ଶ୍ରଦ୍ଧାଜଂଳି ସଭା : ସ୍ବର୍ଗତା ମଞ୍ଜୁଳା ମିଶ୍ର ଜଣେ ଅନନ୍ୟା ସମାଜସେବୀ ଥିଲେ

ସୁବର୍ଣ୍ଣପୁର: ସୁବର୍ଣ୍ଣା ନାରୀ ଜାଗରଣ କେନ୍ଦ୍ର , ସୁବର୍ଣ୍ଣପୁରର ସଂପାଦିକା ସ୍ବର୍ଗତା ମଞ୍ଜୁଳା ମିଶ୍ର ଜଣେ ଅନନ୍ୟା ସମାଜସେବୀ ଥିଲେ I ତାଙ୍କ ଅବର୍ତ୍ତମାନରେ କେବଳ ସୁବର୍ଣ୍ଣା ବା ସୁବର୍ଣ୍ଣପୁର ଜିଲ୍ଲା ନୁହେଁ ସମାଜ ସେବା କ୍ଷେତ୍ରରେ ସମଗ୍ର ଓଡିଶାର ଏକ ଅପୂରଣୀୟ କ୍ଷତି ହୋଇଗଲା ବୋଲି ତାଙ୍କ ଶ୍ରଦ୍ଧାଞ୍ଜଳି ସଭାରେ ବକ୍ତାମାନେ ସ୍ମୃତିଚାରଣ କରିଥିଲେ I ଗତ 17 (ଶତର) ତାରିଖ ସକାଳ ଘ.9.30ମି. ବେଳେ ହୃଦଘାତରେ 63 (ତେଷଠି) ବର୍ଷ ବୟସରେ ତାଙ୍କର ଆକସ୍ମିକ ମୃତ୍ୟୁ ହୋଇଯାଇଥିଲା I ତାଙ୍କର ଏହି ଅକାଳ ବିୟୋଗ ଖବର ସମଗ୍ର ସୁବର୍ଣ୍ଣପୁର ଜିଲ୍ଲା ତଥା ରାଜ୍ୟ ସାରା ଶୋକର ଛାୟା ଖେଳାଇ ଦେଇଛି I ସେ ଜଣେ ଅତ୍ୟନ୍ତ ଧର୍ମ ପରାୟଣା ମହିଳା ଥିଲେ ଏବଂ ସୁବର୍ଣ୍ଣା ଜରିଆରେ ଶତାଧିକ ପରିବାରରେ ମିଳାମିଶା ଜରିଆରେ ହସର ଫୁଆରା ଫୁଟାଇଥିଲେ I ସୁବର୍ଣ୍ଣା କାର୍ଯ୍ୟାଳୟ ପରିସରରେ ଆଜି ସକାଳେ ଅନୁଷ୍ଠିତ ଏହି ଶ୍ରଦ୍ଧାଞ୍ଜଳି ସଭାରେ ପ୍ରଥମେ ଦୁଇ ମିନିଟ ନିରବ ପ୍ରାର୍ଥନା କରାଯାଇଥିବା ବେଳେ ସାମୁହିକ ମହା ମୃତ୍ୟୁଞ୍ଜୟ ମନ୍ତ୍ର ଉଚ୍ଚାରଣ କରାଯାଇଥିଲା I ସୁବର୍ଣ୍ଣପୁରର ବହୁ ସ୍ବେଚ୍ଛାସେବୀ ଅନୁଷ୍ଠାନ ତରଫରୁ ଡ. ରାଜେନ୍ଦ୍ର କୁମାର ମିଶ୍ର , ଡ. ସନ୍ତୋଷ କୁମାର ପାଢୀ, ଡ. ଜ୍ୟୋତି ରଂଜନ ବହିଦାର, କବି ଆର୍ତ୍ତତ୍ରାଣ ବାବୁ, ସମାଜସେବୀ ଜ୍ୟୋତି ରଂଜନ ପଟ୍ଟନାୟକ , ଗୋବିନ୍ଦ ମହାରଣା , ଶ୍ରୀବତ୍ସ ମଲ୍ଲିକ , ଦୁର୍ଯ୍ୟୋଧନ ସାହୁ, ଗୋରେଖନାଥ ସାହୁ ତଥା ସୁବର୍ଣ୍ଣାର ସଭ୍ୟାମାନେ ଶ୍ରଦ୍ଧାଞ୍ଜଳି ସଭାରେ ତାଙ୍କର ସ୍ମୃତିଚାରଣ କରିଥିଲେ I ସୁବର୍ଣ୍ଣାର ଉପଦେଷ୍ଟା ଡ. ଶାନ୍ତି ମଞ୍ଜରୀ ମିଶ୍ର ଓ ଅଧ୍ୟକ୍ଷା ମୀନା ମହାରଣା ମଞ୍ଚାସୀନ ଥିଲେ I ଶେଷରେ ସୁନନ୍ଦା ସାହୁ ଧନ୍ୟବାଦ ଅର୍ପଣ କରିଥିଲେ I

ସୁବର୍ଣ୍ଣପୁର ରୁ ଉଗ୍ରସେନ କର୍ମୀ ଙ୍କ ରିପୋର୍ଟ ଇପିଏ ନ୍ୟୁଜ…