ଜିଲ୍ଲାପାଳ ବିଦ୍ୟାଳୟରେ ବାଣ୍ଟିଲେ ଖାତା, କଲମ, ଓ ଶିକ୍ଷା ଉପକରଣ
ନୟାଗଡ଼: ତା ୨୦.୧ (ଇପିଏ)ଆଜି ଜିଲ୍ଲାପାଳ ଶ୍ରୀଯୁକ୍ତ ଅକ୍ଷୟ ସୁନୀଲ ଅଗ୍ରୱାଲ ରଣପୁର ବ୍ଲକ ମଝିଆଖଣ୍ଡ ନୋଡାଲ ଉଚ୍ଚ ବିଦ୍ୟାଳୟରେ ଖାତା, କଲମ, ପେନସିଲ୍ ,ସ୍କେଲ୍,କଟର,ରବର୍, ଜ୍ୟାମିତି ବାକ୍ସ, ସ୍କେଚ ପେନ୍ ଇତ୍ୟାଦି ଶିକ୍ଷା ଉପକରଣ ଛାତ୍ର/ଛାତ୍ରୀମାନଙ୍କୁ ବଣ୍ଟନ କରି ନୂତନ ପରମ୍ପରା ସୃଷ୍ଟି କରିଛନ୍ତି ।ଛାତ୍ର/ଛାତ୍ରୀମାନଙ୍କ ସହିତ ଜିଲ୍ଲାପାଳ ମିଶିବା, କଥୋପକଥନ ମାଧ୍ୟମରେ ଶିକ୍ଷାଦାନ ଓ ସୁବିଧା ଅସୁବିଧା ବୁଝିଥିଲେ ।
ଶିକ୍ଷା ଉପକରଣ ବଣ୍ଟନରେ ଜିଲ୍ଲା ଶିକ୍ଷା ଅଧିକାରୀ ରାଜଶ୍ରୀ ପଟ୍ଟନାୟକ, ବ୍ଲକ ଶିକ୍ଷା ଅଧିକାରୀ ବାନଲତା ବେହେରା,ବିଦ୍ୟାଳୟର ପ୍ରଧାନ ଶିକ୍ଷକ ବସନ୍ତ କୁମାର ସାହୁ , ସହକାରୀ ଶିକ୍ଷକ ବିଶ୍ବଭୂଷଣ ବେହେରା,ସୁନୀଲି କୁମାର ରଣା ପ୍ରଭୃତି ଶିକ୍ଷକ /ଶିକ୍ଷୟିତ୍ରୀ ଓ କର୍ମଚାରୀମାନେ ସହଯୋଗ କରିଥିଲେ।ପ୍ରକାଶ ଥାଉକି ନୂତନ ବର୍ଷ ୨୦୨୫ ଉପଲକ୍ଷେ ଡାଏରୀ, ଫୁଲତୋଡ଼ା,ମିଠା କିମ୍ବା ଦାମୀ ଜିନିଷ ଜିଲ୍ଲାପାଳଙ୍କୁ ଉପହାର ନଦେଇ ଖାତା, କଲମ, ରବର, ସ୍କେଲ ଇତ୍ୟାଦି ଶିକ୍ଷା ଉପକରଣ ଦେଇ ଶୁଭେଚ୍ଛା ଜଣାଇବାକୁ କର୍ମଚାରୀ ଓ ଶୁଭେଚ୍ଛୁ ମାନଙ୍କୁ ଜିଲ୍ଲାପାଳ ସୂଚନା ଦେଇଥିଲେ ।ସେହି ପ୍ରକାରେ ମିଳିଥିବା ଶିକ୍ଷା ଉପକରଣ ଗୁଡିକୁ ଛାତ୍ର/ଛାତ୍ରୀ ମାନଙ୍କୁ ଜିଲ୍ଲାପାଳ ଆଜି ବଣ୍ଟନ କରିଥିଲେ । ଛାତ୍ର/ଛାତ୍ରୀମାନେ ଶିକ୍ଷା ଉପକରଣ ପାଇ ବହୁତ ଖୁସି ହୋଇଥିଲେ ।
