ମାଲକାନଗିରି ଜିଲ୍ଲାର ଦୁଇ ଆଦିବାସୀ ଯୁବକ ଭାଗ ନେବେ ୧୪ତମ ଅନ୍ତର୍ଜାତୀୟ ବାଲୁକା କଳା ମହୋତ୍ସବରେ
ଓଡ଼ିଶା ପର୍ଯ୍ୟଟନ ବିଭାଗ ପକ୍ଷରୁ ଆସନ୍ତା କାଲି ଡିସେମ୍ବର ୦୧-୦୫ ତାରିଖ ପର୍ଯ୍ୟନ୍ତ ଅନୁଷ୍ଠିତ ହେବାକୁ ଥିବା ୧୪ ତମ ଆନ୍ତର୍ଜାତୀୟ ବାଲୁକା କଳା ମହୋତ୍ସବ କୋଣାର୍କ ମହୋତ୍ସବ । ଏଥିରେ ଭାଗ ନେବାକୁ ମାଲକାନଗିରି ଜିଲ୍ଲାର ଦୁଇ ଆଦିବାସୀ ଯୁବକ ମୁକା କବାସୀ ଓ କେନି କବାସୀ ମନୋନୀତ ହୋଇଥିବା ବେଳେ ସେମାନେ ନିଜ ନିଜର ବାଲୁକା ଶିଳ୍ପ ପ୍ରଦର୍ଶନ ପରିବେଷଣ କରିବେ । ରାଜ୍ୟରେ ପ୍ରତି ଜିଲ୍ଲାରୁ ମନୋନୀତ ପ୍ରତିଯୋଗୀ ଅଂଶଗ୍ରହଣ ପାଇଁ ବୁଧୁବାର ଦିନ ରାଜ୍ୟ ସରକାର ଏକ ତାଲିକା ଘୋଷଣା କରିଥିଲେ । ସେଥିରେ ମାଲକାନଗିରି ଜିଲ୍ଲାର ଦୁଇ ଯୁବକ ଯୋଗ ଦେବନେଇ ବିଭିନ୍ନ ମହଲରେ ଶୁଭେଚ୍ଛାର ସୁଅ ଛୁଟିଛି।
ପଞ୍ଚ ଦିନର ଉକ୍ତ କାର୍ଯ୍ୟକ୍ରମରେ ଯୁକ୍ତରାଜ୍ୟ, ପର୍ତ୍ତୁଗାଲ, ମେକ୍ସିକୋ, ରୁଷ, ଜାପାନ, ସ୍ପେନ୍ ଏବଂ ଶ୍ରୀଲଙ୍କାର କଳାକାରମାନେ ଆନ୍ତର୍ଜାତୀୟ ବାଲୁକା କଳା ମହୋତ୍ସବର ସେମାନଙ୍କର କଳା ପ୍ରଦର୍ଶନ କରିବେ। ପ୍ରଥମ ମହୋତ୍ସବ ଦେଶର ଶାସ୍ତ୍ରୀୟ ନୃତ୍ୟ ରୂପକୁ ପାଳନ କରୁଥିବାବେଳେ ଦ୍ୱିତୀୟ ମହୋତ୍ସବ ବିଶ୍ୱ ବାଲୁକା କଳାକାରମାନଙ୍କୁ ଏକ କାନଭାସ୍ ହେବ। ୨୦୧୧ ମସିହାରେ ପୁରୀର ଚନ୍ଦ୍ରଭଗା ବିଚରେ ଆରମ୍ଭ ହୋଇଥିବା ଏହି କାର୍ଯ୍ୟକ୍ରମ ପ୍ରତିବର୍ଷ ୦୧-୦୫ ଡିସେମ୍ବର ପର୍ଯ୍ୟନ୍ତ ଆୟୋଜିତ ହୋଇଥାଏ।
ମୁଖ୍ୟ ଉଦ୍ଦେଶ୍ୟ ହେଉଛି ପର୍ଯ୍ୟଟନକୁ ପ୍ରୋତ୍ସାହିତ କରିବା, ବାଲି ଖୋଦନ କରିବାର ସମୃଦ୍ଧ କଳାକୁ ପାଳନ କରିବା ଏବଂ କଳାକାରମାନଙ୍କ ପାଇଁ ଧାରଣା ଏବଂ କୌଶଳ ଆଦାନପ୍ରଦାନ ପାଇଁ ଏକ ପ୍ଲାଟଫର୍ମ ଯୋଗାଇବା ।
ସ୍ଥାନୀୟ କଳାକାରମାନେ ସଂସ୍କୃତି, ପରିବେଶ ଏବଂ ସମାଜ ସହ ଜଡିତ ଥିମ୍ ଚିତ୍ରଣ କରିବାରେ ବିଶ୍ୱସ୍ତରୀୟ ମାଷ୍ଟରମାନଙ୍କ ସହିତ ତାମିଲନାଡୁ, ଆନ୍ଧ୍ରପ୍ରଦେଶ, ତେଲେଙ୍ଗାନା, ଗୁଜୁରାଟ, ପଶ୍ଚିମବଙ୍ଗ, ଝାଡଖଣ୍ଡ ଏବଂ ଉତ୍ତରପ୍ରଦେଶର ଭାରତୀୟ କଳାକାରମାନେ ଯୋଗଦେଇ ବାଲୁକା କଳା ଉପରେ ସେମାନଙ୍କର ସୃଜନଶୀଳତା ସୃଷ୍ଟି କରିବେ।
ରିପୋର୍ଟ:ମାଲକାନଗିରି ଜିଲ୍ଲା ଈପିଏରୁ ତିରୁମାଲା ପ୍ରସାଦ ପଟ୍ଟନାୟକ
