ଐତିହ୍ୟର ଏକ ବିବିଧ ପ୍ରଦର୍ଶନ ଉପସ୍ଥାପନ କରିଥିଲେ। କର୍ମଚାରୀ ଏବଂ ସେମାନଙ୍କ ପରିବାର ସଦସ୍ୟଙ୍କ ପ୍ରଦର୍ଶନ ଅସାଧାରଣ ପ୍ରତିଭା, ସୌହାର୍ଦ୍ଦ୍ୟ ଏବଂ ସୃଜନଶୀଳ ଶକ୍ତି ପ୍ରଦର୍ଶନ କରିଥିଲା। ସମସ୍ତ ସଂଯୋଜକ, ସ୍ୱେଚ୍ଛାସେବକ, ସହାୟକ କର୍ମଚାରୀ, ବିଚାରକ ଏବଂ ଗଣମାଧ୍ୟମ ପ୍ରତିନିଧିମାନଙ୍କ ଉପସ୍ଥିତି ଏବଂ ସହଯୋଗ କୁ ଇଫକୋ ପରିବାର ହୃଦୟର ସହିତ କୃତଜ୍ଞତା ଜଣାଇଛନ୍ତି।ସମ୍ମାନିତ ବ୍ୟକ୍ତିବିଶେଷ, ଇଫକୋ କର୍ମଚାରୀ ସଂଘ ଏବଂ ଅଧିକାରୀ ସଂଘର ସଦସ୍ୟମାନଙ୍କ ଉପସ୍ଥିତି ଏବଂ ଇଫକୋ ପରିବାରର ବିପୁଳ ଅଂଶଗ୍ରହଣ ଆନ୍ତଃ ୟୁନିଟ ସାଂସ୍କୃତିକ ମହୋତ୍ସବ-୨୦୨୫ କୁ ଅଧିକ ସଫଳ କରାଇବାରେ ଖୋରାକ ଯୋଗାଇଥିଲା।
ଏହି ମହୋତ୍ସବ ଶେଷ ହେବା ସହିତ, ସ୍ପଷ୍ଟ ବାର୍ତ୍ତା ଥିଲା ଯେ ଇଫକୋ କେବଳ ଏକ ପ୍ରତିଷ୍ଠାନ ନୁହେଁ, ଏହା କୃଷକମାନଙ୍କ ସେବା ଏବଂ ଏହାର ସହଭାଗୀ ମୂଲ୍ୟବୋଧ ଏବଂ ସଂସ୍କୃତିର ପାଳନରେ ଏକତ୍ରିତ ହେବା ଏକ ପରିବାର।
ପାରାଦୀପ ଇପିଏ ରୁ ପ୍ରଶାନ୍ତ ଦାଶ ଙ୍କ ରିପୋର୍ଟ
ଇପିଏ ନିଉଜ ( ଇଷ୍ଟର୍ଣ୍ଣ ପ୍ରେସ ଏଜେନ୍ସି )
