୪୨ତମ ବାର୍ଷିକ ଖଣି ସୁରକ୍ଷା ସପ୍ତାହ ପାଳନ ମହୋତ୍ସବ ରେ ଆଇ.ଆର୍.ଇ.ଏଲ୍. (ଇଣ୍ଡିଆ) ନାଟକ ପାଇଁ ପୁରସ୍କୃତ
୪୨ତମ ବାର୍ଷିକ ଖଣି ସୁରକ୍ଷା ସପ୍ତାହ ପାଳନ ମହୋତ୍ସବ ଅବସରରେ ଛତ୍ରପୁର ଠାରେ ଅବସ୍ଥାପିତ ପ୍ରତିଷ୍ଠାନ ଆଇ.ଆର୍.ଇ.ଏଲ୍. (ଇଣ୍ଡିଆ) ନାଟକ ପାଇଁ ପ୍ରଥମ ସ୍ଥାନ ଅଧିକାର କରି ମାନପତ୍ର ସହ ପୁରସ୍କୃତ ହୋଇଛି । ଜାତୀୟ ଖଣି ସୁରକ୍ଷା ସପ୍ତାହ ପାଳନ ସମାରୋହ ଅବସରରେ ଏକ ରାଜ୍ଯସ୍ତରୀୟ ଖଣି ବିଭାଗ ତରଫରୁ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଡିଜିଏମ୍ଏସ୍ ଭୁବନେଶ୍ୱରର ଏଜିସ୍ ଅଧୀନରେ ଆୟୋଜିତ ଏହି କାର୍ଯ୍ୟକ୍ରମରେ ଆଇ.ଆର୍.ଇ.ଏଲ୍. (ଇଣ୍ଡିଆ) ଡ୍ରାମା ଅବା ନାଟକ ମଞ୍ଚସ୍ଥରେ ପ୍ରଥମ ସ୍ଥାନ ଅଧିକାର କରିଥିବା ବେଳେ ସାଜସଜ୍ଜାରେ, ଷ୍ଟଲ୍ ପ୍ରଦର୍ଶନୀରେ ,ପରିଷ୍କାର ପରିଚ୍ଛନ୍ନତା, ସ୍ୱଚ୍ଛତାରେ, ସୌନ୍ଦର୍ଯ୍ୟକରଣରେ ନିରୀକ୍ଷଣତା ଭିତ୍ତିରେ ମଧ୍ୟ ପ୍ରତିଷ୍ଠାନ ଏ- ୨ ଗ୍ରୁପ୍ ଯୋଡ଼ା ଟାଟା ଷ୍ଟିଲ୍ ସୌଜନ୍ୟରେ ମାନପତ୍ର ସହ ପୁରସ୍କାରରେ ସମ୍ମାନୀତ ହୋଇଛନ୍ତି ।
ଆଇ.ଆର୍.ଇ.ଏଲ୍. ଖଣି ବିଭାଗ ମୁଖ୍ୟ ଅଜିତ୍ କୁମାର୍ ମହନ୍ତ, ଡିଜିଏମ ଏ. କେ. ତ୍ରିପାଠୀ ମଞ୍ଚରେ ସମ୍ମାନୀତ ହୋଇଥିଲେ । ଆଇ.ଆର୍.ଇ.ଏଲ୍. (ଇଣ୍ଡିଆ) ପ୍ରଶାସନିକ ମୁଖ୍ୟ ଶ୍ରୀ ସି.ଭି.ଆର. ମୂର୍ତ୍ତୀ, ଜି.କେ. ନାୟକ ଙ୍କ ଭଳି ଉକ୍ତ ପ୍ରତିଷ୍ଠାନ ପ୍ରଶଂସା ର ପାତ୍ର ହୋଇଛନ୍ତି ।
ସୂଚନା ଯୋଗ୍ୟ ଯେ’ ଦୈତାରୀ ସେଠୀ ଙ୍କ ଲିଖିତ ଏବଂ ତାଙ୍କରି ଉଦ୍ୟମରେ ସଫଳ ରୂପାୟନ ସହ ଏକ ଅନନ୍ୟ ସମ୍ଭବ ହୋଇପାରିଥିବା ନାଟକ ଟି ର ଯାହା ତାଙ୍କରି ନିର୍ଦ୍ଦେଶନାରେ ମଞ୍ଚସ୍ଥ “ଟିକେ ଭୁଲ୍ ପାଇଁ” ନାଟକ ଟି ରାଜ୍ୟସ୍ତରରେ ଆୟୋଜିତ ସମାରୋହରେ ପୁରସ୍କୃତ ହୋଇପାରିଛି । ଏଥିପାଇଁ ଛତ୍ରପୁର ଠାରେ ଅବସ୍ଥିତ ଭାରତୀୟ ବିରଳ ମୃତ୍ତିକା ପ୍ରତିଷ୍ଠାନ ଆଇ.ଆର୍.ଇ.ଏଲ୍. (ଇଣ୍ଡିଆ) ପ୍ରଶାସନିକ ଭବନରେ ଏବେ ଆନନ୍ଦ ର ଲହରୀ ଖେଳିଯାଇଛି । କର୍ମଚାରୀ ଓ ଅଫିସର୍, ଯନ୍ତ୍ରୀ ଙ୍କ ମୁହଁରେ ହସ ଫୁଟିଛି । ନାଟକ ଟି ପାଇଁ ଯାହାର ଶ୍ରେୟତା ମିଳିଛି, ଶ୍ରୀମାନ୍ ଦୈତାରୀ ସେଠୀ ଙ୍କୁ,,,। ବିଭିନ୍ନ ମହଲରେ ଶୁଭେଚ୍ଛାର ସୁଅ ଛୁଟିଛି । ଶ୍ରୀମାନ୍ ଦୈତାରୀ ସେଠୀ ନିଜେ କହିଛନ୍ତି ଯେ’ ଆଇ.ଆର୍.ଇ.ଏଲ୍. (ଇଣ୍ଡିଆ) ପ୍ରଶାସନିକ ଭବନ ର ଏହି ଉଦ୍ୟମ, ସୌଜନ୍ୟତା ଏବଂ ସୁଯୋଗ ପ୍ରଦାନ ହେତୁ ତାଙ୍କୁ ଏବଂ ବିଭାଗୀୟ ମୁଖ୍ୟ ଶ୍ରୀ ସିଭିଆର ମୂର୍ତ୍ତି ତଥା ଉଚ୍ଚ କର୍ତ୍ତୃପକ୍ଷଙ୍କୁ ସାଧୁବାଦ ଜଣାଇଛନ୍ତି ।
