ଦୁଷ୍କର୍ମକାରୀ ପୋଲିସଙ୍କ ସୁନା ପୁଅ

ରାଜ୍ୟରେ ଘରପୋଡି ଅଘଟଣ ଘଟିଲା ଭଳି ଦୁଷ୍କର୍ମ, ଗଣ ଦୁଷ୍କର୍ମ, ଯୌନ ଉତ୍ପୀଡ଼ନ, ଛାତ୍ରବାସରେ ନାବାଳିକା ଗର୍ଭଧାରଣ ଓ ବିଭିନ୍ନ ଅତ୍ୟାଚାର ହୁ ହୁ ହୋଇ ବ୍ୟାପିବାରେ ଲାଗିଛି l ପରିସ୍ଥିତି ଅଣାୟତ୍ତ ଅବସ୍ଥାକୁ ଆସିଗଲାଣି l ସରକାର, ପୋଲିସ ଓ ପ୍ରଶାସନ ଏହି ପ୍ରସଙ୍ଗକୁ ନେଇ ଆଦୌ ଚିନ୍ତିତ ନଥିବା ଜଣା ପଡିଛି ତେଣୁ ସରକାରଙ୍କୁ ନାରୀ ନିର୍ଯାତନା ପ୍ରସଙ୍ଗରେ କଂଗ୍ରେସ ଦଳ ପକ୍ଷରୁ କଂଗ୍ରେସ ଭବନଠାରେ ବିଭିନ୍ନ ଦାବୀ ନେଇ ଏକ ସାମ୍ବାଦିକ ସମ୍ମିଳନୀ ଆୟୋଜିତ ହୋଇଥିଲା l ଏହି ସମ୍ମିଳନୀରେ କଂଗ୍ରେସ ମୁଖପାତ୍ର ଡଃ ମନୀଷା ଦାସ ପଟ୍ଟନାୟକ ଓ ଜୟଶ୍ରୀ ପାତ୍ର ଯୋଗଦେଇ ସରକାରଙ୍କ ନାରୀଙ୍କ ସମ୍ମାନ ପ୍ରତି ଆଭିମୁଖ୍ୟକୁ କଟୁ ଭାଷାରେ ସମାଲୋଚନା କରି ବିଭିନ୍ନ ଦାବୀ ଉପସ୍ଥାପନା କରିଥିଲେ l ମୁଖପାତ୍ର ଡଃ ଦାସ ପଟ୍ଟନାୟକ କହିଲେ ଯେ,  ଓଡ଼ିଶାରେ ବିଜେପି ସରକାରର ୧୭ ମାସରେ ମହିଳା ଓ ନାବାଳିକାଙ୍କ ଉପରେ ଅତ୍ୟାଚାର, ଧର୍ଷଣ , ଗଣ ଧର୍ଷଣ ଓ ହିଂସାର ଅଭୂତପୂର୍ବ ବୃଦ୍ଧି ସତ୍ୱେ ସରକାର ଓ ପ୍ରଶାସନ ପୂରାପୁରି ନିର୍ବାକ ଓ ନିଷ୍କ୍ରିୟ ରହିବାକୁ ଓଡ଼ିଶା ପ୍ରଦେଶ କଂଗ୍ରେସ୍ କଟୁ ଭାବରେ ନିନ୍ଦା କରୁଛି। ସରକାର୍ ନିଦା ବିଷ୍ଣୁ ସାଜି ମହିଳା ସୁରକ୍ଷା ପ୍ରସଙ୍ଗକୁ ଆଖି ବୁଜି ଦେଇଛନ୍ତି ।ଖୋର୍ଦ୍ଧା ବାଘମାରୀରେ ନାବାଳିକାଙ୍କୁ ନିର୍ମମ ଗଣବଳାତ୍କାର ହେବା ସତ୍ୱେ ଅପରାଧି ଏପର୍ଯ୍ୟନ୍ତ ଗିରଫ ନ ହେବା, ମାଲକାନଗିରି ରେ ଜନୈକ ୪୫ ବର୍ଷର ବ୍ୟକ୍ତି ଦ୍ୱାରା ୫–୭ ବର୍ଷର ତିନି ନାବାଳିକା ଉପରେ ଅମାନବୀୟ ବଳାତ୍କାର ତଦନ୍ତର ଧୀରଗତି, ଏବଂ ହୃଦୟ ଥରେଇ ଦେବା ଭଳି କଟକ ଏସସିବି ମେଡିକାଲର ଆଇସିୟୁରେ ଏକ ମହିଳାଙ୍କୁ ଅଟେଣ୍ଡାଣ୍ଟଙ୍କ ଅସଦାଚରଣ—ଏହି ସମସ୍ତ ଘଟଣା ସରକାରର ଅକ୍ଷମତା, ଅବହେଳା ଓ ରାଜ୍ଯ ଆଇନ୍ ବ୍ୟବସ୍ଥା ଧ୍ୱସ୍ତ ହେଉଥିବାକୁ ସ୍ପଷ୍ଟ କରୁଛି। ପୁରୀ, କେଉଁଝର, ମୟୂରଭଞ୍ଜ, ସମ୍ବଲପୁର, ଗୋପାଳପୁର ଓ ରାୟଗଡ଼ାରେ ପ୍ରତି ସପ୍ତାହ ପ୍ରାୟ ନୂଆ ମହିଳା ନିର୍ଯାତନା ଘଟଣା ଘଟୁଥିଲେ ମଧ୍ୟ ସରକାରଙ୍କ ପକ୍ଷରୁ କୌଣସି କଠୋର କାର୍ଯ୍ୟ ଦେଖିବାକୁ ମିଳୁନାହିଁ। ଏହି ପରିସ୍ଥିତି ପାଇଁ ଓଡ଼ିଶା ପ୍ରଦେଶ ମହିଳା କଂଗ୍ରେସ୍ ତତ୍କାଳ ଫାସ୍ଟ-ଟ୍ରାକ୍ ବିଚାର, ବିଶେଷ ମହିଳା ତଦନ୍ତ ଦଳ ଗଠନ, ଦାୟୀ ପୋଲିସ୍ ଅଧିକାରୀଙ୍କୁ କଠୋର କାର୍ଯ୍ୟାନୁଷ୍ଠାନ ଓ ପୀଡ଼ିତାଙ୍କୁ ସୁରକ୍ଷା–ପରାମର୍ଶ–ଆଇନ ସହାୟତା ଦେବାକୁ ଦୃଢ଼ ଦାବି କରୁଛି। ଏହି ଗୁରୁତର ଅବସ୍ଥାକୁ ଡ଼. ଦାସ ପଟ୍ଟନାୟକ ପୁଣି କହିଛନ୍ତି ଯେ, ମହିଳା ସୁରକ୍ଷା ରାଜନୀତିର ବିଷୟ ନୁହେଁ, ଏହା ସରକାରର ମୂଳ କର୍ତ୍ତବ୍ୟ; ଏଭଳି ନିଷ୍କ୍ରିୟତା ଜାରି ରହିଲେ ଓଡ଼ିଶାର ମହିଳାମାନେ କେବେ ଚୁପ୍ ରହିବେନାହିଁ ଏବଂ ଲଢେଇ ରାଜ ରାସ୍ତାରେ ଜାରି ରହିବା ବୋଲି ପ୍ରକାଶ କରିଥିଲେ l ସମ୍ମିଳନୀର ଅନ୍ୟତମ ମୁଖପାତ୍ର ଶ୍ରୀମତୀ ପାତ୍ର କହିଛନ୍ତି,ଖୋର୍ଦ୍ଧା ଜିଲ୍ଲାର ବାଘମାରି ଅଞ୍ଚଳରେ ଜଣେ ଦଳିତ ନାବାଳିକାକୁ ଗଣଦୁଷ୍କର୍ମ , ମାଲକାନଗିରିରେ ୩ ଶିଶୁ ଙ୍କୁ ଦୁଷ୍କର୍ମ ନିମାପଡାରେ ନାବାଳିକା ନିଖୋଜ ରାଜ୍ୟରେ ଚାଲିଛି କଣ ବୋଲି ଶ୍ରୀମତୀ ଜୟଶ୍ରୀ ପାତ୍ର ପ୍ରଶ୍ନ କରିଛନ୍ତି।ଡବଲ ଇଞ୍ଜିନ ସରକାରରେ ମହିଳା ଅସୁରକ୍ଷିତ ଡବଲ ମାତ୍ରାରେ । ୧୭ ମାସର ସରକାରରେ ୧୦ ମାସରେ ୧୦ ହଜାର ମହିଳାଙ୍କୁ ଅସଦାଚରଣ,୩୩୭୭ ଜଣ ମହିଳାଙ୍କୁ ଯୌତୁକ ନିର୍ଯାତନା,୨୪୬୫ ମହିଳା ଆତ୍ମହତ୍ୟା,୩୧୭୮ ମହିଳା ଅପହରଣ,୨୪୪ ହତ୍ୟା ର ଶିକାରର ରିପୋର୍ଟ କାର୍ଡ ଦେଖାଇବା ସହ କିଭଳି ସୁଶାସନର ଡିଣ୍ଡିମ” ପିଟାଯାଉଛି ବୋଲି ପ୍ରଶ୍ନ କରିବା ସହ
“ବେଟି ବଚାଓ ବେଟି ପଢାଓ “ନାରା ଖାଣ୍ଟି ମିଛ ସେ ପରଦା ରେ ସତ୍ତାଧାରି ମୁଁହ ଲୁଚାଇବା ର ପ୍ରୟାସ। ରାଜ୍ୟର ମହିଳା ଉପମୁଖ୍ୟମନ୍ତ୍ରି ଓ ମହିଳା ବାଚସ୍ପତି ଥାଇ ମଧ୍ୟ ମହିଳା ସୁରକ୍ଷା ପାଇଁ ନା ତତ୍ପରତା ଅଛି ନ ଲୋକଙ୍କ ସରକାରରେ କାର୍ଯ୍ୟକାରିତା କି ଆନ୍ତରିକତା ଅଛି। ଖୋର୍ଦ୍ଧା ଅଞ୍ଚଳର ବିଧାୟକ ଏହିଭଳି ଘଟଣାରେ ନୀରବଦ୍ରଷ୍ଟା ଓ ଭୁବନେଶ୍ୱର ସାଂସଦଙ୍କ ସମ୍ବେଦନଶୀଳତା ନାହିଁ ବୋଲି ଭର୍ତ୍ସନା କରିଛନ୍ତି।
ଖାକି ବର୍ଦି ନେତା ମନ୍ତ୍ରୀଙ୍କ ସୁରକ୍ଷା ଦେବାରେ ବ୍ୟସ୍ତ। ସାଧାରଣ ଜନତାଙ୍କୁ ପଚାରେ କିଏ ବୋଲି ମୁଖପାତ୍ର ଶ୍ରୀମତୀ ଜୟଶ୍ରୀ ପାତ୍ର ପ୍ରଶ୍ନ କରିଛନ୍ତି। ଖାକି ବର୍ଦୀର ତତ୍ପରତା ଓ କର୍ଯ୍ୟକାରିତା ନଥିବା ହେତୁ ମହିଳା ଅଧିକ ମାତ୍ରାରେ ନିର୍ଯ୍ୟାତିତ ଓ ଅସୁରକ୍ଷିତ। ପୀଡ଼ିତାଙ୍କ ମାଙ୍କୁ ଏତଲାରୁ ମୁଖ୍ୟ ଅଭିଯୁକ୍ତଙ୍କ ନାଁ କଟିବା ପାଇଁ ପୋଲିସର ଚାପ ପକାଇବା ଅତ୍ୟନ୍ତ ନିନ୍ଦନୀୟ ଘଟଣା।
ରାଜରାସ୍ତାରୁ ବିଧାନସଭା ଯାଏଁ ମହିଳା ସୁରକ୍ଷା, ସମ୍ମାନ ଓ ଅଧିକାର ପାଇଁ ଲଢେଇ ହେବ ଏବଂ ଜୋରଦାର ହେବ ବୋଲି ଶ୍ରୀମତୀ ପାତ୍ର ସରକାରଙ୍କୁ ଚେତାବନୀ ଦେଇଛନ୍ତି l