ବିଜେପୁର କଲେଜର +୨ ଫଳାଫଳରେ ଉଲ୍ଲେଖନୀୟ ସଫଳତା

ଛାତ୍ରଛାତ୍ରୀଙ୍କ ନିଷ୍ଠା, ଅଧ୍ୟାପକଙ୍କ ପରିଶ୍ରମ ଓ ଅଧ୍ୟକ୍ଷଙ୍କ ଉତ୍ତମ ପ୍ରଶାସନିକ ବ୍ୟବସ୍ଥା ହିଁ ମହାବିଦ୍ୟାଳୟକୁ ଗୌରବାନ୍ବିତ କରେ : +୨ କଳାରେ ୧୫୪ ଓ ବିଜ୍ଞାନରେ ୩୮ ଜଣ ପ୍ରଥମ ଶ୍ରେଣୀରେ ଉତ୍ତିର୍ଣ୍ଣ

ବରଗଡ/ବିଜେପୁର : ଚଳିତବର୍ଷ ଯୁକ୍ତ ଦୁଇ କଳା, ବିଜ୍ଞାନ ଓ ବାଣିଜ୍ୟ ପରୀକ୍ଷା ଫଳାଫଳ ଏକାସାଥିରେ ପ୍ରକାଶିତ ହୋଇସାରିଥିବା ବେଳେ ବରଗଡ ଜିଲ୍ଲା ବିଜେପୁର ମହାବିଦ୍ୟାଳୟର ଛାତ୍ରଛାତ୍ରୀମାନେ ଉଲ୍ଲେଖନୀୟ ସଫଳତା ହାସଲ କରି ମହାବିଦ୍ୟାଳୟର ଗୌରବ ବୃଦ୍ଧି କରିଛନ୍ତି । କଳା ବିଭାଗ ପରୀକ୍ଷାରେ ସୁଜାତା ମଲ୍ଲିକ ସର୍ବାଧିକ ୯୩% ନମ୍ବର ରଖି ଶିକ୍ଷାନୁଷ୍ଠାନର ସର୍ବୋଚ୍ଚ ସ୍ଥାନ ଅଧିକାର କରିଥିବା ବେଳେ ପିୟୁଷ ରଞ୍ଜନ ଚୌହାନ, ପ୍ରେମାନନ୍ଦ ମେହେର, ସୁଦର୍ଶନ ସାହୁ ଓ ଶୋଭିତ ଗଡତିଆ ୯୧%, ସୌମ୍ୟଶ୍ରୀ ବିଶ୍ବାଳ ଓ ପରିତୋଷ କୁମ୍ଭାର ୯୦% ନମ୍ବର ରଖି ମହାବିଦ୍ୟାଳୟର ଗୌରବ ବଢେଇଛନ୍ତି ।

ମୋଟ ୨୫୧ ପରୀକ୍ଷାର୍ଥୀ ମଧ୍ୟରୁ ୨୨୯ ଜଣ ସଫଳ ହୋଇଥିବା ବେଳେ ତନ୍ମଧ୍ୟରୁ ୧୫୪ ଜଣ ପ୍ରଥମ, ୪୬ ଜଣ ଦ୍ବିତୀୟ ଓ ୨୯ ଜଣ ତୃତୀୟ ସ୍ଥାନର ଅଧିକାରୀ ହୋଇଛନ୍ତି । ସେହିପରି ବିଜ୍ଞାନ ବିଭାଗରେ ୬୩ ଜଣ ପରିକ୍ଷାର୍ଥୀ ମଧ୍ୟରୁ ୫୬ ଜଣ ସଫଳ ହୋଇଥିବା ବେଳେ ୩୮ ଜଣ ପ୍ରଥମ, ୧୫ ଜଣ ଦ୍ବିତୀୟ ଓ ୦୩ ଜଣ ତୃତୀୟ ସ୍ଥାନ ଅଧିକାର କରି ଶିକ୍ଷାନୁଷ୍ଠାନର ଗୌରବ ବୃଦ୍ଧି କରିଛନ୍ତି । ଉକ୍ତ ଫଳାଫଳ ପରେ ମହାବିଦ୍ୟାଳୟର ଅଧ୍ୟକ୍ଷ ଶ୍ରୀଯୁକ୍ତ ପ୍ରଦୀପ କୁମାର ମିଶ୍ର ସମସ୍ତ କୃତୀ ଛାତ୍ରଛାତ୍ରୀ, ଅଭିଭାବକ ଓ ଅଧ୍ୟାପକ/ଅଧ୍ୟାପିକାମାନଙ୍କୁ ଅଭିନନ୍ଦନ ଜଣାଇବା ସହିତ ଛାତ୍ରଛାତ୍ରୀଙ୍କ ଉତ୍ତରୋତ୍ତର ଉନ୍ନତି ଓ ଉଜ୍ଜ୍ବଳ ଭବିଷ୍ୟତ କମନା କରିଛନ୍ତି ।

ଇପିଏରୁ ବରଗଡ଼ ଜିଲ୍ଲା ପ୍ରତିନିଧି କ୍ଷମାନି ଧି ବଣ୍ଡୁକିଙ୍କ ରିପୋର୍ଟ.