ଇଫକୋ ଲୋକସମ୍ପର୍କ ଅଧିକାରୀଙ୍କ ପତ୍ନୀ ବିୟୋଗ
ପାରାଦ୍ୱୀପ – ଇଫକୋ ପାରାଦ୍ୱୀପ ୟୁନିଟର ପ୍ରଶାସନିକ ତଥା ଲୋକସମ୍ପର୍କ ଅଧିକାରୀ ଶ୍ରୀ ପ୍ରସନ୍ନ କୁମାର ବେଉରାଙ୍କ ପତ୍ନୀ ଶ୍ରୀମତୀ ରୀନା ବେଉରାଙ୍କ ମାତ୍ର ୪୮ ବର୍ଷ ବୟସରେ ଅକାଳ ବିୟୋଗ ହୋଇଛି । ଗତକିଛି ଦିନ ହେବ ଅସୁସ୍ଥ ରହିଥିବାରୁ ସେ ଚିକିତ୍ସିତ ହେଇ ଭଲ ହୋଇ ଆସିଥିଲେ | ମାତ୍ର ୧୫ ଦିନ ପୂର୍ଵରୁ ସେ ପୁଣି ଅସୁସ୍ଥ ହେବାରୁ ତାଙ୍କୁ ପ୍ରଥମେ ଭୁବନେଶ୍ୱର ପରେ ବାଙ୍ଗାଲୋର ସ୍ଥିତ ଆପୋଲ ହସ୍ପିଟାଲରେ ଭର୍ତି କରାଯାଇଥୀଲା |ସୋମବାର ଦିନ ଚିକିତ୍ସିତ ଅବସ୍ଥାରେ ତାଙ୍କର ପରଲୋକ ଘଟିଛି । ମୃତ୍ୟୁ ସମୟରେ ତାଙ୍କ ନିକଟରେ ସ୍ୱାମୀ ଶ୍ରୀ ପ୍ରସନ୍ନ କୁମାର ବେଉରାଙ୍କ ସମେତ ପୁଅ, ଝିଅ ଓ ଅତ୍ମୀୟ ସଜନ ଉପସ୍ଥିତ ଥିଲେ | ମଙ୍ଗଳ ବାର ଦିନ କେନ୍ଦ୍ରାପଡା ଜିଲ୍ଲାର କୁସୁପୁର ଗ୍ରାମରେ ତାଙ୍କର ଅନ୍ତିମ ସଂସ୍କାର କରାଯାଇଛି। ଶ୍ରୀମତୀ ବେଉରା ଜଣେ ସମାଜ ସେବୀ,ଧର୍ମପରାୟଣ ,ମିଷ୍ଠ ଭାଷୀ ଓ ପରୋପକାରୀ ମହିଳା ଥିଲେ।ତାଙ୍କ ବିୟୋଗ ଖବର ମଳିବା ପରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି।ପାରାଦ୍ୱୀପ ଅଞ୍ଚଳର ବିଶିଷ୍ଟ ବ୍ୟକ୍ତି, ସ୍ୱେଚ୍ଛାସେବୀ ସଂଗଠନ କର୍ମକର୍ତ୍ତା ଓ ସ୍ଥାନୀୟ ଗଣମାଧ୍ୟମ ପ୍ରତିନିଧିମାନେ ଶ୍ରୀମତୀ ବେଉରାଙ୍କ ବିୟୋଗରେ ଗଭୀର ଶ୍ରଦ୍ଧାଞ୍ଜଳି ଅର୍ପଣ କରିବା ସହିତ ତାଙ୍କ ଅମର ଆତ୍ମାର ସଦ୍ଗତି କାମନା କରିଛନ୍ତି।
