ଉତ୍କଳ ସାମ୍ବାଦିକ ସଂଘ, ଓଡ଼ିଶା(ରାୟଗଡ଼ ଜିଲ୍ଲା ଶାଖା)ର ସପ୍ତମ ବାର୍ଷିକ ଉତ୍ସବ ଅନୁଷ୍ଠିତ
ଉତ୍କଳ ସାମ୍ବାଦିକ ସଂଘ, ଓଡ଼ିଶାର ରାୟଗଡ଼ ଜିଲ୍ଲା ଶାଖା ଆନୁକୂଲ୍ୟରେ ଜିଲ୍ଲା ସଭାପତି ସୁରେଶ ଦାସଙ୍କ ନେତୃତ୍ୱରେ ସପ୍ତମ ବାର୍ଷିକ ଉତ୍ସବ ତା. ୨୧.୦୮.୨୦୨୬ ରିଖ ଶୁକ୍ରବାର ଦିନ ରାୟଗଡ଼ ସହର ସ୍ଥିତ ବିଜୁ ପଟ୍ଟନାୟକ ଅଡିଟୋରିୟମ୍ ଠାରେ ଅନୁଷ୍ଠିତ ହୋଇଯାଇଛି। ଉତ୍କଳ ସମ୍ବାଦିକ ସଂଘ, ଓଡ଼ିଶାର ସଭାପତି ବିଭୁତି ଭୂଷଣ କର ଅଧ୍ଯକ୍ଷତାରେ ଆୟୋଜିତ ଏହି କାର୍ଯ୍ୟକ୍ରମରେ ବିଶିଷ୍ଟ ଅତିଥି ଭାବେ ଶ୍ରୀ ହେମନ୍ତ ତିୱାରୀ, ଉପାଧ୍ୟକ୍ଷ ପେଷାଦାର ପତ୍ରିକାର ମହାସଂଘ, ନୂଆଦିଲ୍ଲୀ ଓ ସମସ୍ତ ଅତିଥିଗଣ ଚତୁର୍ଦ୍ଧାମୂର୍ତ୍ତିଙ୍କ ନିକଟରେ ପ୍ରଦୀପ ପ୍ରଜ୍ୱଳନ କରି ଉଦଘାଟନ କରିଥିଲେ। ଏହି କାର୍ଯ୍ୟକ୍ରମରେ ମୁଖ୍ୟ ପ୍ରସଙ୍ଗ ଥିଲା ‘ସାମାଜିକ ବିକାଶରେ ଗଣମାଧ୍ୟମର ଭୂମିକା’।ବିଶିଷ୍ଟ ଅତିଥି ଶ୍ରୀ ହେମନ୍ତ ତିୱାରୀ ତାଙ୍କର ଭାଷଣରେ ସେ କହିଥିଲେ ଯେ ଗଣତନ୍ତ୍ରକୁ ସୁଦୃଢ଼ କରିବାରେ ଏକ ମୁକ୍ତ ଏବଂ ଦାୟିତ୍ୱପୂର୍ଣ୍ଣ ପ୍ରେସର ଗୁରୁତ୍ୱ ଉପରେ ଗୁରୁତ୍ୱାରୋପ କରିଥିଲେ। ସେ ପରିବର୍ତ୍ତିତ ଚ୍ୟାଲେଞ୍ଜ ମଧ୍ୟରେ ସାମ୍ବାଦିକତା ମୂଲ୍ୟବୋଧକୁ ବଜାୟ ରଖିବା ଏବଂ ଗଣମାଧ୍ୟମ ବୃତ୍ତିଗତଙ୍କୁ ସମର୍ଥନ କରିବା ପାଇଁ ସଂଘ ପ୍ରୟାସ କରି ଆସୁଛି ବୋଲି କହିଥିଲେ।ମୁଖ୍ୟ ବକ୍ତା ଶ୍ରୀ ସିଦ୍ଧାର୍ଥ କଲହଂସ, ସାଧାରଣ ସମ୍ପାଦକ ଶ୍ରୀପେଷାଦାର ପତ୍ରକାର ମହାସଂଘ, ନୂଆଦିଲ୍ଲୀ ତାଙ୍କ ସମ୍ଭାଷୋଣରେ ସାମ୍ବାଦିକତା ଏବଂ ସାଧାରଣ ଆଲୋଚନାକୁ ଉନ୍ନତ କରିବାରେ ସଂଘର ଗୁରୁତ୍ୱପୂର୍ଣ୍ଣ ଭୂମିକାକୁ ସ୍ୱୀକାର କରିବା ସହ ଏହାର ବିଶ୍ୱସନୀୟତା ଏବଂ ଅଖଣ୍ଡତାକୁ ଆଲୋକପାତ କରିଥିଲେ।ଉତ୍କଳ ସମ୍ବାଦିକ ସଂଘ, ଓଡ଼ିଶାର ସଭାପତି ବିଭୁତି ଭୂଷଣ କର ତାଙ୍କ ଭାଷଣରେ କହିଥିଲେ ଯେ ବାକ୍ ସ୍ୱାଧୀନତା, ସାମ୍ବାଦିକଙ୍କ ଅଧିକାର, ନୈତିକ ରିପୋର୍ଟିଂ ଏବଂ ଗଣମାଧ୍ୟମ ସମ୍ପ୍ରଦାୟ ମଧ୍ୟରେ ଏକତାର ଗୁରୁତ୍ୱ ଉପରେ ଗୁରୁତ୍ୱାରୋପ କରିଥିଲେ। ଅତିଥିମାନେ ଆଜି ସାମ୍ବାଦିକତା ସାମ୍ନା କରୁଥିବା ଆହ୍ୱାନ ଏବଂ ଗଣତନ୍ତ୍ରରେ ଗଣମାଧ୍ୟମର ଗୁରୁତ୍ୱପୂର୍ଣ୍ଣ ଭୂମିକା ଉପରେ ଆଲୋକପାତ କରିଥିଲେ ଏବଂ ସାମ୍ବାଦିକମାନଙ୍କ ମଧ୍ୟରେ ଏକତା ପାଇଁ ଆହ୍ବାନ କରିଥିଲେ।ସମ୍ପାଦକ ବିଜୟ ଦାସ ସାମ୍ବାଦିକତାରେ ନିରନ୍ତରତା ଏବଂ ସାମୂହିକ ଦାୟିତ୍ୱର ଆବଶ୍ୟକତା ଉପରେ ଗୁରୁତ୍ୱାରୋପ କରିଥିବା ବେଳେ ସଭାପତି ସୁରେଶ ଦାସ ଏକ ପରିବର୍ତ୍ତିତ ଗଣମାଧ୍ୟମ ପରିବେଶରେ ଅଖଣ୍ଡତା ଏବଂ ସଂହତିକୁ ସଂଘ ପ୍ରୋତ୍ସାହିତ କରୁଥିବା ନେଇ କହିଥିଲେ।
ଏହି ସପ୍ତ ବାର୍ଷିକୀ କାର୍ଯ୍ୟକ୍ରମରେ ସମ୍ମାନୀତ ଅତିଥିଭାବେ ଶ୍ରୀ ବେଣୁଧର ପଣ୍ଡା (ରାଜ୍ୟ ସମ୍ପାଦକ),ଶ୍ରୀ ରାଜନ ଚୌଧୁରୀ (ରାଜ୍ୟ କୋଷାଧ୍ୟକ୍ଷ),ଶ୍ରୀ ଦେବରାଜ ଟାକିରୀ ଭାରପ୍ରାପ୍ତ ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ, ରାୟଗଡ଼ ମଞ୍ଚାସୀନ ଥିଲେ। ଏଥିସହ ବହୁ ବିଶିଷ୍ଟ ବ୍ୟକ୍ତିତ୍ୱ,ବିଦ୍ୟାର୍ଥୀ,ସମାଜସେବୀ,ସମ୍ବାଦିକଗଣ ଉପସ୍ଥିତ ରହିଥିଲେ।
ରିପୋର୍ଟ: ରାୟଗଡ଼ା ଜିଲ୍ଲା ଈପିଏରୁ ତିରୁମାଲା ପ୍ରସାଦ ପଟ୍ଟନାୟକ
