ସେପ୍ଟେମ୍ବର ୧୩ ରେ ପାରାଦୀପ ପୋର୍ଟ ଜିଲ୍ଲା ଫୁଟବଲ ଟିମ ପାଇଁ ଖେଳାଳି ଚୟନ 

ପାରାଦୀପ – ସେପ୍ଟେମ୍ବର ମାସ ୨୫ ରୁ  ଅକ୍ଟୋବର ୨ ତାରିଖ ପର୍ଯ୍ୟନ୍ତ ପାରାଦୀପ ର ଗୋପବନ୍ଧୁ ଷ୍ଟାଡିୟମ ଠାରେ ସିନିୟର ଆନ୍ତଃ ଜିଲ୍ଲା ଫୁଟବଲ ଟୁର୍ଣ୍ଣାମେଣ୍ଟ ‘ସାହାଣୀ କପ’ ଆୟୋଜିତ ହେବ l ଏହି ଟୁର୍ଣ୍ଣାମେଣ୍ଟ ପାଇଁ ପାରାଦୀପ ପୋର୍ଟ ଜିଲ୍ଲା ଫୁଟବଲ ଟିମ ର ଖେଳାଳି ଚୟନ ପାଇଁ ଗୋପବନ୍ଧୁ ଷ୍ଟାଡିୟମ ଠାରେ ଚଳିତ ସେପ୍ଟେମ୍ବର ମାସ ୧୩ ତାରିଖ ସକାଳ ୮ ଟାରୁ ୧0 ଟା ଏବଂ ସନ୍ଧ୍ୟା ୪ ଟା ଠାରୁ ୬ ଟା ପର୍ଯ୍ୟନ୍ତ ଖେଳାଳି ଚୟନ କରାଯିବ l  ଇଛୁକ ଖେଳାଳି ମାନେ ନିର୍ଦ୍ଧିଷ୍ଟ ତାରିଖ,ସ୍ଥାନ ଓ ସମୟ ରେ ପହଞ୍ଚି ଚୟନ ପ୍ରକ୍ରିୟାରେ ଭାଗ ନେଇପାରିବେ l ସବିଶେଷ ବିବରଣୀ ପାଇଁ ଫୁଟବଲ ପ୍ରଶିକ୍ଷକ ରବି ଦାସ ଙ୍କ ମୋବାଇଲ ନମ୍ବର ୯୪୩୭୩୧୭୧୩୩ ରେ ଯୋଗାଯୋଗ କରିବାକୁ ଏବଂ ଆଗ୍ରହୀ ଖେଳାଳି ମାନେ ଚୟନ ପ୍ରକ୍ରିୟା ସମୟରେ ଗୋଟିଏ ପାସପୋର୍ଟ ସାଇଜ ଫୋଟୋ, ଜନ୍ମ ବା ମାଟ୍ରିକ ସାର୍ଟିଫିକେଟ/ ପ୍ୟାନକାର୍ଡ/ଡ୍ରାଇଭିଂ ଲାଇସେନ୍ସ/ଆଧାର କାର୍ଡ ଆଣିବାକୁ ଗୋପବନ୍ଧୁ କ୍ରୀଡା ସଂସଦ ପକ୍ଷରୁ ସୂଚନା ଦିଆଯାଇଛି l

ପାରାଦୀପ ଇପିଏ ରୁ ପ୍ରଶାନ୍ତ ଦାଶ ଙ୍କ ରିପୋର୍ଟ
ଇପିଏ ନିଉଜ ( ଇଷ୍ଟର୍ଣ୍ଣ ପ୍ରେସ ଏଜେନ୍ସି )