ଜିଲ୍ଲା ଆଇନସେବା ପ୍ରାଧିକାରଣ, ବାଲେଶ୍ୱର ଆନୁକୂଲ୍ୟରେ ସାଇକେଲ ରାଲି ଏବଂ ବୃକ୍ଷରୋପଣ କାର୍ଯ୍ୟକ୍ରମ ର ଆୟୋଜନ
ବାଲେଶ୍ୱର: ଜିଲ୍ଲା ଆଇନସେବା ପ୍ରାଧିକରଣ ବାଲେଶ୍ୱର ଆନୁକୂଲ୍ୟରେ ଜାତୀୟ ଆଇନସେବା ପ୍ରାଧିକରଣ ର ଆଶା (ସଚେତନତା, ସହାୟତା, ସହଯୋଗ ଏବଂ କାର୍ଯାନୁଷ୍ଠାନ ) ପ୍ରାମାଣିକ କାର୍ଯ୍ୟ ପଦ୍ଧତି ଅନୁଯାୟୀ ଶିଶୁ କନ୍ୟା ବିବାହ ମୁକ୍ତ ଭାରତ ଗଠନ ପାଇଁ ଏକ ସାଇକେଲ ରାଲି ର ଆୟୋଜନ କରାଯାଇଥିଲା l ଉପରୋକ୍ତ ରାଲିକୁ ଜିଲ୍ଲା ଏବଂ ଦୌରା ଜଜ ତଥା ଜିଲ୍ଲା ଆଇନସେବା ପ୍ରାଧିକରଣର ଅଧ୍ୟକ୍ଷ ଶ୍ରୀଯୁକ୍ତ ସତ୍ୟନାରାୟଣ ମିଶ୍ର ଅନୁଷ୍ଠାନିକ ଭାବେ ଶୁଭାରମ୍ଭ କରିଥିଲେ l ଏହି ରାଲି ରେ ଜିଲ୍ଲାର ବିଭିନ୍ନ ଅଗ୍ରଣୀ ମହାବିଦ୍ୟାଳୟର ଛାତ୍ର ଛାତ୍ରୀ, ଲିଗାଲ ଏଡ଼ ଡିଫେନ୍ସ କାଉନସେଲ, ପାରାଲିଗଲ ସ୍ଵେଛାସେବୀ, ବିଭିନ୍ନ ସ୍ୱୟଂ ସାହାୟିକା ଗୋଷ୍ଟୀର ସଦସ୍ୟା ଏବଂ ବିଭିନ୍ନ ସ୍ଵେଛାସେବୀ ସଂଗଠନର ସଦସ୍ୟ ସଦସ୍ୟା ସକ୍ରିୟ ଭାବରେ ଅଂଶ ଗ୍ରହଣ କରିଥିଲେ l ଏଥିରେ ବାଲେଶ୍ୱର ମୁଖ୍ୟାଳୟର ଅନ୍ୟାନ୍ୟ ବିଚାର ବିଭାଗୀୟ ଅଧିକାରୀ ମାନେ ମଧ୍ୟ ଅଂଶଗ୍ରହଣ କରିଥିଲେ l ଏହି ରାଲିକୁ ଜିଲ୍ଲା ସ୍ଥାୟୀ ଏବଂ ନିରନ୍ତର ଲୋକଅଦାଲତ ର ବିଚାରପତି ତଥା ଜିଲ୍ଲା ଆଇନସେବା ପ୍ରାଧିକରଣର ସଚିବ ଶ୍ରୀଯୁକ୍ତ ସୁମନ ଜେନା ପରିଚାଳନା କରିଥିଲେ l ରାଲିର ପରିସମାପ୍ତି ପରେ ଜିଲ୍ଲା ଆଇନସେବା ପ୍ରାଧିକରଣ ବାଲେଶ୍ୱର ଆନୁକୂଲ୍ୟରେ ଜାତୀୟ ଆଇନସେବା ପ୍ରାଧିକରଣର ପରିବେଶିକ ନ୍ୟାୟ ସଚେତନ ଅଭିଯାନ “ଆଜି ସୁରକ୍ଷିତ ରୁହନ୍ତୁ କାଲି ନିଶ୍ଚିତ ରୁହନ୍ତୁ ” ଯୋଜନା ଅନୁଯାୟୀ ବାଲେଶ୍ୱର ଷ୍ଟେସନ ଛକ ସ୍ଥିତ ନ୍ୟାୟିକ କଲୋନୀ ପରିସରରେ ବୃକ୍ଷରୋପଣ କରାଯାଇଥିଲା l ଏଥିରେ ଜିଲ୍ଲା ଏବଂ ଦୌରାଜଜ ବାଲେଶ୍ୱରଙ୍କ ସମେତ ଅନ୍ୟାନ୍ୟ ବିଚାର ବିଭାଗୀୟ ଅଧିକାରୀ ମାନେ ସକ୍ରିୟ ଭାବେ ଅଂଶଗ୍ରହଣ କରିଥିଲେ
