ତପୋବନ ଆଦର୍ଶ ବିଦ୍ୟାଳୟ ପରିସରରେ 80 ତମ ସ୍ୱାଧୀନତା ଦିବସ ପାଳିତ

ପୁରୀ ଦୋଳମଣ୍ଡପ ସାହି ସ୍ଥିତ ତପୋବନ ଆଦର୍ଶ ବିଦ୍ୟାଳୟ ପରିସରରେ 80 ତମ ସ୍ୱାଧୀନତା ଦିବସ ପାଳିତ ହୋଇଯାଇଛି।
ଏହି ଉତ୍ସବ ରେ ମୁଖ୍ୟ ଅତିଥି ଭାବେ ଶ୍ରୀମନ୍ଦିର ପରିଚାଳନା କମିଟି ର ସଦସ୍ୟ ତଥା ପୂଜାପଣ୍ଡା ନିଯୋଗ ର ସଭାପତି ସାମନ୍ତ ଜଗନ୍ନାଥ ପୂଜାପଣ୍ଡା ଯୋଗଦାନ କରି ପତାକା ଉତ୍ତୋଳନ କରୁଥିଲେ।
ବିଦ୍ୟାଳୟ ର ପିଲାମାନଙ୍କ ଦ୍ଵାରା ବନ୍ଦେ ମାତରଂ,ଜାତୀୟ ସଙ୍ଗୀତ ଗାନ କରାଯାଇ ଥିଲା। ମୁଖ୍ୟଅତିଥି ପୂଜାପଣ୍ଡା ସାମନ୍ତ ତାଙ୍କ ଅଭିଭାଷଣରେ ଚତ୍ର ଛାତ୍ରୀ ମାନଙ୍କୁ ସ୍ୱାଧୀନ ଭାରତ ର ସୁରକ୍ଷା ଓ ଦେଶ ବିକାଶ ପାଇଁ ପ୍ରତ୍ୟେକ ଛାତ୍ର ଛାତ୍ରୀ ନିଜକୁ ଦେଶର ସେବାରେ ନିଜକୁ ନିୟୋଜିତ କରିବା ପାଇଁ କହିଥିଲେ, ସାମ୍ପ୍ରତିକ ସମୟରେ ଯୁବ ସମାଜ ଦୃଢ଼ତା ର ସହ ଦେଶ ର ବିକାଶ ପାଇଁ କାର୍ଯ୍ୟ କରିବାକୁ ଇଚ୍ଛା ପ୍ରକାଶ କରିଥିଲେ।
ଅନୁଷ୍ଠାନ ର ପ୍ରତିଷ୍ଠାତା ଡକ୍ଟର ପ୍ରମୋଦ କୁମାର ଆଚାର୍ଯ୍ୟ ପିଲାମାନଙ୍କୁ ଜଣେ ଜଣେ ବିର ସୈନିକ ଭାବେ ଦେଶର ସାର୍ବଭୌମ ଗଣତାନ୍ତ୍ରିକ ବ୍ୟବସ୍ଥା ର ରକ୍ଷା କରିବା ପାଇଁ କହିଥିଲେ, ଆଜି ବିଶ୍ୱ ଏକ ଘଡ଼ି ସନ୍ଧି ମୁହୂର୍ତ୍ତ ଦେଇ ଗତି କଲାବେଳେ ଭାରତ ସମ୍ପୂର୍ଣ୍ଣ ଭାବେ ସବୁ କ୍ଷେତ୍ରରେ ବିକାଶ ଲାଭ କରିଛି।ପରିବେଶ କୁ ସ୍ୱାସ୍ଥ୍ୟ ଅନୁକୂଳ ସ୍ୱଚ୍ଛ ସୁନ୍ଦର କରିବା ପାଇଁ ଉତ୍ସାହିତ କରିଥିଲେ ।
ପରେ ବିଦ୍ୟାଳୟର ଛାତ୍ର ଛାତ୍ରୀ ମାନେ ସୁ ସଜ୍ଜିତ ବେଶ ରେ ତ୍ରିରଙ୍ଗା ପତାକା ଧରି ଶ୍ରୀମନ୍ଦିର ଚତୁପାର୍ଶ୍ୱରେ କରିକ୍ରମା କରିଥିଲେ।
ଏହି କାର୍ଯ୍ୟ କୁ ଅନୁଷ୍ଠାନ ର ଅଧ୍ୟକ୍ଷା ଅନ୍ନପୂର୍ଣ୍ଣା ପାଣି, ଦିନ ମଣି ବଳ,ପ୍ରଭାତୀ ପରିଡ଼ା, ପୂର୍ଣ୍ଣିମା ବାରିକ, ମଞ୍ଜୁ ମହାନ୍ତି, ପ୍ରକାଶ ଦାସ,ସୁମିତ୍ରା ରଥ ସମେତ ଶିକ୍ଷକ ଶିକ୍ଷୟିତ୍ରୀ ମାନେ ପରିଚାଳନା କରୁଥିଲେ।
ମୁଖ୍ୟ ଅତିଥି ଦ୍ଵାରା ସମସ୍ତ ପିଲା ମାନଙ୍କୁ ମିଷ୍ଟାନ୍ନ ବଣ୍ଟନ କରାଯାଇଥିଲା।