ବିଜ୍ଞାନରେ ବିଷ୍ଣୁପ୍ରିୟା ବେହେରା ଏବଂ କଳାରେ ସୁଜାତା ବେହେରା ବ୍ଳକ ଟପ୍ପର
ଗଣିଆ – ଯୁକ୍ତ ଦୁଇ ପରୀକ୍ଷାଫଳ ପ୍ରକାଶ ପାଇଥିବା ବେଳେ ବିଜ୍ଞାନ ଏବଂ କଳାରେ ଚଳିତ ବର୍ଷ ଆରସି ସାମନ୍ତରାୟ ମହାବିଦ୍ୟାଳୟ ବାଜିମାତ କରିଛି । ବିଜ୍ଞାନରେ ମହାବିଦ୍ୟାଳୟର ବିଷ୍ଣୁପ୍ରିୟା ବେହେରା ୫୬୫ ନମ୍ବର ରଖି ବ୍ଳକ ଟପ୍ପର ହୋଇଥିବା ବେଳେ କଳାରେ ସୁଜାତା ବେହେରା ୫୪୪ ନମ୍ବର ରଖି ବ୍ଳକ ଟପ୍ପର ହୋଇଛନ୍ତି । ଗଣିଆର ୩ଟି ମହାବିଦ୍ୟାଳୟରୁ ମିଳିଥିବା ସୂଚନା ଅନୁସାରେ ଆରସି ସାମନ୍ତରାୟ ମହାବିଦ୍ୟାଳୟରେ ବିଜ୍ଞାନରେ ୨୬୯ ଜଣ ପରୀକ୍ଷା ଦେଇଥିବା ବେଳେ ୨୦୦ ଜଣ ପ୍ରଥମ,୩୯ ଜଣ ଦ୍ବିତୀୟ,୨୩ ଜଣ ତୃତୀୟ ସ୍ଥାନ ଲାଭ କରିଥିବା ବେଳେ ୭ ଜଣ ଫେଲ୍ ହୋଇଛନ୍ତି । ସଫଳତାର ଶୀର୍ଷରେ ରହୁଥିବା ଆରସି ସାମନ୍ତରାୟ ମହାବିଦ୍ୟାଳୟର ୧୩ ଜଣ ଛାତ୍ର ଛାତ୍ରୀ ୫ ଶହରୁ ଅଧିକ ନମ୍ବର ରଖିଥିବା ଜଣାପଡିଛି । ସେହିପରି କଳା ବିଭାଗରେ ସାମନ୍ତରାୟ ମହାବିଦ୍ୟାଳୟର ୧୦୨ ଜଣ ପରୀକ୍ଷା ଦେଇଥିବା ବେଳେ ୪୪ ଜଣ ପ୍ରଥମ,୩୭ ଜଣ ଦ୍ବିତୀୟ,୧୬ ଜଣ ତୃତୀୟ ଏବଂ ୫ ଜଣ ପରୀକ୍ଷାର୍ଥୀ ଫେଲ୍ ହୋଇଥିବା ଜଣାପଡିଛି । ସେହିପରି ବନମାଳୀ ବାରିକି ମହାବିଦ୍ୟାଳୟ ଆଡକଟାର ବିଜ୍ଞାନ ବିଭାଗରେ ୪୧ ଜଣ ପରୀକ୍ଷା ଦେଇଥିବା ବେଳେ ୨୪ ଜଣ ପ୍ରଥମ,୯ ଜଣ ଦ୍ବିତୀୟ, ଏବଂ ୮ ଜଣ ଫେଲ୍ ହୋଇଥିବା ଜଣାପଡିଛି ।
କଳାରେ ୧୨୪ ଜଣ ପରୀକ୍ଷା ଦେଇଥିବା ବେଳେ ୨୭ ଜଣ ପ୍ରଥମ,୩୧ ଜଣ ଦ୍ବିତୀୟ,୫୨ ଜଣ ତୃତୀୟ ଏବଂ ୧୨ ଜଣ ଫେଲ୍ ହୋଇଥିବା ଜଣାପଡିଛି । ଗଣିଆ ରଘୁନାଥ ଜୀଉ ଉଚ୍ଚ ମାଧ୍ୟମିକ ବିଦ୍ୟାଳୟର ୧୮୨ ଜଣ ପରୀକ୍ଷା ଦେଇଥିବା ୧୪୭ ଜଣ ପାସ୍ କରିଛନ୍ତି । ସେଥିମଧ୍ୟରୁ ୪୩ ଜଣ ପ୍ରଥମ,୪୪ ଜଣ ଦ୍ବିତୀୟ,୬୦ ଜଣ ତୃତୀୟ ଏବଂ ୩୫ ଜଣ ଫେଲ ହୋଇଥିବା ଜଣାପଡିଛି । ବିଜ୍ଞାନରେ ସଫଳତା ଲାଭ କରିଥିବା ବିଷ୍ଣୁପ୍ରିୟା ବେହେରା ଏବଂ କଳାରେ ବଡମୂଳରୁ ଆସି ହଷ୍ଟେଲରେ ରହି ପାଠ ପଢୁଥିବା ସୁଜାତା ବେହେରା ନିଜର ସଫଳତା ପାଇଁ ମହାବିଦ୍ୟାଳୟର ଅଧ୍ୟକ୍ଷ ମଳୟ କୁମାର ପଣ୍ଡା, ଉପାଧ୍ୟକ୍ଷ ଉମାକାନ୍ତ ବେହେରା ଏବଂ ଅଧ୍ୟାପକଙ୍କୁ ଦେଇଥିବା ଜଣାପଡ଼ିଛି । କୃତିତ୍ବ ଅର୍ଜନ କରିଥିବା ସମସ୍ତ ଛାତ୍ର ଛାତ୍ରୀ ମାନଙ୍କୁ ମହାବିଦ୍ୟାଳୟର ଅଧ୍ୟକ୍ଷ ଶୁଭେଚ୍ଛା ସହିତ କୃତଜ୍ଞତା ଜ୍ଞାପନ କରିଛନ୍ତି । ଗଣିଆରେ ଦୀର୍ଘ ଦିନ ଧରି ବିଜ୍ଞାନରେ ସଫଳତାର ଶୀର୍ଷରେ ରହୁଥିବା ଆରସି ସାମନ୍ତରାୟ ମହାବିଦ୍ୟାଳୟ ଚଳିତ ବର୍ଷ କଳାରେ ମଧ୍ୟ ସଫଳତା ଲାଭ କରିଥିବାରୁ ଅଭିଭାବକ ମାନେ ମହାବିଦ୍ୟାଳୟର ସମ୍ପାଦକ ଏଲଡାଡ କାଇଣ୍ଡସେଥ , ପରିଚାଳନା କମିଟି ବିଶେଷକରି ଅଧ୍ୟକ୍ଷ ମଳୟ କୁମାର ପଣ୍ଡାଙ୍କୁ ଶୁଭେଚ୍ଛା ଜଣାଇଛନ୍ତି ।
