ବିଭିନ୍ନ ସମସ୍ୟାର ସ୍ଥାୟୀ ସମାଧାନ ନିମନ୍ତେ ସରକାରଙ୍କ ନିକଟରେ ଦାବି ରଖିଲେ ଗ୍ରାମପଞ୍ଚାୟତ ପିଅନ କର୍ମଚାରୀ ମହାସଂଘ
ଭବାନୀପାଟଣା:ଭବାନୀପାଟଣା ଅମଲା ଭବନ ଠାରେ ଗ୍ରାମପଞ୍ଚାୟତ ପିଅନ କର୍ମଚାରୀ ମହାସଂଘ କଳାହାଣ୍ଡି ଶାଖା ର ଜିଲ୍ଲାସ୍ତରୀୟ ବୈଠକ ଅନୁଷ୍ଠିତ ହୋଇଯାଇଛି।ଏଠାରେ ସଂଘର ସଭାପତି ଶ୍ରୀ ହରେକୃଷ୍ଣ ନାଏକ, ସାଧାରଣ ସମ୍ପାଦକ ଶ୍ରୀ ମଚିନ୍ଦ୍ର ନାଏକ ଏବଂ ମିଳିତ ସାମ୍ବାଦିକ ସଙ୍ଘର ସଭାପତି ନାରାୟଣ ପ୍ରସାଦ ନାୟକ ଉପସ୍ଥିତ ରହି ଉଦବୋଧନ ଦେବାସହ ପିଅନ କର୍ମଚାରୀ ମାନଙ୍କର ବିଭିନ୍ନ ସମସ୍ୟା ଉପରେ ଆଧାରିତ ଦଶଗୋଟି ଦାବିପୂରଣ ନିମନ୍ତେ ଆଲୋଚନା କରିଥିଲେ ଏହା ସହ ରାଜ୍ୟ ସରକାର, ବିଭାଗୀୟ ମନ୍ତ୍ରୀ, ସଚିବଙ୍କ ସମୁହଁକୁ ପତ୍ରଲେଖିଥିଲେ। ସୂଚନାଯୋଗ୍ୟ ଯେ,ଗ୍ରାମପଞ୍ଚାୟତ ପିଅନ କର୍ମଚାରୀମାନଙ୍କୁ ସ୍ଥାୟୀ ନିଯୁକ୍ତି ଦେବାସହ ନିୟମିତ ବେତନ ପ୍ରଦାନ କରିବା, ରାଜ୍ୟ ବଜେଟରେ କର୍ମଚାରୀମାନଙ୍କ ନିମନ୍ତେ ସ୍ୱତନ୍ତ୍ର ବ୍ୟବସ୍ତା ରଖିବା, ନିୟମ ୧୨୫ କୁ ଉଛେଦ କରି ୧୨୩ ସର୍ତ୍ତାବଳୀ ଲାଗୁ କରିବା, ଯେ ପର୍ଯନ୍ତ ସ୍ଥାୟୀ ନିଯୁକ୍ତି ନପାଇଛନ୍ତି ସେ ପର୍ଯ୍ୟନ୍ତ ଦୈନିକ ୪୫୦ ଟଙ୍କା ମଜୁରୀ ହାରରେ ପ୍ରଦାନ କରିବା ଆଦି ପ୍ରମୁଖ ଦାବି ସରକାରଙ୍କ ନିକଟରେ ରଖିଛନ୍ତି।ପୂର୍ବ ସରକାରରେ କର୍ମଚାରୀ ମନେ ବହୁବାର ଦାବି କରିଆସୁଥିଲେ ମଧ୍ୟ କେବେଳ ମିଥ୍ୟା ପ୍ରତିଶୃତି ସରକାରଙ୍କ ଠାରୁ ପାଉଥିଲେ, ଆଜି ସରକାର ବଦଳିଛି କର୍ମଚାରୀ ମନେ ସେମାଙ୍କର ସ୍ଥାୟୀ ନିଯୁକ୍ତି ପାଇଁ ଆଶା ପୋଷଣ କରୁଥିବା ସଙ୍ଘର ସଭାପତି ହରେକୃଷ୍ଣ ନାଏକ ଗଣମାଧ୍ୟମକୁ ନିଜ ପ୍ରତିକ୍ରିୟାରେ ପ୍ରକାଶ କରିଥିଲେ। ଉକ୍ତ କାର୍ଯ୍ୟକ୍ରମ ରେ ଜିଲ୍ଲାର ଶତାଧିକ ପିଅନ କର୍ମଚାରୀମନେ ଯୋଗଦେଇଥିଲେ।
କଳାହାଣ୍ଡି ଇପିଏ ରୁ ବିଦ୍ୟାଧର ସାହୁ ଙ୍କ ରିପୋର୍ଟ
ଇପିଏ ନିଉଜ ( ଇଷ୍ଟର୍ଣ୍ଣ ପ୍ରେସ ଏଜେନ୍ସି )
