ଜିଲ୍ଲା ସ୍ତରୀୟ ସମୀକ୍ଷା ବୈଠକରେ ସାମ୍ବାଦିକମାନଙ୍କୁ ଜିଲ୍ଲା ପ୍ରଶାସନ ଯୋଗଦେବାକୁ ଅନୁମତି ନ ଦେବା ନେଇ ମୁଖ୍ୟମନ୍ତ୍ରୀଙ୍କୁ ଲେଖିଲେ ଚିଠି କୋରାପୁଟ ସାଂସଦ
କିଛି ଦିନ ପୂର୍ବରୁ ଜିଲ୍ଲା ପରିଷଦ କାର୍ଯ୍ୟାଳୟରେ ଜିଲ୍ଲା ବିକାଶ ସମନ୍ୱୟ ଏବଂ ମନିଟରିଂ କମିଟି (ଦିଶା) ର ବୈଠକ ୨୧/୦୯/୨୪ ତାରିଖରେ ରାୟଗଡର ଜିଲ୍ଲା ପରିଷଦ ସମ୍ମିଳନୀ କକ୍ଷରେ ମାନ୍ୟବର ସାଂସଦ (ଲୋକସଭା) ଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା। ଜିଲ୍ଲା ପ୍ରଶାସନ ସାମ୍ବାଦିକମାନଙ୍କୁ ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀଙ୍କ ଦ୍ୱାରା ଏହି ବୈଠକକୁ କଭର୍ କରିବାକୁ ଅନୁମତି ଦେଇନଥିଲେ। ଯେଉଁଥିରେ କୋରାପୁଟ ଲୋକସଭା ସାଂସଦ ଶ୍ରୀ ସପ୍ତଗିରି ଶଙ୍କର ଉଲ୍ଲାକା ଦୃଢ ପ୍ରତିକ୍ରିୟା ପ୍ରକାଶ କରି ଏ ସମ୍ପର୍କରେ ଓଡିଶା ମୁଖ୍ୟମନ୍ତ୍ରୀ ଶ୍ରୀଯୁକ୍ତ ମୋହନ ଚରଣ ମାଝୀଙ୍କୁ ଏକ ଚିଠି ଲେଖି ଗଣମାଧ୍ୟମ ବ୍ୟକ୍ତିବିଶେଷଙ୍କୁ ବୈଠକରେ ଯୋଗଦେବାକୁ ଅନୁମତି ନ ଦେଇଥିବା ନେଇ ଚିନ୍ତିତ ବୋଲି ଜଣାଇଛନ୍ତି । ଯଦି ସାମ୍ବାଦିକଙ୍କୁ କୌଣସି ନିର୍ଦ୍ଦିଷ୍ଟ ଚିନ୍ତାଧାରା କିମ୍ବା ପ୍ରକ୍ରିୟାଗତ ସମସ୍ୟା ଥାଏ, ତେବେ ଆଲୋଚନାର ଅଖଣ୍ଡତାକୁ ସାମ୍ନା ନକରି ସୂଚନା କିପରି ରିପୋର୍ଟ କରାଯିବ ସେ ସମ୍ବନ୍ଧରେ ନିର୍ଦ୍ଦେଶାବଳୀ ସ୍ଥିର କରି ଏହାର ସମାଧାନ କରାଯାଇପାରିବ ।ଏଥିସହ ଆଗକୁ ଜିଲ୍ଲା ସ୍ତରୀୟ ସମୀକ୍ଷା ବୈଠକ ସାମ୍ବାଦିକମାନଙ୍କୁ ଖବର କଭରେଜ କରିବାକୁ ଅନୁମତି ଦିଆଯାଉ ଯଦ୍ୱାରା ଏହା ଜନସାଧାରଣଙ୍କ ଆତ୍ମବିଶ୍ୱାସକୁ ମଜବୁତ କରିବ ଏବଂ ତୃଣମୂଳ ସ୍ତରରେ ପ୍ରଶାସନ ଦ୍ୱାରା କରାଯାଉଥିବା ଉତ୍ତମ କାର୍ଯ୍ୟକୁ ମଜବୁତ କରିବ ବୋଲି ମୁଖ୍ୟମନ୍ତ୍ରୀଙ୍କୁ ଲେଖିଥିବା ଚିଠିରେ ଜଣାଇଛନ୍ତି ।
ରିପୋର୍ଟ:ରାୟଗଡ଼ା ଜିଲ୍ଲା ଈପିଏରୁ ତିରୁମାଲା ପ୍ରସାଦ ପଟ୍ଟନାୟକ
