୩୪ ଲିଟର ମଦ ଜବତ ସହ ୨ ଜଣ ଗିରଫ ।
ସୁବର୍ଣ୍ଣପୁର — ସୁବର୍ଣ୍ଣପୁର ଜିଲ୍ଲା ବିନିକା ଅବକାରୀ ବିଭାଗ ପକ୍ଷରୁ ବିଭିନ୍ନ ସ୍ଥାନରେ ଚଢାଉ କରି ୩୪ ଲିଟର ମଦ ଜବତ କରିବା ସହ ଏଥିରେ ସଂଶ୍ଳିଷ୍ଟ ଥିବା ୨ ଜଣଙ୍କୁ ଗିରଫ କରି କୋର୍ଟ ଚାଲାଣ କରାଯାଇଥିବା ଅବକାରୀ ଅଧିକାରୀ ବଳବିର ଗଡନାଏକ ସୂଚନା ଦେଇଛନ୍ତି l ସୂଚନା ଅନୁସାରେ ବିନିକା ବ୍ଲକ ବାଉଁଶୁଣି ଗ୍ରାମ ରାସ୍ତାରେ ଅବକାରୀ ବିଭାଗ ପକ୍ଷରୁ ପେଟ୍ରୋଲିଙ୍ଗ ବେଳେ ମଦ ଧରି ଆସୁଥିବା ବାଉଁଶୁଣି ଗ୍ରାମର ବିପିନ ପାଣ୍ଡେ ଙ୍କୁ ଅଟକାଇ ଯାଞ୍ଚ୍ କରିଥିଲେ l ଯାଞ୍ଚ ବେଳେ ତା ପାଖରୁ ୧୮ ଲିଟର ମଦ ଜବତ କରିବା ସହ ତାକୁ ଗିରଫ କରିଥିଲେ l ସେହିପରି ବାଉଁଶୁଣି ପଞ୍ଚାୟତ ଫବସି ଗ୍ରାମର ଭୀମ ଭୁଏ ଙ୍କ ଠାରୁ ୧୬ ଲିଟର ମଦ ଜବତ କରିବା ସହ ଭିମ କୁ ଗିରଫ କରିଥିଲେ l ଏନେଇ ଅବକାରୀ ଆଇନ ଅନୁସାରେ ପୃଥକ ପୃଥକ ଭାବେ ଦୁଇଟି ମାମଲା ରୁଜୁ କରାଯାଇ ଉଭୟଙ୍କୁ କୋର୍ଟ ଚାଲାଣ କରଯାଇଥିଲା l ତେବେ କୋର୍ଟ ରେ ଜାମିନ ନାମଞ୍ଜୁର ହେବାରୁ ତାଙ୍କୁ ବିଚାରବିଭାଗୀୟ ହାଜତ କୁ ପଠାଇ ଦିଆଯାଇଥିବା ଅବକାରୀ ଅଧିକାରୀ ଶ୍ରୀ ଗଡନାଏକ ସୂଚନା ଦେଇଛନ୍ତି l ଏହି ଚଢାଉ ରେ ଏ ଏସ ଆଇ ଡୋଳାମଣି ପଧାନ, ପିଣ୍ଟୁ ସାହୁ, ଷ୍ଟାଫ ଭାଗ୍ୟବାନ କୁମ୍ଭାର, ଗୋପାଲ ଝାଙ୍କର, ରିଙ୍କି ସେଠ ପ୍ରମୁଖ ସାମିଲ ଥିଲେ l
ରିପୋର୍ଟ – ଉଗ୍ରସେନ କର୍ମୀ, ସୁବର୍ଣ୍ଣପୁର
