ନାଟ୍ୟକାର ଲକ୍ଷ୍ମୀଧର ମହାପାତ୍ର (ମିଷ୍ଟର କାଳିଆ) ଓଡ଼ିଆ ଭାଷା, ସହିତ୍ୟ ଓ ସଂସ୍କୃତି ବିଭାଗ ପକ୍ଷରୁ ସମ୍ବର୍ଦ୍ଧିତ ।
ନୟାଗଡ : ନୟାଗଡର ଜଣେ କର୍ମ ଯୋଗୀ ଯେଏକି, ଏକାଧାରାରେ ଲେଖକ,ବ୍ୟଙ୍ଗ କବି, ମଞ୍ଚ ଅଭିନେତା,ଶିକ୍ଷକ,ସମାଜସେବୀ, ନାଟ୍ୟ ନିର୍ଦେଶକ, ଅଗ୍ରଣୀ ନାଟ୍ୟାନୁଷ୍ଠାନ ଚମାତ୍କାରର ସଂପାଦକ, ନାଟ୍ୟଧାରାର ସଂପାଦକ ନାଟ୍ୟ ସଗଠକ, ରାଜନୀତିରେ ଜନ ସେବା, ସର୍ବୋପରି ମିଷ୍ଟର୍ କାଳିଆ ବୋଲି କିଏବା ନଜାଣେ ? ଏହି ଗୁଣ ସମ୍ପନ୍ନ ବ୍ୟକ୍ତିତ୍ୱକଙ୍କୁ ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ଓଡ଼ିଶା ସରକାରଙ୍କ ତରଫରୁ ଏବଂ ପଞ୍ଚଧ୍ଵନି ନାଟ୍ୟ ପରିଷଦ ଭୁବନେଶ୍ୱର ପକ୍ଷରୁ ଭଞ୍ଜକଳା ମଣ୍ଡପରେ ନାଟକ ମହୋତ୍ସବ ଅବସରରେ ସମ୍ବର୍ଦ୍ଧିତ କରାଯାଇଛି ।ଏହି ସ୍ବତନ୍ତ୍ର ଉତ୍ସବରେ ଅତିଥିମାନେ ମି .କାଲିଆଙ୍କର ସବୁ କ୍ଷେତ୍ରରେ କାର୍ଯ୍ୟ ଶୈଳୀକୁ ଭୁରି ଭୂରି ପ୍ରଶଂସା କରିଥିଲେ ।ନୟାଗଡ ମ୍ୟୁନିସିପାଲଟି ୭ନମ୍ବର ୱାର୍ଡର କାଉନସିଲର ଭାବେ ଜନସେବାରେ ବର୍ତ୍ତମାନ କାର୍ଯ୍ୟରତ ।ଆଧ୍ୟାତ୍ମିକ ବ୍ୟକ୍ତି ଭାବରେ ବହୁବର୍ଷ ଧରି ରାମସେବା ପରିଷଦର ମୁଖ୍ୟ ହୋଇ ନୟାଗଡ ଜଗନ୍ନାଥ ମନ୍ଦିରରେ ରାମଚରିତ ମାନସ ପାରାୟଣ ,ପ୍ରବଚନ ଓ ଘୃତ ଯଜ୍ଞ କାର୍ଯ୍ୟ ଚାଲୁରଖିଛନ୍ତି । ନାଟ୍ୟଧାରା ଅନୁଷ୍ଠାନ ମାଧ୍ୟମରେ ପ୍ରତି ବର୍ଷ ଓଡ଼ିଶାର ବିଭିନ୍ନ ସ୍ଥାନର ନାଟ୍ୟ ଅନୁଷ୍ଠାନକୁ ଚୟନ କରି ନାଟକ ସପ୍ତାହ ଆୟୋଜନର ଦାଇତ୍ୱ ତୁଲାଇଥାଆନ୍ତି ।ନୟାଗଡ ବୋଇତ ବନ୍ଦାଣ ଉତ୍ସବରେ ତଅପୋଇ ନୃତ୍ୟ ନାଟିକାର ନିର୍ଦ୍ଦେଶକ ନିଜେ ମୀଷ୍ଟର କାଳିଆ ।ତାଙ୍କର ବହୁ ନାଟକରେ ନିଖୁଣ ଅଭିନୟ ଦର୍ଶକ ବିମୋହିତ ହୁଅନ୍ତି ।ଏହି ଗୁଣି ବ୍ୟକ୍ତିଙ୍କୁ ସମ୍ବର୍ଦ୍ଧିତ କରାଯାଇଥିବାରୁ ନୟାଗଡ ଜିଲ୍ଲାର ଜନସାଧାରଣ ଖୁସି ହେଉଛନ୍ତି ।
ଇ ପି ଏ ରୁ ଗୋକୁଳ କୁମାର ଷଡ଼ଙ୍ଗୀ ଜିଲ୍ଲା ପ୍ରତିନିଧି ନୟାଗଡ଼ ।
