ଆୟବହିର୍ଭୂତ ସମ୍ପତି ଠୁଳ ଅଭିଯୋଗରେ କୋଟପାଡ ବ୍ଲକର ବାଟସାନା ଜିପି’ର ଆକାଉଣ୍ଟାଣ୍ଟ-କମ-ଡାଟା ଏଣ୍ଟ୍ରି ଅପରେଟରଙ୍କ ଏକକାଳୀନ ୦୭ ଟି ସ୍ଥାନରେ ଭିଜିଲାନ୍ସ ଚଢ଼ାଉ
*
ଜୟପୁର କୋର୍ଟର ମାନ୍ୟବର ସ୍ୱତନ୍ତ୍ର ଜଜ୍ ଜାରି କରିଥିବା ସର୍ଚ୍ଚ ୱାରେଣ୍ଟ ଆଧାରରେ ଆୟବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ୧୩/୦୨/୨୫ ତାରିଖ ଗୁରୁବାର ଦିନ ସକାଳେ କୋରାପୁଟ ଜିଲ୍ଲାର କୋଟପ୍ୟାଡ୍ ବ୍ଲକର ବାଟସାନା ଜିପି’ର ଆକାଉଣ୍ଟାଣ୍ଟ-କମ-ଡାଟା ଏଣ୍ଟ୍ରି ଅପରେଟର ଏସ ପାର୍ଥା ସାରଥୀ ବିଶୋଇଙ୍କ ଘର ତଥା ଏକକାଳୀନ ୦୭ ଟି ସ୍ଥାନରେ ଭିଜିଲାନ୍ସ ଚଢ଼ାଉ କରିଥିଲା । ଭିଜିଲାନ୍ସ ଦ୍ବାରା ଚଢ଼ାଉ ୦୭ ଟି ସ୍ଥାନ ଯଥାକ୍ରମେ ବୋରିଗୁମ୍ମା ପାଇଲୋ ସାହିରେ ଥିବା ତିନିମହଲ କୋଠା ,ଚମ୍ପିୟା ଗ୍ରାମରେ ଥିବା ତାଙ୍କ ଆବାସିକ ଘର ,ଚମ୍ପିଆ ଗ୍ରାମରେ ଅବସ୍ଥିତ ତାଙ୍କ ଭାଇଙ୍କ ଆବାସିକ ଘର ,ଚମ୍ପିଆରେ ତାଙ୍କ ସମ୍ପର୍କୀୟଙ୍କ ଘର,ଚମ୍ପିଆରେ ଥିବା ଅନ୍ୟ ଏକ ଘର,ଚମ୍ପିଆରେ ଥିବା ଏମ/ଏସ ସାଇ କୃଷ୍ଣ ଏଣ୍ଟରପ୍ରାଇଜେସ୍ ନାମକ କାଜୁ ପ୍ରକ୍ରିୟାକରଣ ୟୁନିଟ,କୋଟପ୍ୟାଡ୍ ବ୍ଲକ୍ ଅନ୍ତର୍ଗତ ବାଟାସାନା ଜିପି ଠାରେ ସ୍ଥିତ ତାଙ୍କ କାର୍ଯ୍ୟାଳୟ କକ୍ଷରେ ଏକକାଳୀନ ଚଢ଼ଉ କରିଥିଲେ ଭିଜିଲାନ୍ସ ।
ଚଢ଼ାଉ କରି ଅନୁସନ୍ଧାନ ସମୟରେ ପାର୍ଥସାରଥୀ ଓ ତାଙ୍କ ପରିବାର ସଦସ୍ୟଙ୍କ ନାମରେ ଏପର୍ଯ୍ୟନ୍ତ କୋଟି କୋଟି ମୂଲ୍ୟର ସମ୍ପତ୍ତି ମଧ୍ୟରୁ ୦୩ ଟି କୋଠା, ୧୬ ଗୋଟି ପ୍ଲଟ୍, ୮୫୦୦ ବର୍ଗଫୁଟରୁ ଅଧିକ କ୍ଷେତ୍ର ଥିବା ଏକ କାଜୁ ପ୍ରକ୍ରିୟାକରଣ ୟୁନିଟ୍,୨୮୫ ଗ୍ରାମ ସୁନା, ନଗଦ ୨.୪୫ ଲକ୍ଷ ଟଙ୍କା, ୦୩ ଗୋଟି ଟ୍ରାକ୍ଟର, ଗୋଟିଏ ବୋଲେରୋ ବିଏସ ୦୬ ଇତ୍ୟାଦି ଅନ୍ତର୍ଭୁକ୍ତ ରହିଛି।
ଭିଜିଲାନ୍ସ ହାତରେ ଧରାପଡ଼ିଥିବା ଶ୍ରୀ ବିଶୋଇଙ୍କ ସମ୍ପତି ତାଲିକା ମଧ୍ୟରୁ ୪୫୦୦ ବର୍ଗଫୁଟ କ୍ଷେତ୍ର ବିଶିଷ୍ଟ ବୋରିଗୁମା ପାଈଲୋ ସାହିରେ ଥିବା ତିନିମହଲା କୋଠା, ୨୪୦୦ ବର୍ଗଫୁଟ ବିଶିଷ୍ଟ ଚମ୍ପିଆ ଗ୍ରାମରେ ଥିବା ଏକ କୋଠା ସହ ଅନ୍ୟ ଏକ ଅବସ୍ଥିତ କୋଠା,ଚମ୍ପିଆ ଠାରେ ତାଙ୍କ ଏକ କାଜୁ ପ୍ରକ୍ରିୟାକରଣ ୟୁନିଟ୍ , ନଗଦ ୨,୪୫,000/-,ଶ୍ରୀ ବିଶୋଇ ଏବଂ ପରିବାର ସଦସ୍ୟଙ୍କ ନାମରେ ପ୍ରାୟ ୧୯ ଲକ୍ଷ ଟଙ୍କା ବ୍ୟାଙ୍କ ଏବଂ ବୀମା ଜମା, ୨୮୫ ଗ୍ରାମ ଓଜନ ବିଶିଷ୍ଟ ସୁନା ଅଳଙ୍କାର ଏବଂ ୭୦୬ ଗ୍ରାମ ଓଜନର ରୂପା ଅଳଙ୍କାର ସହ ୦୩ ଟି ଟ୍ରାକ୍ଟର, ଗୋଟିଏ ୦୪ ଚକିଆ ଯାନ (ବୋଲେରୋ) ଏବଂ ୦୨ ଟି ଦୁଇଚକିଆ ଯାନ ଏବଂ ୪୨.୧୯ ଲକ୍ଷରୁ ଅଧିକ ମୂଲ୍ୟର ଘରୋଇ ସାମଗ୍ରୀ ରହିଥିବା ବେଳେ ଚମ୍ପିଆ, ବୋରିଗୁମା ଏବଂ ନବରଙ୍ଗପୁରର ଗାନ୍ଧୀ ନାଗରରେ ୧୬ ଟି ପ୍ଲଟ୍ ରହିଛି | ପଞ୍ଜୀକୃତ ବିକ୍ରୟ କାରବାର (ଆର ଏସ ଡି ) ର ମୂଲ୍ୟ ହେଉଛି ୭୩.୮୭ ଲକ୍ଷ ଟଙ୍କା ଯାହାକି ପ୍ରକୃତ ମୂଲ୍ୟ ବହୁତ ଅଧିକ ହେବାର ସମ୍ଭାବନା ରହିଛି । ପଞ୍ଜୀକରଣ ସମୟରେ ପ୍ଲଟ୍ର ମୂଲ୍ୟହୀନ ହେବାର ସନ୍ଦେହ ରହିଛି। ଏ ବାବଦରେ ପୁଙ୍ଖାନୁପୁଙ୍ଖ ତଦନ୍ତ ଆରମ୍ଭ ହୋଇଛି।
ଉପରୋକ୍ତ କୋଠା / ପ୍ଲଟଗୁଡିକର ମାପ ଏବଂ ମୂଲ୍ୟାଙ୍କନ / ମୂଲ୍ୟ ଭିଜିଲାନ୍ସ ଟେକ୍ନିକାଲ୍ ୱିଙ୍ଗ୍ ଦ୍ୱାରା କରାଯାଉଛି ।
ଆଜିର ଉକ୍ତ ଚଢ଼ାଉରେ ୦୨ ଅତିରିକ୍ତ ଏସପି, ୦୪ ଡିଏସପି, ୦୬ ଇନ୍ସପେକ୍ଟର, ୦୬ ଏଏସ୍ଆଇଏସ୍ ଏବଂ ଅନ୍ୟାନ୍ୟ ସପୋର୍ଟ ଷ୍ଟାଫ୍ଙ୍କୁ ନେଇ ଓଡିଶା ଭିଜିଲାନ୍ସର ୦୭ ଟି ଟିମ ଯୋଗ ଦେଇଥିବା ବେଳେ ତଦନ୍ତ ପ୍ରକ୍ରିୟା ଚାଲିଥିବା ଜଣାପଡିଛି ।
ରିପୋର୍ଟ: କୋରାପୁଟ ଜିଲ୍ଲା ଈପିଏରୁ ତିରୁମାଲା ପ୍ରସାଦ ପଟ୍ଟନାୟକ
