“ଶେଖର ରଥ” ଆଉ ନାହାନ୍ତି !
ନୟାଗଡ : ( ଇପିଏ ) ନୟାଗଡ ସହରରେ ହସ ହସ କଥା କହି ସମସ୍ତଙ୍କ ମନ ଜିଣୁଥିବା ୯୩ ବର୍ଷ ବୟସ୍କ ମେଳାପି ମଣିଷଟି ଆଜି ଆଉ ନାହାନ୍ତି । ସେ ଆଉକେହି ନୁହଁନ୍ତି, ସେ ହେଉଛନ୍ତି “ଶେଖର ରଥ” । ଯେଏକି ନୟାଗଡ ବିଜ୍ଞାପିତ ଅଞ୍ଚଳରେ ଥିଲେ, ସ୍ବାସ୍ଥ୍ୟ ଅଧିକାରୀ, ଯାହାକି ଆଜି ନୟାଗଡ ପୌରପରିଷଦରେ ପରିଣତ ହୋଇଛି । ସୋମବାର ରାତିରେ ଇହଧାମରୁ ବିଦାୟ ନେଇଛନ୍ତି । ତାଙ୍କର ଆବିର୍ଭାବ ସେପ୍ଟେମ୍ବର ୧୦ ତାରିଖ ୧୯୩୩ ମସିହା – ତିରୋଧାନ ମଇ ୨୫ ତାରିଖ ୨୦୨୬ ମସିହା । ଅବସର ପ୍ରାପ୍ତ ଶିକ୍ଷା ବିଭାଗର କ୍ଲର୍କ କୈଳାଶ ରଥ, ସାମ୍ବାଦିକ ରାମକୃଷ୍ଣ ରଥଙ୍କ ପିତା । ନୟାଗଡ ତ୍ରିନାଥ ଛକ କାଇଥିଗାଡ଼ିଆ ରାସ୍ତା ପାର୍ଶ୍ଵସ୍ଥ ଘରେ ପୁଅ ସାମ୍ବାଦିକ ରାମକୃଷ୍ଣ ରଥଙ୍କ ପରିବାର ସହିତ ରହୁଥିଲେ । ହଠାତ୍ ୨୫ ତାରିଖ ସୋମବାର ଅସୁସ୍ଥତା କାରଣରୁ ନୟାଗଡ ଜିଲ୍ଲା ସ୍ବାସ୍ଥ୍ୟ କେନ୍ଦ୍ରରେ ସ୍ବାସ୍ଥ୍ୟ ପରୀକ୍ଷାରୁ ଜଣାପଡ଼ିଲା ସୁଗାର ଲୋ ହୋଇଯିବା ଓ ଅକ୍ସିଜେନ୍ କମି ଯାଉଛି । ତେଣୁ ନୟାଗଡ ଡାକ୍ତର ଉନ୍ନତ ଚିକିତ୍ସା ପାଇଁ ଭୁବନେଶ୍ୱର ରେଫର୍ କରିଲେ ।ପୁଅମାନେ ସୋମବାର ରାତ୍ରୀରେ ଭୁବନେଶ୍ୱର ନେଉଥିବା ବାଟରେ ସୁନାଖଳା ଠାରେ ଶ୍ରୀଯୁକ୍ତ ରଥ ଇହଧାମ ତ୍ୟାଗ କରିଥିଲେ । ସେଠାରୁ ନୟାଗଡ ଘରକୁ ଅଣାଯାଇଥିଲା ।ନୟାଗଡ ଘରକୁ ମର ଶରୀର ପହଞ୍ଚିଲା ବେଳକୁ ପରିବାର, ପୁଅ ବୋହୁ, ନାତି ନାତୁଣୀ ବନ୍ଧୁ ବାନ୍ଧବ ଓ ଶୁଭେଛୁ ମାନଙ୍କର ଶୋକାକୁଳ ପରିସ୍ଥିତି ହୃଦୟ ବିଦାରକ ଥିଲା । ୨୬ ତାରିଖ ସକାଳୁ ନୟାଗଡ ଠାରୁ ଜନ୍ମ ସ୍ଥାନ ଗମ୍ଭାଡି ଶବ ଶୋଭା ଯାତ୍ରା ପରିକ୍ରମା ସମୟରେ ଉପସ୍ଥିତ ସମସ୍ତେ ଅମର ଆତ୍ମାର ଶଦ୍ଗତି କାମନା କରିଥିଲେ । ପରିକ୍ରମା ପରେ ପୁରୀ ସ୍ଵର୍ଗଦ୍ଵାର ଠାରେ ଶବ ସତ୍କାର କରାଯାଇଥିଲା । ମୁଖାଗ୍ନି ଦେଇଥିଲେ ଦ୍ଵିତୀୟ ପୁତ୍ର କୈଳାଶ ରଥ । ଶବ ସତ୍କାର ସମୟରେ ବନ୍ଧୁ ବିରାଦର ଓ ପୁତ୍ର ମାନେ ଉପସ୍ଥିତ ଥିଲେ ।
ଇ ପି ଏ ରୁ ଗୋକୁଳ କୁମାର ଷଡ଼ଙ୍ଗୀ ଜିଲ୍ଲା ପ୍ରତିନିଧି ନୟାଗଡ଼ ।
