ନବରଙ୍ଗପୁର ବିଧାୟକଙ୍କ ମାନବିକତା
ଏକ ମୋଟରସାଇକେଲ ଦୁର୍ଘଟଣାଗ୍ରସ୍ତ ହୋଇ ରାସ୍ତା କଡରେ ତିନିଜଣ ଆହତ ହୋଇ ପଡିରହିଥିବା ଦେଖି ସେହି ରାସ୍ତା ଦେଇ ନବରଙ୍ଗପୁର ବିଧାୟକ ଯିବା ସମୟରେ ଆହତ ତିନିଜଣଙ୍କୁ ନବରଙ୍ଗପୁର ଜିଲ୍ଲା ଚିକିତ୍ସାଳୟରେ ଭର୍ତ୍ତି କରି ଚିକିତ୍ସା କରାଇ ପଠାଇଥିଲେ । ଆହତ ତିନି ଜଣ ଆଇ,ନାତି, ନାତୁଣୀ ବୋଲି ଜଣାପଡିଛି । ଚିକିତ୍ସା ପରେ ତିନିଜଣ ସୁସ୍ଥ ହୋଇ ଘରକୁ ଫେରିଛନ୍ତି ।
ବିଧାୟକ ଶ୍ରୀ ମାଝୀଙ୍କ ଏପରି ଏକ ମହାନ୍ ସେବା ତଥା ମାନବିକତା ଦେଖାଇ ଅନ୍ୟ ମାନଙ୍କୁ ପ୍ରେରଣା ହୋଇଥିବା ବେଳେ ସର୍ବ ସାଧାରଣରେ ଚାରି ଆଡେ଼ ପ୍ରଶଂସାର ସୁଅ ଛୁୁଟିଚି ।
ସୂଚନା ମୁତାବକ ଶନିବାର ନବରଙ୍ଗପୁର ବିଧାୟକ ଶ୍ରୀ ଚୌରୀ ଶଙ୍କର ମଝି ନିଜ ଗାଡ଼ିରେ ନବରଙ୍ଗପୁରରୁ ତେନ୍ତୁଳିଖୁଣ୍ଡି ଯିବା ସମୟରେ ବିକଣାଗୁଡା ନିକଟରେ ବାଇକରୁ ଉକ୍ତ ତିନିଜଣ ଆହତ ହୋଇ ରାସ୍ତାରେ ପଡ଼ିଥିବା ଦେଖିବା ମାତ୍ରେ ବିଧାୟକ ମାଝୀ ତୁରନ୍ତ ନିଜ ଗାଡ଼ିରେ ଉଠାଇ ଡାକ୍ତରଖାନାରେ ଭର୍ତ୍ତି କରି ଚିକିତ୍ସା କରାଇ ପଠାଇଥିଲେ । ବାଇକ୍ ଏକ ଟ୍ରବ ସହ ଧକ୍କା ହେବା ଫଳରେ ଭାରସାମ୍ୟ ହୋଇ ରାସ୍ତା କଡ଼ରେ ମୋଟର ସାଇକେଲରେ ପଡ଼ି ଆହତ ହୋଇଥିଲେ ।
ରିପୋର୍ଟ:ନବରଙ୍ଗପୁର ଜିଲ୍ଲା ଈପିଏରୁ ତିରୁମାଲା ପ୍ରସାଦ ପଟ୍ଟନାୟକ
