ଚନ୍ଦ୍ରମଣି ଦାସ ସମାଧି ପୀଠକୁ ପର୍ଯ୍ୟଟନ ସ୍ଥଳୀର ମାନ୍ୟତା ପ୍ରଦାନ ପାଇଁ ଦାବିପତ୍ର ପ୍ରଦାନ

 ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ କୋଟସମଲାଇ ଗ୍ରାମ ପଂଚାୟତ ଅନ୍ତର୍ଗତ ସିଦ୍ଧଯୋଗୀ ଚନ୍ଦ୍ରମଣି ଦାସ ସମାଧି ପୀଠ ବାଘପାଲିକୁ ବୀରମହାରାଜପୁର ବିଧାୟକ ଇ. ରାଘନାଥ ଜଗଦଲା ଗସ୍ତ କରିଥିଲେ l ପ୍ରଥମେ ଗ୍ରାମରେ ନୂତନ ଭାବେ ନିର୍ମାଣ ହୋଇଥିବା ପାନୀୟ ଜଳ ପ୍ରକଳ୍ପ ଅମୃତ ଧାରାକୁ ଶୁଭ ଉଦଘାଟନ କରିଥିଲେ l ପରେ ସିଦ୍ଧ ସାଧକ ମହାଯୋଗୀ ଚନ୍ଦ୍ରମଣି ଦାସ ସମାଧି ପୀଠକୁ ଯାଇଥିଲେ l ତାଙ୍କୁ ସିଦ୍ଧଯୋଗୀ ଚନ୍ଦ୍ରମଣି ମଠ ବିକାଶ ଟ୍ରଷ୍ଟ, ବାଘପାଲି ତରଫରୁ ସ୍ୱାଗତ କରାଯାଇଥିଲା l

ଟ୍ରଷ୍ଟର ବରିଷ୍ଠ ସଦସ୍ୟ ଜାନକୀରାମ ଦେହୁରୀଙ୍କ ଅଧ୍ୟକ୍ଷତାରେ ଏକ ବୈଠକ ଅନୁଷ୍ଠିତ ହୋଇଥିଲା l ଏହି ବୈଠକରେ ଉକ୍ତ ପୀଠକୁ ଓଡିଶା ସରକାରୀ ପର୍ଯ୍ୟଟନ ସ୍ଥଳୀର ମାନ୍ୟତା ପ୍ରଦାନ କରିବା ପାଇଁ ବିଭିନ୍ନ ଆଲୋଚନା କରାଯାଇଥିଲା l ଏଥିରେ ବିଧାୟକ ସକାରାତ୍ମକ ପ୍ରତିଶୃତି ପ୍ରଦାନ କରିଛନ୍ତି ଯେ ନିଶ୍ଚିତ ଭାବରେ ଏହି ପୀଠର ବିକାଶ ନିତାନ୍ତ ଆବଶ୍ୟକ l ମୁଁ ନିଶ୍ଚିତ ଭାବରେ ରାଜ୍ୟ ସରକାରଙ୍କ ଦୃଷ୍ଟି ଆକର୍ଷଣ କରିବି ବୋଲି ପ୍ରତିଶୃତି ଦେଇଛନ୍ତି ବିଧାୟକ l ଏଥିରେ ଟ୍ରଷ୍ଟ ସମ୍ପାଦକ ମକୁନ୍ଦ ଧରୁଆ, ବରିଷ୍ଠ ସଦସ୍ୟ ନରସିଂହ ପଧାନ, ଲୁପି ମହାକୁର, ଫକୀର ପୁରୋହିତ, ନଳିନୀକାନ୍ତ ବାଘ, ଶିବ ମହାକୁର, କୃପାସିନ୍ଧୁ ଥାଟି, ହିମାଂଶୁ ପଧାନ, ବାସୁଦେବ ପଧାନ, ପୁରନ୍ଦର ଥାଟି ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ l

ସୁବର୍ଣ୍ଣପୁର ରୁ ଉଗ୍ରସେନ କର୍ମୀ ଙ୍କ ରିପୋର୍ଟ ଇପିଏ ନ୍ୟୁଜ…