ଫେବୃଆରୀ 1 ତାରିଖ ରେ ମୁଖ୍ୟମନ୍ତ୍ରୀ ଙ୍କ ସୁବର୍ଣ୍ଣପୁର ଜିଲ୍ଲା ଗସ୍ତ

ସୁବର୍ଣ୍ଣପୁର — ଫେବୃଆରୀ, 1 ତାରିଖ ରେ ମୁଖ୍ୟମନ୍ତ୍ରୀ ଦିନିକିଆ ସୁବର୍ଣ୍ଣପୁର ଜିଲ୍ଲା ଗସ୍ତ ରେ ଆସୁଥିବା ସୂଚନା ମିଳିଛି l ସୁବର୍ଣ୍ଣପୁର ଜିଲ୍ଲା ସୋନପୁର ବ୍ଲକ ଖଲିଆପାଲି ର ସନ୍ଥ କବି ଭୀମଭୋଇ ଙ୍କ ସାଧନା ସିଦ୍ଧି ଓ ସମାଧିପୀଠରେ ଜାନୁଆରୀ 29 ତାରିଖ ରୁ ଫେବୃଆରୀ 2 ତାରିଖ ପର୍ଯ୍ୟନ୍ତ ପବିତ୍ର ମାଘମେଳା ଆରମ୍ଭ ହେଉଛି l ଫେବୃଆରୀ 1 ତାରିଖ ରେ ଓଡିଶା ର ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଏହି ପୀଠ କୁ ଦିନିକିଆ ଗସ୍ତ କରି ମାଘ ମେଳା ଉତ୍ସବ ରେ ଯୋଗ ଦେବେ l ଏ ସମ୍ପର୍କ ରେ ମୁଖ୍ୟମନ୍ତ୍ରୀ ଙ୍କ କାର୍ଯ୍ୟାଳୟ ପକ୍ଷରୁ ସୁବର୍ଣ୍ଣପୁର ଜିଲ୍ଲାପାଳ ଙ୍କ କାର୍ଯ୍ୟାଳୟ କୁ ସୂଚନା ଦିଆଯାଇଛି l ଫେବୃଆରୀ 1

ତାରିଖ ଭୁବନେଶ୍ୱର ରୁ ମୁଖ୍ୟମନ୍ତ୍ରୀ ଏକ ସ୍ୱତନ୍ତ୍ର ହେଲିକେପଟର ଯୋଗେ ଆସି ପୂର୍ବାହ୍ନ 10 ଟାରେ ସୁବର୍ଣ୍ଣପୁର ସହର ରାମେଶ୍ୱର ସ୍ଥିତ ଅସ୍ଥାୟୀ ହେଲିପ୍ୟାଡ଼ ରେ ଅବତରଣ କରିବେ l ସେଠାରୁ ସିଧା ସର୍କିଟ ହାଉସ ଯିବେ l ପରେ ସହର ସ୍ଥିତ ଶ୍ରୀ ଶ୍ରୀ ବଡ଼ ଗୋପାଳଜୀ ମନ୍ଦିର କୁ ଯାଇ ଠାକୁର ଙ୍କୁ ଦର୍ଶନ କରିବେ l ପରେ ମୁଖ୍ୟମନ୍ତ୍ରୀ ସୋନପୁର ବ୍ଲକ ଖଲିଆପାଲି ସ୍ଥିତ ସନ୍ଥ କବି ଭୀମଭୋଇ ଙ୍କ ସମାଧି ପୀଠ କୁ ଯିବେ l ସେଠାରୁ ଫେରି ଅପରାହ୍ନ ରେ ରାମେଶ୍ୱର ଷ୍ଟାଡିଅମ ରେ ଆୟୋଜିତ ହୋଇଥିବା ଜିଲ୍ଲା ସ୍ତରୀୟ ସୁଭଦ୍ରା ଶକ୍ତି ମେଳା କାର୍ଯ୍ୟକ୍ରମ ରେ ଯୋଗଦାନ କରିବେ l ଏ ନେଇ ଜିଲ୍ଲା ପ୍ରଶାସନ ଓ ମନ୍ଦିର ଟ୍ରଷ୍ଟ ପକ୍ଷରୁ ଜୋରଦାର ପ୍ରସ୍ତୁତି ଚାଲିଛି l ସୁବର୍ଣ୍ଣପୁର ଜିଲ୍ଲାପାଳ ଡ. ନୃପରାଜ ସାହୁ, ଅତିରିକ୍ତ ଆରକ୍ଷୀ ଅଧିକ୍ଷକ କେ କେ ହରିପ୍ରସାଦ, ଡିଆଇଭିଡି ଏସପି ବୈକୁଣ୍ଠନାଥ ବିହାରୀ ସେଠ, ଭାରପ୍ରାପ୍ତ ଏସଡିପିଓ ରେଣୁକା ସୁନା, ଲଛିପୁର ଥାନା ଅଧିକାରୀ ଯଯାତି କେଶରୀ ସାହୁ ଖଲିଆପାଲି ଗସ୍ତ କରି ସୁରକ୍ଷା ବ୍ୟବସ୍ଥା ତଦାରଖ କରିଛନ୍ତି l

ସୁବର୍ଣ୍ଣପୁର ରୁ ଉଗ୍ରସେନ କର୍ମୀ ଙ୍କ ରିପୋର୍ଟ ଇପିଏ ନ୍ୟୁଜ….