ଅନ୍ଧ, ମୁକ ଓ ବଧିର ଆବାସିକ ବିଦ୍ୟାଳୟ ଠାରେ ବାଳକ ଭୋଜନ ଓ ଶୀତ ବସ୍ତ୍ର ବଣ୍ଟନ କାର୍ଯ୍ୟକ୍ରମ ଅନୁଷ୍ଠିତ

ସୁବର୍ଣ୍ଣପୁର –ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ଆମ୍ବଗାଁ ପଂଚାୟତ ଅନ୍ତର୍ଗତ କୁରୁକୁପା ସ୍ଥିତ ଭୀମଭୋଇ ସ୍ୱତନ୍ତ୍ର ବିଦ୍ୟାଳୟ, କୁଡିବାହାଲ ଠାରେ ଦିବ୍ୟାଙ୍ଗ ଛାତ୍ରଛାତ୍ରୀ ମାନଙ୍କ ପାଇଁ ବାଳକ ଭୋଜନ ଓ ଶୀତ ବସ୍ତ୍ର ବଣ୍ଟନ କାର୍ଯ୍ୟକ୍ରମ କବ୍ଜା ତରଫରୁ ଅନୁଷ୍ଠିତ ହୋଇଯାଇଛି । କବ୍ଜାର ଉପସଭାପତି ପ୍ରଭାତ କୁମାର ସାହୁଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ବିଶିଷ୍ଟ ଉଦ୍ୟୋଗପତି କରୁଣାକର ସାହୁ ମୁଖ୍ୟଅତିଥି ଏବଂ ସମ୍ମାନିତ ଅତିଥି ଭାବେ ଆଦିବାସୀ ଉଚ୍ଚ ବିଦ୍ୟାଳୟ ନୂଆପାଲି ର ପ୍ରଧାନ ଶିକ୍ଷକ ଅନନ୍ତ ଚରଣ କ୍ଷେତି, ଭୀମଭୋଇ ସ୍ୱତନ୍ତ୍ର ବିଦ୍ୟାଳୟର ପ୍ରତିଷ୍ଠାତା ମନବୋଧ ନନ୍ଦ, ସଭାପତି ବିପିନ ଭୋଇ ପ୍ରମୁଖ ଯୋଗଦେଇଥିଲେ l ଅତିଥିମାନଙ୍କ ଦ୍ୱାରା ଅନ୍ତେବାସୀ ଛାତ୍ରଛାତ୍ରୀ ମାନଙ୍କ ପାଇଁ ବାଳକ ଭୋଜନ ଓ ଶୀତ ବସ୍ତ୍ର ବଣ୍ଟନ କରାଯାଇଥିଲା l ସଦସ୍ୟ ରଞ୍ଜନ କୁମାର ପାତ୍ର ସଭା ପରିଚାଳନା ଏବଂ ସମ୍ପାଦକ ପୂର୍ଣ୍ଣଚରଣ ସାହୁ ଧନ୍ୟବାଦ ଅର୍ପଣ କରିଥିଲେ l କବ୍ଜାର ସମସ୍ତ ସଦସ୍ୟ ଓ ବିଦ୍ୟାଳୟ ପରିଚାଳନା କମିଟି ସଦସ୍ୟ ଉପସ୍ଥିତ ଥିଲେ l

ରିପୋର୍ଟ – ଉଗ୍ରସେନ କର୍ମୀ, ସୁବର୍ଣ୍ଣପୁର