ଗଞ୍ଜେଇ ଚୋରା ଚାଲାଣ : ଗଂଜେଇ,ବାଇକ, ଟଙ୍କା ଜବତ ସହ ଜଣେ ଗିରଫ

ସୁବର୍ଣ୍ଣପୁର — ଗଞ୍ଜେଇ ଚୋରା ଚାଲାଣ ର ଭୂ ସ୍ୱର୍ଗ ପାଲଟି ଥିବା ବୌଦ୍ଧ ଜିଲ୍ଲା ରୁ ବିଭିନ୍ନ ସମୟ ରେ ବିଭିନ୍ନ ଉପାୟରେ ଜିଲ୍ଲା ବାହାର ଓ ରାଜ୍ୟ ବାହାର କୁ ଚୋରା ଚାଲାଣ ହେଉଛି l ବୌଦ୍ଧ ଜିଲ୍ଲା କଣ୍ଟାମାଳ ଅବକାରୀ ବିଭାଗ ପକ୍ଷରୁ ଚଢାଉ କରାଯାଇ ଗଞ୍ଜେଇ ଚାଲାଣ କରୁଥିବା ଅଭିଯୋଗରେ ଜଣେ ଯୁବକକୁ ଗିରଫ କରିଛି l ଅବକାରୀ ଅଧିକାରୀ ସୂର୍ଯ୍ୟକାନ୍ତ ମଲ୍ଲିକଙ୍କ ନେତୃତ୍ୱରେ ଏକ ଟିମ୍ ଘଣ୍ଟାପଡା ଥାନା ଅନ୍ତର୍ଗତ ରିଙ୍ଗାପଡା ଛକ ନିକଟରେ ଏକ ବାଇକକୁ ଅଟକାଇ ଥିଲେ |

ତଦନ୍ତ ପରେ ଗାଡିରୁ 22 କେଜି ଗଞ୍ଜେଇ ସହ ୪୦ ହଜାର ତାଙ୍କ ଜବତ କରାଯାଇଥିଲା l ଘଟଣାରେ ସମ୍ପୃକ୍ତ ଜଣେ ଯୁବକକୁ ଗିରଫ କରିଥିଲେ । ଗିରଫ ଅଭିଯୁକ୍ତ ଜଣକ ହେଲେ ଗୁଣ୍ଡୁଚିତରା ଗ୍ରାମର ନିବାସ ସାହୁ ବୋଲି ବିଭାଗ ପକ୍ଷରୁ ସୂଚନା ମିଳିଛି । ଏ ସଂକ୍ରାନ୍ତରେ କଣ୍ଟାମାଳ ଅବକାରୀ ବିଭାଗ ତରଫରୁ ଏକ ମାମଲା ରୁଜୁ କରାଯାଇଥିବା ବେଳେ ଘଟଣାରେ ସଂପୃକ୍ତ ମାଫିଆଙ୍କୁ କୋର୍ଟ ଚାଲାଣ କରାଯାଇଥିବା ସହ ଅଧିକ ତଦନ୍ତ ଜାରି ରହିଥିବା ସୂଚନା ମିଳିଛି l