ପୁଅ ପାଇଁ ବାପା ର ଅର୍ଥ ଚିନ୍ତା : ଭଲ କରିବା ପାଇଁ ଅସହାୟ ବାପା ମାଗିଲେ ଭିକ୍ଷା
ସୁବର୍ଣ୍ଣପୁର ଜିଲ୍ଲା ବିନିକା ବ୍ଲକ ଭଣ୍ଡାର ପଂଚାୟତ ଗୁଲୁଣ୍ଡା ଗ୍ରାମର ରବୀନ୍ଦ୍ର ମାଝୀ ନିଜ ପୁଅକୁ ସ୍କୁଲ ରେ ଛାଡି ଘରକୁ ଆସୁଥିବା ବେଳେ ଏକ ଅଜଣା ଗାଡ଼ି ଧକ୍କା ଦେବାରୁ ବର୍ତ୍ତମାନ ରବୀନ୍ଦ୍ର ଆଜକୁ ୨ ମାସ ରୁ ଉର୍ଦ୍ଧ୍ୱ ହେବ ବୁର୍ଲା ମେଡିକାଲ ରେ ଚିକିତ୍ସିତ ହେଉଛନ୍ତି l ହେଲେ ସୁସ୍ଥ ହେବାପାଇଁ ଟଙ୍କା ଆବଶ୍ୟକ ପଡୁଥିବାରୁ ଘରେ ଯାହାକିଛି ଥିଲା ସେ ସବୁ ବିକ୍ରି କରି ଖର୍ଚ୍ଚ କରିସାରିଲେଣି l ତାଙ୍କର ବୁର୍ଲା ରେ ରହିବା ଚିକିତ୍ସା କରିବା ଏପରି କି ନିଜେ ଖାଇବା ପାଇଁ ପଇସା ନଥିବା ପ୍ରକାଶ କରିଛନ୍ତି l ଶନିବାର ବାପା ଇନ୍ଦ୍ରଜିତ ମାଝୀ ବେକରେ ଏକ ପୋଷ୍ଟର ଲଗାଇ ହାତରେ ଭିକ୍ଷା ଥାଳି ଧରି ଭିକ ମାଗୁଥିବାର ଦୃଶ୍ୟ ଦେଖିବାକୁ ମିଳିଛି, ଯାହାକି ହୃଦୟ ବିଦାରକ l ଇନ୍ଦ୍ରଜିତ କହିବା ଅନୁସାରେ ୨ ଟି ଅପରେସନ ସାରିଥିବାବେଳେ ଆଉ ଗୋଟିଏ ଅପରେସନ କରିବାକୁ ପଡିବ l ନିଜ ପାଖରେ ଟଙ୍କାଟିଏ ବି ନାହିଁ ସେଠାରେ ରହିବା ଔଷଧ କିଣିବା ଓ ନିଜେ ଚଳିବା ପାଇଁ ମଧ୍ୟକିଛି ନାହିଁ ହେଲେ ଏବେ ପୁଅର ଆଉ ଗୋଟିଏ ଅପରେସନ ହେବ ବୋଲି ରବୀନ୍ଦ୍ରଙ୍କ ବାପା ଇନ୍ଦ୍ରଜିତ ମାଝୀ କହିଛନ୍ତି l କିନ୍ତୁ ହାତରେ ଅର୍ଥ ନାହିଁ l ଯେଉଁଥିପାଇଁ ପରିଣତ ବୟସ୍କ ବାପା ଇନ୍ଦ୍ରଜିତ ପୁଅ ରବୀନ୍ଦ୍ରର ଅପରେସନ ପାଇଁ ସହରର ଗଳିକନ୍ଦି,ଦୋକାନ ବଜାର, ଚାରିଆଡେ ବୁଲିବୁଲି ଭିକ୍ଷା ମାଗୁଛନ୍ତି l ଏଥିପ୍ରତି ସୁବର୍ଣ୍ଣପୁର ଜିଲ୍ଲାପାଳ ଦୃଷ୍ଟି ଦେବାକୁ ସାଧାରଣ ରେ ଦାବି ହେଉଛି l
ସୁବର୍ଣ୍ଣପୁର ରୁ ଉଗ୍ରସେନ କର୍ମୀ ଙ୍କ ରିପୋର୍ଟ ଇପିଏ ନ୍ୟୁଜ…
