ଚତୁର୍ଥ କୁଲିପାଲି ପ୍ରିମିୟର ଲିଗ ନାଇଟ ସର୍କିଲ କ୍ରିକେଟ ଟୁର୍ଣ୍ଣାମେଣ୍ଟ ଉଦଘାଟିତ

ସୁବର୍ଣ୍ଣପୁର ଜିଲ୍ଲା ସୋନପୁର ବ୍ଲକ ହରଡ଼ଖୋଲ ଗ୍ରାମପଞ୍ଚାୟତ ଅନ୍ତର୍ଗତ କୁଲିପାଲି ଠାରେ ଜୟ ଜଗନ୍ନାଥ କ୍ରିକେଟ କ୍ଲବ ଆନୁକୂଲ୍ୟରେ ଚତୁର୍ଥ କୁଲିପାଲି ପ୍ରିମିୟର ଲିଗ ନାଇଟ ସର୍କିଲ କ୍ରିକେଟ ଟୁର୍ଣ୍ଣାମେଣ୍ଟ ଉଦଘାଟିତ ହୋଇଯାଇଛି l ଏହି ଟୁର୍ଣ୍ଣାମେଣ୍ଟ ଉଦଘାଟନୀ ଉତ୍ସବ ରେ ହରଡ଼ଖୋଲ ଗ୍ରାମପଞ୍ଚାୟତ ର ସରପଞ୍ଚ ମୋହନ କର୍ମୀ ମୁଖ୍ୟ ଅତିଥି ଓ ଲକର୍ମା ସେବା ସମବାୟ ସମିତି ର ସମ୍ପାଦକ ଶରତ ଚନ୍ଦ୍ର ନନ୍ଦ ସମ୍ମାନିତ ଅତିଥି ଭାବରେ ଯୋଗ ଦେଇ ଖେଳାଳୀ ଙ୍କୁ ଉତ୍ସାହିତ କରିଥିଲେ lଉକ୍ତ ନାଇଟ ସର୍କିଲ କ୍ରିକେଟ ଟୁର୍ଣ୍ଣାମେଣ୍ଟ ଟି କୁଲିପାଲି, ଲକର୍ମା, ଡାହାଜା ଓ ଅର୍ଜୁନପୁର ଗ୍ରାମର କ୍ରିକେଟ ପ୍ରେମୀ ଓ କ୍ରିକେଟ ଖେଳାଳୀ ଙ୍କୁ ନେଇ ଅନୁଷ୍ଠିତ ହୋଇଛି l କୁଲିପାଲି ଜୟ ଜଗନ୍ନାଥ କ୍ରିକେଟ କ୍ଲବ ର ସଭାପତି ଅନିଲ କୁମାର ଦାଶ, ସମ୍ପାଦକ ଭକ୍ତ କର୍ମୀ, ସହ ସମ୍ପାଦକ ବିକାଶ ଚନ୍ଦ୍ର ରଥ, କୋଷାଧ୍ୟକ୍ଷ ବ୍ୟାସଦେବ ନନ୍ଦ, ଜଗଦିଶ କର୍ମୀ, କାହ୍ନୁ ଦାଶ, ସୀତାକାନ୍ତ ଅମାତ, ଦିଲ୍ଲୀପ କୁଅଁର, ବିଶ୍ୱନାଥ କୁଅଁର ଓ ସମସ୍ତ ସଦସ୍ୟ ଙ୍କ ଦ୍ୱାରା ଉପସ୍ଥିତ ଅତିଥି ଙ୍କୁ ପୁଷ୍ପ ଗୁଚ୍ଛ ଓ ଉପଢୌକନ ଦେଇ ସ୍ୱାଗତ କରାଯାଇଥିଲା l ଉଦଘାଟନୀ ମ୍ୟାଚ ଟି କ୍ଲାସିକ୍ସ -8 ଏବଂ ଡେଂଜର ୱାରିୟାର୍ସ ଙ୍କ ମଧ୍ୟରେ ଅନୁଷ୍ଠିତ ହୋଇଥିଲା l ଖେଳ ର ଧାରା ବିବରଣୀ ବିକ୍ରମ କୁମାର ନନ୍ଦ ପ୍ରଦାନ କରିଥିଲେ l

ସୁବର୍ଣ୍ଣପୁର ରୁ ଉଗ୍ରସେନ କର୍ମୀ ଙ୍କ ରିପୋର୍ଟ ଇପିଏ ନ୍ୟୁଜ…