ବିନିକା ରେ ସୁଭଦ୍ରା ଯୋଜନା ର ଶୁଭାରମ୍ଭ
ସୁବର୍ଣ୍ଣପୁର — ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଙ୍କ ଜନ୍ମଦିନରେ ଗତକାଲି ରାଜ୍ୟବାସୀ ଙ୍କୁ ସୁଭଦ୍ରା ଯୋଜନା ର ପ୍ରଥମ କିସ୍ତି ଟଙ୍କା ପ୍ରଦାନ କରାଯାଇଛି l ଏହି ଅବସରରେ ଗତକାଲି ସୁବର୍ଣ୍ଣପୁର ଜିଲ୍ଲା ବିନିକା ଆରଏମସି ଠାରେ ଅନୁଷ୍ଠିତ ବ୍ଲକ ସ୍ତରୀୟ ସୁଭଦ୍ରା ଯୋଜନା ବଣ୍ଟନ କାର୍ଯ୍ୟକ୍ରମ ରେ ମାନନୀୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଭିଡିଓ କନଫରେନସିଂ ମାଧ୍ୟମରେ କାର୍ଯ୍ୟକ୍ରମ ର ଶୁଭାରମ୍ଭ କରିଥିଲେ |
ଚଳିତ ମାସ ୧୫ ତାରିଖ ପର୍ଯ୍ୟନ୍ତ ବିନିକା ବ୍ଲକ ରେ ପ୍ରାୟ ୧୨ ହଜାର ମହିଳା ଆବେଦନ କରି ସାରିଥିଲେ । ଏଥି ମଧ୍ୟରୁ ବହୁ ମହିଳା ଙ୍କ ବ୍ୟାଙ୍କ ଆକାଉଣ୍ଟ କୁ ସୁଭଦ୍ରା ର ପ୍ରଥମ କିସ୍ତିଟଙ୍କା ଗତକାଲି ଆସିଯାଇଥିବା ସୂଚନା ମିଳିଛି । ଆଗାମୀ ଦିନରେ ମଧ୍ୟ ସମସ୍ତ ହିତାଧିକାରୀ ଙ୍କୁ ଟଙ୍କା ମିଳିବ ବୋଲି ବ୍ଲକ ପ୍ରଶାସନ ତରଫରୁ ସୂଚନା ଦିଆଯାଇଛି । ଅନୁଷ୍ଠିତ ଏହି କାର୍ଯ୍ୟକ୍ରମ ରେ ବିନିକା ବିଡ଼ିଓ ପ୍ରମୋଦ ଚନ୍ଦ୍ର ମେହେର, ତହସିଲଦାର ସୀତାରାମ ଭୋଇ,ଡିଏସଡବ୍ଲୁଓ ଅନୁପମା ପଣ୍ଡା, ଉପଜିଲ୍ଲପାଳ ସୁରଜ ପଟ୍ଟନାୟକ, ସିଡିପିଓ ଲକ୍ଷ୍ମୀପ୍ରିୟା ମିଶ୍ର, ବିନିକା ଥାନା ଅଧିକାରୀ ସାରଙ୍ଗଧର ପାଣିଗ୍ରାହୀ ପ୍ରମୁଖ ଯୋଗ ଦେଇଥିଲେ । ଏହି କାର୍ଯ୍ୟକ୍ରମ ଅଞ୍ଚଳର ଶହ ଶହ ମହିଳା ଯୋଗଦେଇ ପ୍ରଧାନମନ୍ତ୍ରୀ ଙ୍କୁ ଧନ୍ୟବାଦ ଅର୍ପଣ କରିଥିଲେ ।
ରିପୋର୍ଟ – ଉଗ୍ରସେନ କର୍ମୀ, ସୁବର୍ଣ୍ଣପୁର
