କ୍ରମଶଃ ଚୋରି ମାମଲାରେ ଆନ୍ତଃଜିଲ୍ଲା ଲୁଟେରା ଗ୍ୟାଙ୍ଗ୍ର ୧୨ ଜଣଙ୍କୁ ଗିରଫ କଲା ରାୟଗଡ଼ା ପୋଲିସ
୮୦ ଗ୍ରାମ ସୁନା, ୫୮୧ ଗ୍ରାମ ରୂପା ଏବଂ ଟଙ୍କା ସମେତ ଚୋରିରେ ବ୍ୟବହୃତ ଯନ୍ତ୍ରପାତି ଜବତ
ରାୟଗଡା ଜିଲ୍ଲା ପୋଲିସ ଏକ ଚୋରି ଏବଂ ଡକାୟତି ମାମଲାରେ କାର୍ଯ୍ୟାନୁଷ୍ଠାନ ଗ୍ରହଣ କରି ୧୨ ଜଣଙ୍କୁ ଗିରଫ କରି ୮୦ ଗ୍ରାମ ସୁନା, ୫୮୧ ଗ୍ରାମ ରୂପା ଏବଂ ନଗଦ ଜବତ କରିଛି। ସେମାନେ ଚୋରିରେ ବ୍ୟବହୃତ ୧୨ଟି ମୋବାଇଲ୍ ଫୋନ୍ ଏବଂ ଉପକରଣ ମଧ୍ୟ ଜବତ କରିଛନ୍ତି। ଜିଲ୍ଲାରେ ବିଭିନ୍ନ ଅଞ୍ଚଳରେ କ୍ରମାଗତ ଚୋରି ହେଉଥିବା ବେଳେ ତୀକ୍ଷ୍ଣ ନଜର ରଖିଥିଲା ଏହି ଚୋରି ଘଟଣାରେ ରାୟଗଡ଼ା ପୋଲିସ। ଏହି ଗିରଫଦାରୀ ରାୟଗଡ଼ା ଜିଲ୍ଲାର ବିଭିନ୍ନ ଅଞ୍ଚଳରେ ବନ୍ଦ ଘର ଏବଂ ଯାନବାହନକୁ ଟାର୍ଗେଟ କରି ହୋଇଥିବା ଏକ କ୍ରମଶଃ ଚୋରି ପରେ ହୋଇଥିଲା।
ମଙ୍ଗଳବାର ଦିନ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ଏସ୍ପି ରାଜ ପ୍ରସାଦ ଘଟଣାଗୁଡ଼ିକର ବିସ୍ତୃତ ବିବରଣୀ ପ୍ରଦାନ କରି କହିଥିଲେ ଯେ ଗିରଫ ୧୨ ଜଣିଆଗ୍ୟାଙ୍ଗ ସଦସ୍ୟମାନେ ସେମାନଙ୍କ ଅପରାଧ ପାଇଁ ପ୍ରଥମେ ବନ୍ଦଘର ,ଲୋକଙ୍କ ଚଳାଚଳ, ଗାଡ଼ି,ସିସି କ୍ୟାମେରା ଉପରେ ନଜର ରଖିବା ସହ ସୂଚନା ସଂଗ୍ରହ କରି ଲକ୍ଷ୍ୟ ଚୟନ କରି ଏକ ଯୋଜନା ପ୍ରସ୍ତୁତ କରି ବନ୍ଦଘର ତାଲା ଭାଙ୍ଗି ଚୋରି ଓ ଲୁଟ କରି ଆସୁଥିଲେ। ଗିରଫ ହୋଇଥିବା ବ୍ୟକ୍ତିଙ୍କ ମଧ୍ୟରୁ ଜଣେ, ଅଭିନବ, ଋଣ ପାଇବା ପାଇଁ ବ୍ୟାଙ୍କକୁ ମାଲିକାନା ହସ୍ତାନ୍ତର କରି ବ୍ୟାଙ୍କରେ ଚୋରି ସୁନା ଜମା କରୁଥିଲା।
ଉକ୍ତ ମାମଲାରେ ରାୟଗଡ଼ା ପୋଲିସ ଗୁପ୍ତ ସୂଚନା ଆଧାରରେ ଚଢାଉ କରିଥିଲା ଏବଂ ସମସ୍ୟାର ସମାଧାନ ପାଇଁ ଏକ ସ୍ୱତନ୍ତ୍ର ଦଳ ଗଠନ କରିଥିଲା। ଏହି ଅଭିଯାନ ସମୟରେ, ଆନ୍ତଃଜିଲ୍ଲା ଲୁଟେରା ଗ୍ୟାଙ୍ଗ୍ର ୧୨ ଜଣଙ୍କୁ ଗିରଫ କରି ତାଙ୍କ ନିକଟରୁ ପ୍ରାୟ ୮୦ ଗ୍ରାମ ସୁନା, ୫୮୧ ଗ୍ରାମ ରୂପା, ୩୪.୭୫ ଗ୍ରାମ ତରଳା ସୁନା ଏବଂ ଫାଇନାନ୍ସ ସଂସ୍ଥାରେ ବନ୍ଧକ ଥିବା ପ୍ରାୟ ୧୨୫.୭୬ ଗ୍ରାମ ସୁନା ଅଳଙ୍କାର ଜବତ କରିବା ସହ ୧୨ଟି ମୋବାଇଲ୍ ଫୋନ୍, ତାଲା ଭାଙ୍ଗିବାରେ ବ୍ୟବହୃତ ଶାବଳ ଓ ସ୍କ୍ରୁ-ଡ୍ରାଇଭର୍, ସୁନା ତରଳାଇବା ପାଇଁ ବ୍ୟବହୃତ ଗ୍ୟାସ୍ ସିଲିଣ୍ଡର ଓ ଅନ୍ୟାନ୍ୟ ସରଞ୍ଜାମ ସହ ଗୋଟିଏ ସୁନା ଓଜନ ମେସିନ୍ ମଧ୍ୟ ଜବତ କରାଯାଇଥିବା ବେଳେ ଚୋରି କରିବା ସମୟରେ ବ୍ୟବହୃତ ଗୋଟିଏ ମାରୁତି ସୁଜୁକି ଏର୍ଟିଗା କାର ( ଓଡି ୦୨ଏଫ୍ ୯୦୦୯), ଗୋଟିଏ ଶେଭ୍ରୋଲେଟ୍ କାର୍ (ଡବ୍ଲବି ୦୬ଜି ୮୮୬୫,) ଗୋଟିଏ ବୋଲେରୋ ନିଓ କାର(ଓଡ଼ି ୧୮ଏନ୍ ୧୨୯୭) ଏବଂ ଗୋଟିଏ ରୟାଲ୍ ଏନଫିଲ୍ଡ ବୁଲେଟ୍ ମୋଟରସାଇକେଲ୍ ରାୟଗଡ଼ା ପୋଲିସ ଜବତ କରିଛି।
ଗିରଫ ହୋଇଥିବା ୧୨ ଜଣ ଅଭିଯୁକ୍ତଙ୍କ ବିରୁଦ୍ଧରେ ରାୟଗଡ଼ା, କାଶୀପୁର, ଚାନ୍ଦିଲି, ମୁନିଗୁଡ଼ା, ବିଷମକଟକ,ଗୁଣୁପୁର, କୋରାପୁଟ ଓ ନବରଙ୍ଗପୁର ଭଳି ଅନେକ ଥାନାରେ ୧୫ରୁ ଊର୍ଦ୍ଧ୍ୱ ସଙ୍ଗୀନ ମାମଲା ରହିଛି। ଗିରଫ ହୋଇଥିବା ୧୨ ଅଭିଯୁକ୍ତ ଦଶମନ୍ତ ନାୟକ (୨୭), ବିଷ୍ଣୁ ହରପାଲ (୨୯), ପ୍ରଶାନ୍ତ ଝୋଡ଼ିଆ (୩୦), ଦୈତାରୀ ନାୟକ (୩୦), ବିପିନ ନାୟକ (୩୦), ନରହରି ନାୟକ (୨୪), ବାବୁଲା ନାୟକ (୩୭), ବସନ୍ତରା କାର୍ତ୍ତିକ (୨୯), ଅଜୁ ଓରଫ ଦିଲ୍ଲୀପ ପଲାଇ (୩୯), ଶିବ ଶଙ୍କର ନାୟକ (୨୪), ବସନ୍ତ ବେନିଆ (୨୩) ଏବଂ ମଙ୍ଗୁଳୁ ନାଗ (୨୫) ଏମାନଙ୍କୁ ପରେ ସମସ୍ତ କୋର୍ଟ ଚାଲାଣ କରାଯାଇଥିଲା। ଉକ୍ତ ମାମଲାରେ ଅଧିକ ତଦନ୍ତ କରିଥିବା ରାୟଗଡ଼ା ଏସପି କହିଥିଲେ।
ରିପୋର୍ଟ: ରାୟଗଡ଼ା ଜିଲ୍ଲା ଈପିଏରୁ ତିରୁମାଲା ପ୍ରସାଦ ପଟ୍ଟନାୟକ
