ଝୁଲନ୍ତା ଅବସ୍ତାରେ ୧୧ ବର୍ଷୀୟ ଛାତ୍ରଙ୍କ ଛାତ୍ରାବାସରେ ମୃତଦେହ ଉଦ୍ଧାର ଶବ ବ୍ୟବଛେଦ ପାଇ କୋରାପୁଟ ଏସଏଲଏନ୍ ମେଡିକାଲକୁ ପଠାଇଛି ପୋଲିସ….ତଦନ୍ତ ଜାରି
ରାୟଗଡା ଜିଲ୍ଲା କାଶୀପୁର ଥାନା ଅନ୍ତର୍ଗତ ଚନ୍ଦ୍ରଗିରି ଉଚ୍ଚ ପ୍ରାଥମିକ ବିଦ୍ୟାଳୟରେ ଚତୁର୍ଥ ଶ୍ରେଣୀର ଜଣେ ଛାତ୍ର ଛାତ୍ରାବାସରେ ପରିସରରେ ଝୁଲନ୍ତା ଅବସ୍ତାରେ ଆତ୍ମହତ୍ୟା କରିଥିବା ଖବର ମିଳିଛି । ସର୍ବପ୍ରଥମେ ହଷ୍ଟେଲର ପିଅନ ଦେଖି ବିଦ୍ୟାଳୟର ପ୍ରଧାନ ଶିକ୍ଷକଙ୍କୁ ଜଣାଇବା ପରେ କାଶିପୁର ପୋଲିସ ଓ ପରିବାର ବର୍ଗଙ୍କୁ ଜଣାଇଥିଲେ । ଘଟଣା ସ୍ଥଳରେ କାଶିପୁର ପୋଲିସ ପହଞ୍ଚି ମରଶରୀର ଜବତ କରି କୋରାପୁଟ ଏସଏଲଏନ୍ ମେଡିକାଲ କଲେଜକୁ ପୋଷ୍ଟମର୍ଟମ କରିବାକୁ ପଠା ଯାଇଛି । ମୃତ ଛାତ୍ରଜଣଙ୍କ ଖୁରି ଗାଁର କୁନା ଝୋଡ଼ିଆଙ୍କର ଦ୍ଵିତୀୟ ସନ୍ତାନ ଉକ୍ତ ବିଦ୍ୟାଳୟରେ ଅଧ୍ୟୟନ କରୁଥିବା ୪ର୍ଥ ଶ୍ରେଣୀର ଛାତ୍ର ୧୧ ବର୍ଷୀୟ ଖଗେଶ୍ୱର ଝୋଡିଆ ବୋଲି ଜଣାପଡିଛି ।
କାଶୀପୁର ଭାରପ୍ରାପ୍ତ ଥାନା ଅଧିକାରୀ, କାଶୀପୁର ତହସିଲଦାର ଓ ରାୟଗଡ ଏସଡିପିଓ ଘଟଣାସ୍ଥଳରେ ପହଞ୍ଚି ୧୧ବର୍ଷୀୟ ଛାତ୍ରକୁ ଏହି ଚରମ ପଦକ୍ଷେପ ନେବାକୁ କେଉଁ ସମ୍ଭାବ୍ୟ କାରଣ ଥିଲା ତାହା ଜାଣିବା ପାଇଁ ପୋଲିସ ବିଦ୍ୟାଳୟର କର୍ତ୍ତୃପକ୍ଷଙ୍କୁ ପଚରାଉଚରା ସହ ପ୍ରତି କୋଣ ଅନୁକୋଣରୁ ତଦନ୍ତ ଚଲେଇ ଥିବା ଜଣାପଡିଛି ।ଏତେ କମ ବୟସର ପିଲା କେଉଁ ପରିସ୍ଥିତିରେ ବେକରେ ଟାୱଲ ଦେଇ କିପରି ଆତ୍ମହତ୍ୟା କରିଛନ୍ତି ତାହା ସମସ୍ତ ଅଞ୍ଚଳରେ ଶୋକରଛାୟା ଖେଳି ଯାଇଥିବା ବେଳେ ଘଟଣା ନେଇ ସମଗ୍ର ଅଞ୍ଚଳରେ ସନ୍ଦେହ ଘେରରେ । ମୃତ୍ୟୁର କାରଣ ଜଣାପଡି ନ ଥିବା ବେଳେ ପରିବାର ଲୋକେ ହତ୍ୟା କରାଯାଇଥିବା ସନ୍ଦେହରେ ପୋଲିସକୁ ଅଭିଯୋଗ କରିଛନ୍ତି ।
ପୋଲିସ ସୁଚନା ମୁତାବକ ଛାତ୍ର ଜଣକ ନଭେମ୍ୱର ୮ ତାରିଖରେ ସକାଳ ଜଳଖିଆ ଖାଇବା ପରେ ସମସ୍ତ ବିଦ୍ୟାର୍ଥି ତାପରେ ସ୍କୁଲ ପଳେଇ ଥିବା ବେଳେ ଏକା ହଷ୍ଟେଲରେ ରହିଯାଇଥିଲେ ଝୁଲନ୍ତା ଅବସ୍ଥାରେ ଖଗେଶ୍ୱରର ମୃତଦେହ ସର୍ବପ୍ରଥମେ ହଷ୍ଟେଲ ପିଅନ ଦେଖି ବିଦ୍ୟାଳୟ କତୃପକ୍ଷଙ୍କୁ ଜଣାଇବା ପରେ କାଶିପୁର ପୋଲିସ ପୋଲିସ ଘଟଣା ବିଷୟରେ ଜାଣି ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲା ।
ଉକ୍ତ ଘଟଣା ନେଇବିଦ୍ୟାଳୟ କର୍ତ୍ତୃପକ୍ଷ କାଶୀପୁର ଥାନାରେ ଏତଲା ଦେବା ପରେ କାଶିପୁର ପୋଲିସ କେସ୍ ନମ୍ବର ୯/୨୪ରେ ଏକ ମାମଲା ଋଜୁ କରିଛି । କେଉ କାରଣରୁ କେଉ ପରିସ୍ତିତିରେ କିପରି ୧୧ ବର୍ଷୀୟ ଛାତ୍ରର ଏପରି ଅଭାବନୀୟ ମୃତ୍ୟୁ ନେଇ ଶବ ବ୍ୟବଚ୍ଛେଦ ରିପୋର୍ଟ, ସହ ତଦନ୍ତ ସରିବା ପରେ ଅସଲି କାରଣ ଜଣାପଡ଼ିବ ବୋଲି କାଶିପୁର ଥାନା ଅଧିକାରୀ ସୂର୍ଯ୍ୟ ପ୍ରକାଶ ନାୟକ ସୂଚନାରେ କହିଛନ୍ତି । ଏହା ବ୍ୟତୀତ ଜଣେ ୧୧ ବର୍ଷର ଛୋଟ ପିଲା ଆତ୍ମହତ୍ୟାର କିପରି, କେଉଁ ପରିସ୍ଥିତିରେ,କାହାର ସଂପୃକ୍ତି/ଅନ୍ତର୍ଭୁକ୍ତ ରହିଛି ତାହା ନେଇ “ଫୋରେନସିକ୍ ଟିମ୍ ଯାଞ୍ଚ ରିପୋର୍ଟ,ପୋଷ୍ଟମର୍ଟମ ରିପୋର୍ଟ ସହ ପୋଲିସ ତଦନ୍ତ ରିପୋର୍ଟ ନେଇ ସମସ୍ତଙ୍କ ଅପେକ୍ଷାରେ।
