ପ୍ରାକୃତିକ ବିପର୍ଯ୍ୟୟ ପ୍ରଶିକ୍ଷଣ ଶିବିର ଅନୁଷ୍ଠିତ

ନବରଙ୍ଗପୁର ଜିଲ୍ଲା ସଦର ମହକୁମା ଡି ପି ଆର ସି ସମ୍ମିଳନୀ କକ୍ଷରେ ଏକ ଦିବସୀୟ ପ୍ରାକୃତିକ ବିପର୍ଯ୍ୟୟ ପ୍ରଶିକ୍ଷଣ ଶିବିର ନବରଙ୍ଗପୁର ଅତିରିକ୍ତ ଜିଲ୍ଲାପାଳ (ରାଜସ୍ବ), ନବୀନ ଚନ୍ଦ୍ର ନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି ।ବହୁମୁଖୀ ବନ୍ୟା ଓ ବାତ୍ୟା ଆଶ୍ରୟସ୍ଥଳୀର ସୂ ପରିଚାଳନା ପାଇଁ ଜିଲ୍ଲାସ୍ତରୀୟ ବନ୍ୟା ଓ ବାତ୍ୟା ଆଶ୍ରୟସ୍ଥଳୀ ପରିଚାଳନା ଓ ରକ୍ଷଣାବେକ୍ଷଣ ସମିତିର ସଭାପତି ଓ ସମ୍ପାଦକଙ୍କ ଦିନିକିଆ ପ୍ରଶିକ୍ଷଣ ଶିବିର ତା:୨୮-୦୮-୨୪ରିଖ, ପୂର୍ବାହ୍ନ ୧୦ ଘଣ୍ଟିକା ସମୟରେ ମିଶନ ଶକ୍ତି ସଭା ଗୃହ,ନବରଙ୍ଗପୁର ଠାରେ ଅନୁଷ୍ଠିତ ହୋଇଯାଇଛି। ଏହା ଓଡିଶା ରାଜ୍ୟ ବିପର୍ଯ୍ୟୟ ପରିଚାଳନା କର୍ତ୍ତୃପକ୍ଷ ସୌଜନ୍ୟତାରେ ଅନୁଷ୍ଠିତ ହୋଇଥିବା ବେଳେ ଜିଲ୍ଲା ଜରୁରୀକାଳୀନ କତୃପକ୍ଷ ଦ୍ୱାରା ଆୟୋଜିତ ହୋଇଥିଲା ।

ଏହି ବୈଠକରେ ନବରଙ୍ଗପୁର ଜିଲ୍ଲାପାଳ ଡଃ ଶୁଭଙ୍କର ମହାପାତ୍ର ମୁଖ୍ୟ ଅତିଥି ଭାବରେ ଯୋଗଦେଇ ଓଡିଶାରେ ୧୯୯୯ ମସିହା ମହାବାତ୍ୟା ରେ ଯେଉଁ କ୍ଷୟକ୍ଷତି ଘଟିଥିଲା ତାହା ପର ଠାରୁ ଓଡିଶା ପ୍ରାକୃତିକ ବିପର୍ଯ୍ୟୟର ମୁକାବିଲା କରିବା କ୍ଷେତ୍ରରେ ଯେଉଁ ସଫଳତା ହାସଲ କରି ପାରିଛି ତାହା ସାରା ଦେଶରେ ନୁହଁ ସାରା ପୃଥିବୀରେ ଉଚ୍ଚ ପ୍ରଶଂସିତ ହୋଇ ପାରିଛି ବୋଲି ମତବ୍ୟକ୍ତ କରିଥିଲେ । ସେହିପରି ପ୍ରାକୃତିକ ବିପର୍ଯ୍ୟୟ ସମୟରେ ନିର୍ବାଚିତ ପ୍ରତିନିଧିଙ୍କ ସହ ଜନସାଧାରଣଙ୍କ ସହୋଯାଗ ଏକାନ୍ତ ଆବଶ୍ୟକ ବୋଲି ଜିଲ୍ଲାପାଳ ଡକ୍ଟର ମହାପାତ୍ର ମତ ପ୍ରକାଶ କରିଥିଲେ । ଜିଲ୍ଲା ଜରୁରୀ କାଳୀନ ବିଭାଗର ପ୍ରକଳ୍ପ ଅଧିକାରୀ ହିମାଂଶୁ ଶେଖର ପଟ୍ଟନାୟକ ସଭାର ଅଧ୍ୟକ୍ଷ, ମୁଖ୍ୟ ଅତିଥି ଏବଂ ଉପସ୍ଥିତ ଥିବା ସମସ୍ତ ବହୁମୂଖୀ ବନ୍ୟା ବାତ୍ୟା ଆଶ୍ରୟ ସ୍ଥଳୀ ର ସଭାପତି ଏବଂ ସମ୍ପାଦକମାନଙ୍କୁ ସ୍ବାଗତ କରିବା ସହିତ ପରିଚୟ ପ୍ରଦାନ କରିଥିଲେ । ଏହି ପ୍ରଶିକ୍ଷଣ ଶିବିର ରେ ଓଡିଶା ରାଜ୍ୟ ପ୍ରାକୃତିକ ବିପର୍ଯ୍ୟୟ ପରିଚାଳନା କର୍ତ୍ତୃପକ୍ଷର ବରିଷ୍ଠ ଅଧିକାରୀ ମେଘନାଦ ବେହେରା ଓ ସୁଦେଶ ସେଠୀ ଅଭିଜ୍ଞ ବ୍ୟକ୍ତି ଭାବେ ଯୋଗଦେଇ ବାତ୍ୟା ଓ ବନ୍ୟା ସମୟରେ ଲୋକମାନେ ଭୟଭୀତ ନ ହୋଇ ନିଜ ନିଜ ମଧ୍ୟରେ ସହଯୋଗର ହାତ ବଢାଇବା ପାଇଁ ସମସ୍ତଙ୍କୁ ପରାମର୍ଶ ଦେଇଥିଲେ ।

ଏହି ପ୍ରଶିକ୍ଷଣ ଶିବିରରେ ଜିଲ୍ଲାରେ ଥିବା ୧୦ ଟି ବହୁମୂଖୀ ବନ୍ୟା ବାତ୍ୟା ଆଶ୍ରୟ ସ୍ଥଳୀ ର ରକ୍ଷଣା ବେକ୍ଷଣ ପରିଷ୍କାର ପରିଛନ୍ନ ରଖିବା ସହିତ ଠିକ ସମୟରେ ଉକ୍ତ ଆଶ୍ରୟ ସ୍ଥଳୀର ଉପଯୋଗ ଓ ଭବିଷ୍ୟତରେ କିପରି ବ୍ୟବହାର ଉପଯୋଗୀ ହୋଇପାରିବ ତାହା ସମସ୍ତଙ୍କ ଦାୟିତ୍ବ ବୋଲି ସୁଦେଶ ସେଠୀ ପରାମର୍ଶ ଦେଇଥିଲେ । ଏହି ବୈଠକରେ ଅନ୍ୟମାନଙ୍କ ମଧ୍ୟରେ କାର୍ଯ୍ୟ ନିର୍ବାହୀ ଅଧିକାରୀ ପୌର ପରିଷଦ ନବରଙ୍ଗପୁର ଶଙ୍କର କେରକେଟା, ରାମଶଙ୍କର ଦାସ, ଜଗଜୀବନ ନାୟକ, ଜଗଦୀଶ ବାଘ, ଟଭା ଭତ୍ରା, ମାଳତୀ ମାଝୀ, ପ୍ରମିଳା ଗଣ୍ଡ, ଡମୁ ଭତ୍ରା , କୃଷ୍ନ ଚନ୍ଦ୍ର ଭତ୍ରା , କୁନା ସାହୁ, ଗଗନ ବିଶୋଇ, ପରିମଳ ରନ୍ଧାରୀ, ଏ ମୀନା, ରିନା ରାଣୀ ପାତ୍ର, ଅଭିନାଶ ପାତ୍ର, ଅଜୟ କୁମାର ନାୟକ, ରାମକୃଷ୍ଣ ପୂଜାରୀ, କୋରାପୁଟ ଜିଲ୍ଲା ର ଜିଲ୍ଲା ଜରୁରୀ କାଳୀନ ବିଭାଗର ବିପର୍ଯ୍ୟୟ ପ୍ରଶମନ ଅଧିକାରୀ ଅବନୀ କାନ୍ତ ଭୂୟାଁ, ଅନନ୍ତ କୁରାମି ପ୍ରମୁଖ ଉପସ୍ଥିତ ଥିଲେ । ଏହି କାର୍ଯ୍ୟକ୍ରମକୁ ଜିଲ୍ଲା ଜରୁରୀ କାଳୀନ ଅଧିକାରୀ ଗୀତାଞ୍ଜଳି ବେହେରା ପରିଚାଳନା କରିବା ସହିତ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।

ରିପୋର୍ଟ: ନବରଙ୍ଗପୁର ଜିଲ୍ଲା ଈପିଏ ରୁ ତିରୁମାଲା ପ୍ରସାଦ ପଟ୍ଟନାୟକ