ପୃଥକ ପୃଥକ ତିନୋଟି ଘଟଣା ରେ 7 ଗିରଫ, ପିସ୍ତଲ, ଗଞ୍ଜେଇ, କାର ଓ କଫ ସିରଫ ଜବତ

ସୁବର୍ଣ୍ଣପୁର –ସୁବର୍ଣ୍ଣପୁର ଜିଲ୍ଲାର ବୀରମହାରାଜପୁର ଓ ସୋନପୁର ପୋଲିସକୁ ମିଳିଛି ବଡ ସଫଳତା l ଜିଲ୍ଲାର ତିନିଗୋଟି ଭିନ୍ନ ଭିନ୍ନ ସ୍ଥାନରେ ଚଢ଼ାଉ କରି ବିପୁଳ ପରିମାଣର ଗଞ୍ଜେଇ, କଫସିରଫ, ଟଙ୍କା ସହ ମୋବାଇଲ ଜବତ କରିଛି ପୋଲିସ l ଏ ନେଇ ବୀରମହାରାଜପୁର ପୋଲିସ କେଶ ନମ୍ବର 136/2026 U/s-20( b)(ii)(B)/21(b)/29NDPS Act /25Arms Act ରେ ମାମଲା ରୁଜୁ ହୋଇଛି ତିନି ଜଣଙ୍କୁ ଗିରଫ କରାଯାଇଛି l

ସେହିପରି ସୋନପୁର ପୋଲିସ କେଶ ନମ୍ବର 197/2026 U/s -20( b)(ii)( B)21( b)29NDPS Act /25 Arms Act ରେ ମାମଲା ରୁଜୁ ହୋଇ ଦୁଇଜଣଙ୍କୁ ଗିରଫ କରାଯାଇଥିବା ବେଳେ ଅନ୍ୟ ଏକ ସୋନପୁର ପୋଲିସ କେଶ ନମ୍ବର 198/2026 U/s-20( b)(ii)(c)/25/29 of NDPS Act 1985 ଆଧାର ରେ ମାମଲା ରୁଜୁ ହୋଇ ଦୁଇ ଅଭିଯୁକ୍ତ ଙ୍କୁ ଗିରଫ କରାଯାଇଛି l ଗତକାଲି ଖବର ପାଇ ସୁବର୍ଣ୍ଣପୁର ଆରକ୍ଷୀ ଅଧିକ୍ଷକଙ୍କ ନିର୍ଦ୍ଦେଶରେ ଜିଲ୍ଲାର ବୀରମହାରାଜପୁର ଓ ସୋନପୁର ପୋଲିସ ଥାନା ର ଭିନ୍ନ ଭିନ୍ନ ସ୍ଥାନରେ ଚଢ଼ାଉ କରିଥିଲା l ଫଳରେ ଏହିସବୁ ସ୍ଥାନରୁ ମୋଟ 34 କେଜି ଗଞ୍ଜେଇ, 393 ବୋତଲ କଫସିରଫ, 4 ଲକ୍ଷ 64 ହଜାର ଟଙ୍କା ସହ ଦୁଇଟି ପିସ୍ତଲ, 5 ଟି ଜୀବନ୍ତ ଗୁଳି, ଦୁଇଟି କାର, ଦୁଇଟି ମୋଟରସାଇକେଲ ଓ 6 ଟି ମୋବାଇଲ ଜବତ କରିବା ସହ ମୋଟ 7 ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି l ଏ ନେଇ ସୁବର୍ଣ୍ଣପୁର ଜିଲ୍ଲା ପୋଲିସ ମୁଖ୍ୟାଳୟ ଠାରେ ବୁଧବାର ଦିନ ଅନୁଷ୍ଠିତ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ସୁବର୍ଣ୍ଣପୁର ଆରକ୍ଷୀ ଅଧିକ୍ଷକ ନାରାୟଣ ନାୟକ l

ସୁବର୍ଣ୍ଣପୁର ରୁ ଉଗ୍ରସେନ କର୍ମୀ ଙ୍କ ରିପୋର୍ଟ ଇପିଏ ନ୍ୟୁଜ…