ବନ ବିଭାଗ ପକ୍ଷରୁ ଚୋରା କେନ୍ଦୁପତ୍ର ଜବତ

l

ସୁବର୍ଣ୍ଣପୁର:  ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ପୋଲିସ ଥାନା ଅନ୍ତର୍ଗତ ଦୁର୍ଜନତୈଲା ଠାରେ ଗଛିତ ଥିବା କେନ୍ଦୁପତ୍ର ଜବତ ହୋଇଛି l ସୁବଳୟା ଓ ଉଲୁଣ୍ଡା ବନବିଭାଗ ତରଫରୁ ମିଳିତ ଭାବରେ ଚଢ଼ାଉ କରି ଉକ୍ତ ଚୋରା କେନ୍ଦୁପତ୍ର ଜବତ କରି ବିଭାଗ କୁ ହସ୍ତାନ୍ତର କରିଥିବା ସୂଚନା ମିଳିଛି l ମିଳିଥିବା ସୂଚନା ଅନୁସାରେ ଉଲୁଣ୍ଡା ବନ ବିଭାଗ କୌଣସି ସୂତ୍ରରୁ ଖବର ପାଇ ସୁବଳୟା ବନବିଭାଗ କୁ ଖବର ଦେଇଥିଲା l ପରେ ବୀରମହାରାଜପୁର ବ୍ଲକ ଅନ୍ତର୍ଗତ ଦୁର୍ଜନତୈଲା ଗ୍ରାମ ର ଗୋଟିଏ ଗାଈ ଗୁହାଳ ରେ ଚୋରା କେନ୍ଦୁପତ୍ର ଗଛିତ କରି ରଖିଥିବା ଖବରପାଇ ବନବିଭାଗ ଚଢ଼ାଉ କରିଥିଲା l ଗୋଦାମ ରେ ମୋଟ 22 କୁଇଣ୍ଟାଲ 60 କେଜି ଓଜନ ର 452 ଟି ବିଡା ଜବତ କରିଥିବା ସୂଚନା ଦେଇଛି ବନବିଭାଗ l ସୁବଳୟା ବନବିଭାଗ ରେଞ୍ଜର ଅବିନାଶ ବରିହା ଙ୍କ ନିର୍ଦ୍ଦେଶ କ୍ରମେ ବନପାଳ ଅଜୟ ବାରା ଙ୍କ ତତ୍ତ୍ୱlବଧାନ ରେ ବନରକ୍ଷୀ ନିରଞ୍ଜନ ପଧାନ ଓ ବନବିଭାଗ ର କର୍ମଚାରୀ ମାନଙ୍କ ସହ ଉଲୁଣ୍ଡା ରେଞ୍ଜର ସଂଜୀବ ରାଉତ ଉପସ୍ଥିତ ରହି ଚଢ଼ାଉ ରେ ସାମିଲ ହୋଇଥିଲେ l କେନ୍ଦୁପତ୍ର ବିଡା ଗୁଡିକ ସମ୍ବଲପୁର ଜିଲ୍ଲା ରେଢ଼ାଖୋଲ କେନ୍ଦୁପତ୍ର ଡିଭିଜନ ର ଅମରପାଲି ସ୍ଥିତ ବହଲପଦର କେନ୍ଦୁପତ୍ର ରେଞ୍ଜ କୁ ଆଣି ହସ୍ତାନ୍ତର କରିଥିବା ବନପାଳ ଅଜୟ ବାରା ସୂଚନା ଦେଇଛନ୍ତି l

ସୁବର୍ଣ୍ଣପୁର ଇପିଏ ରୁ ଉଗ୍ରସେନ କର୍ମୀ ଙ୍କ ରିପୋର୍ଟ
ଇପିଏ ନିଉଜ ( ଇଷ୍ଟର୍ଣ୍ଣ ପ୍ରେସ ଏଜେନ୍ସି )