ଜିଲ୍ଲା ନିର୍ବାଚନ ଅଧିକାରୀଙ୍କ ପକ୍ଷରୁ ଚିଠା ଭୋଟର ତାଲିକା ପ୍ରକାଶ ।
ନୟାଗଡ ସଠିକ୍ ଭୋଟର ତାଲିକା ପ୍ରସ୍ତୁତି ପାଇଁ ଚାଲିଥିବା ସ୍ୱତନ୍ତ୍ର ସଘନ ସଂଶୋଧନ(ଏସ ଆଇ ଆର) ପରେ ରବିବାର ନୟାଗଡ଼ ଜିଲାର ଚିଠା ଭୋଟର ତାଲିକା ପ୍ରକାଶ ପାଇଛି। ଏହି ତାଲିକାରୁ ପ୍ରାୟ ୫୮, ୯୭୯ ଭୋଟରଙ୍କ ନାମ କରିବା ସମ୍ଭାବନା ରହିଛି।
ଜିଲ୍ଲାପାଳଙ୍କ କାର୍ଯ୍ୟାଳୟରେ ଜିଲ୍ଲାପାଳ ମଧୁମିତା ରଥଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ରାଜନୈତିକ ଦଳର ନେତୃବୃନ୍ଦଙ୍କ ଉପସ୍ଥିତିରେ ଚିଠା ତାଲିକା ପ୍ରକାଶ କରାଯା କଛି। ପ୍ରଶାସନ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ୫୮,୯୭୯ ଭୋଟରଙ୍କ ନାମ ବା ପଡ଼ିବାକୁ ଯାଉଥିବା ବେଳେ ଏଥିରୁ ୧୮୦୩୪ ଜଣଙ୍କର ମୃତ୍ୟୁ ହୋଇସାରିଛି । ସେହିପରି ୨୬, ୫୬୮ ଜଣ ସ୍ଥାୟୀ ଭାବେ ଜିଲାରୁ ସ୍ଥାନାନ୍ତରିତ ହୋଇଥିବା ବେଳେ ୭,୫୭୩ ଜଣ ଅନୁପସ୍ଥିତ ଅଛନ୍ତି ।
ପୁଣି ୪୧୩୭ ଜଣ ପୂର୍ବରୁ ଅନ୍ୟତ୍ର ପଞ୍ଜୀକରଣ କରିସାରିଛନ୍ତି। ଜିଲାର ୪ଟି ନିର୍ବାଚନମଣ୍ଡଳୀ ଦଶପଲ୍ଲା, ରଣପୁର, ନୟାଗଡ଼ ଓ ଖଣ୍ଡପଡ଼ାରେ ୭ ଲକ୍ଷ ୯୭ ହଜାର ୨୮୯ ଭୋଟର ଥିବାବେଳେ ୨୮ ଜୁନ ସୁଦ୍ଧା ୭ ଲକ୍ଷ ୩୮ ହଜାର ୩୧୦ ଜଣଙ୍କଠାରୁ ଗଣନା ଫର୍ମ ସଂଗ୍ରହ ହୋଇଛି। ମେ ୩୦ରୁ ଆରମ୍ଭ ହୋଇଥିବା ଏହି କାର୍ଯ୍ୟରେ ୯୩୮ ବୁଥ୍ ୯୩୮ ଜଣ ଚୁଥ କେବୁଲ ଅଫିସର ଘରଘର ବୁଲିଥିଲେ। ଚିଠା ଭୋଟର ତାଲିକା ରବିବାର ପ୍ରକାଶ ପାଇଥିବାରୁ ଦାବି ଓ ଆପତ୍ତି ଅବଧି ରବିବାରଠାରୁ ଅଗଷ୍ଟ ୪ ପର୍ଯ୍ୟନ୍ତ ରହିଛି। ତେବେ ଶୁଣାଣି ଜୁଲାଇ ୫ରୁ ସେପ୍ଟେମ୍ବର ୨ ପର୍ଯ୍ୟନ୍ତ ରହିଛି। ଚୂଡ଼ାନ୍ତ ତାଲିକା ସେପ୍ଟେମ୍ବର ୬ରେ ପ୍ରକାଶ ପାଇବ। ଯେଉଁମାନଙ୍କ ନାମ ତାଲିକାରେ ନାହିଁ ସମ୍ପୂର ଭୋଟରମାନେ ଅବଧି ମଧ୍ୟରେ ବିଏଲଓ କିମ୍ବା ଭସିନେଟ ଆପ୍ ମାଧ୍ୟମରେ ଦାବି ଦାଖଲ କରିପାରିବେ । ଉପଯୁକ୍ତ ନୋଟିସ ଓ ଶୁଣାଣି ବିନା କାହାର ନାମ ବାଦ ପଡ଼ିବ ନାହିଁ ବୋଲି ପ୍ରଶାସନ ସ୍ପଷ୍ଟ କରିଛି । ବୈଠକରେ ଜିଲା ପରିସଦର ମୁଖ୍ୟ ଜନ୍ନୟନ ଅଧିକାରୀ ଲଗ୍ନଜିତ ରାଉତ, ଅତିରିକ୍ତ ଜିଲାପାଳ ରୋଜିନା ଦାସ ଓ ବିଜୟାନନ୍ଦ ମଲିକ, ଉପଜିଲାପାଳ କର୍ଣ୍ଣଦେବ ସମଦାର , କଂଗ୍ରେସର ଜିଲ୍ଲା ସଭାପତି ରଣଜିତ ଦାଶ, ବିଜେଡି ଜିଲ୍ଲା ସଭାପତି ତଥା ଦଶପଲ୍ଲା ବିଧାୟକ ରମେଶ ଚନ୍ଦ୍ର ବେହେରା ଓ ବିଜେଡି ନେତା ଗଙ୍ଗାଧର ପଣ୍ଡା, ଭାଜପାର ସୌମ୍ୟ ରଞ୍ଜନ ପ୍ରଧାନ ଓ ଜିପିଆଇଏମର ବିଶ୍ୱନାଥ ମହାପାତ୍ର ପ୍ରମୁଖ ଉପସ୍ଥିତ ଥିଲେ।
ଇ ପି ଏ ରୁ ଗୋକୁଳ କୁମାର ଷଡ଼ଙ୍ଗୀ ଜିଲ୍ଲା ପ୍ରତିନିଧି ନୟାଗଡ଼ ।
