ବ୍ରିକ୍ସ ସମ୍ମିଳନୀ ୨୦୨୬ ଅବସରରେ ମାନସ କୁମାର ସାହୁଙ୍କୁ ସ୍ୱାଗତ
ପୁରୀ, : ଆନ୍ତର୍ଜାତୀୟ ଖ୍ୟାତିସମ୍ପନ୍ନ ବାଲୁକା ଶିଳ୍ପୀ ଓ ବାଲୁକା ଆନିମେଟର ମାନସ କୁମାର ସାହୁ ନୂଆଦିଲ୍ଲୀରେ ଆୟୋଜିତ ବ୍ରିକ୍ସ ସମ୍ମିଳନୀ ୨୦୨୬ ଅବସରରେ ଭାରତକୁ ଆସୁଥିବା ବିଶ୍ୱ ନେତୃବୃନ୍ଦଙ୍କୁ ସ୍ୱାଗତ ଜଣାଇ ଏକ ସ୍ୱତନ୍ତ୍ର ବାଲୁକା ଆନିମେସନ୍ ପ୍ରସ୍ତୁତ କରିଛନ୍ତି।
ନିଜର ଅନନ୍ୟ ବାଲୁକା ଆନିମେସନ୍ କଳା ମାଧ୍ୟମରେ ମାନସ କୁମାର ସାହୁ ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ୍, ଚୀନ ରାଷ୍ଟ୍ରପତି ସି ଜିନପିଙ୍ଗ, ଦକ୍ଷିଣ ଆଫ୍ରିକାର ରାଷ୍ଟ୍ରପତି ସିରିଲ୍ ରାମାଫୋସା ଏବଂ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଆକର୍ଷଣୀୟ ବାଲୁକା ପ୍ରତିକୃତି ସୃଷ୍ଟି କରିଛନ୍ତି।
ଏହି କଳାକୃତିରେ ଭାରତୀୟ ସଂସ୍କୃତିର ମହାନ ବାର୍ତ୍ତା *“ଅତିଥି ଦେବୋ ଭବ”*କୁ ପ୍ରତିଫଳିତ କରାଯାଇଛି। ନୂଆଦିଲ୍ଲୀର ପ୍ରତିଷ୍ଠିତ ଭାରତ ମଣ୍ଡପମ୍ରେ ଆୟୋଜିତ ଏହି ଗୁରୁତ୍ୱପୂର୍ଣ୍ଣ ବ୍ରିକ୍ସ ସମ୍ମିଳନୀକୁ ଉପଲକ୍ଷ କରି ବିଶ୍ୱ ନେତାମାନଙ୍କୁ ଭାରତକୁ ହାର୍ଦ୍ଦିକ ସ୍ୱାଗତ ଜଣାଯାଇଛି।
ଏହି ବାଲୁକା ଆନିମେସନ୍ରେ ବ୍ରିକ୍ସ ରାଷ୍ଟ୍ରମାନଙ୍କ ମଧ୍ୟରେ ବିଶ୍ୱର ବିଭିନ୍ନ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ଆଲୋଚନା, ସହଯୋଗ, ବନ୍ଧୁତ୍ୱ ଓ ଏକତାର ବାର୍ତ୍ତାକୁ ମଧ୍ୟ ପ୍ରଦର୍ଶିତ କରାଯାଇଛି।
ମାନସ କୁମାର ସାହୁ ତାଙ୍କର ପୁରୀସ୍ଥିତ ଷ୍ଟୁଡିଓରେ ପ୍ରାୟ ୮ ଘଣ୍ଟାର ନିରନ୍ତର ପରିଶ୍ରମ ପରେ ଏହି ସ୍ୱତନ୍ତ୍ର ବାଲୁକା ଆନିମେସନ୍ଟି ସମ୍ପୂର୍ଣ୍ଣ କରିଛନ୍ତି।
ଏହି କଳାକୃତି ମାଧ୍ୟମରେ ମାନସ କୁମାର ସାହୁ ଭାରତର “ଅତିଥି ଦେବୋ ଭବ” ବାର୍ତ୍ତାକୁ ସମଗ୍ର ବିଶ୍ୱ ସମ୍ମୁଖରେ ପହଞ୍ଚାଇବା ସହ ବ୍ରିକ୍ସ ନେତୃବୃନ୍ଦ ଓ ପ୍ରତିନିଧିମାନଙ୍କୁ ଭାରତକୁ ହାର୍ଦ୍ଦିକ ସ୍ୱାଗତ ଜଣାଇଛନ୍ତି।
ଆନ୍ତର୍ଜାତୀୟ ବାଲୁକା ଶିଳ୍ପୀ ଓ ବାଲୁକା ଆନିମେଟର
