ନବନିର୍ମାଣ କୃଷକ ସଂଗଠନ ର ରାଜ୍ୟବ୍ୟାପି କୃଷକ ସ୍ୱାଭିମାନ ଯାତ୍ରା ଆରମ୍ଭ l

ସୁବର୍ଣ୍ଣପୁର: ବୁଧବାର ଦିନ ସୁବର୍ଣ୍ଣପୁର ଜିଲ୍ଲାରେ ପହଞ୍ଚିଥିଲା ନବନିର୍ମାଣ କୃଷକ ସଂଗଠନ ର ରାଜ୍ୟବ୍ୟାପୀ କୃଷକ ସ୍ୱାଭିମାନ ଯାତ୍ରା। ଇଷ୍ଠ ଦେବୀ ମା ସୁରେଶ୍ଵରୀ ମନ୍ଦିର ଠାରେ ରାଷ୍ଟ୍ରୀୟ ସଂଯୋଜକ ଅକ୍ଷୟ କୁମାର ଙ୍କ ନେତୃତ୍ୱ ରେ ଆସିଥିବା ଏହି ଯାତ୍ରା ର ସମସ୍ତ ସଂଗ୍ରାମୀ ସାଥୀ ମାନଙ୍କୁ ସୁବର୍ଣ୍ଣପୁର ଜିଲ୍ଲା ନବନିର୍ମାଣ କୃଷକ ସଂଗଠନ, ଜିଲ୍ଲା କୃଷକ ସଙ୍ଗଠନ, ଶ୍ରୀ ଗଣେଶ ଆଞ୍ଚଳିକ କୃଷକ ସଂଗଠନ ବିନିକା ଆଦି ସଂଗଠନ ର ୬ଟି ବ୍ଲକ୍ ର ଚାଷୀ ପ୍ରତିନିଧି ଓ ଚାଷୀ ମାନେ ସ୍ୱାଗତ କରିଥିଲେ। ଦେବୀ ଙ୍କ ପୂଜାର୍ଚ୍ଚନା କରି ଚାଷୀ ସମାଜ ର ମଙ୍ଗଳ କାମନା କଲା ପରେ ଏହି କୃଷକ ସ୍ୱାଭିମାନ ଯାତ୍ରା ଶହ ଶହ ଚାଷୀ ଙ୍କୁ ନେଇ ଏକ ବାଇକ୍ ରେଲି ରେ ସହର ପରିକ୍ରମା କରି ପଟାଭାଡି ରୟାଲ କନଭେନସନ୍ ସ୍ଥିତ ସଭାଗୃହ କୁ ପହଞ୍ଚିଥିଲା। ଚାଷୀ ଏକତା ଜିନ୍ଦାବାଦ, କରା ମାଡ ରେ କ୍ଷତିପୂରଣ ଦେବା ଆମର ଦାବୀ, ଚାଷୀ ଉପରେ ଜୁଲୁମ୍ ଚଳିବ ନାହିଁ, ସୋନପୁର ସୂତାକଳ ର ପୁନରୁଦ୍ଧାର ଆମର ଦାବୀ ଆଦି ସ୍ଲୋଗାନ ଦେଇଥିଲେ ଚାଷୀ ମାନେ।

ଏହା ପରେ ସାମ୍ବାଦିକ ସମ୍ମିଳନୀ ଓ ବୁଦ୍ଧିଜୀବୀ ସମ୍ମିଳନୀ ଅନୁଷ୍ଠିତ ହୋଇ ନବନିର୍ମାଣ କୃଷକ ସଂଗଠନ ର ଏକ ମୋବାଇଲ ଆପ ଲୋକାର୍ପଣ ହୋଇଥିଲା। ଆଗକୁ ଗାଁ କୁ ଗାଁ ବୁଥ କୁ ବୁଥ ଚାଷୀ ଯୁବକ ବାହାରି ଏହି ଆପ ଜରିଆରେ ଚାଷୀ ମାନଙ୍କ ସମସ୍ତ ସମସ୍ୟା ର ସର୍ଭେ କରିବେ ଓ ସରକାର ଙ୍କୁ ତଥ୍ୟ ଦେଖାଇ ନିଜ ହକ୍ ଅଧିକାର ପାଇଁ ଲଢ଼ିବେ ବୋଲି ସୂଚନା ଦେଇଥିଲେ ଜିଲ୍ଲା ସଂଯୋଜକ ପ୍ରଦ୍ୟୁମ୍ନ କୁମାର ପାଢ଼ୀ। ଚାଷୀ ନେତୃତ୍ୱ ଙ୍କ ମଧ୍ୟ ରେ ଚାଷୀ ନେତ୍ରୀ ସୋନାଲି ବିଶି, ରଶ୍ମୀ ରଞ୍ଜନ ସ୍ୱାଇଁ, ମନ୍ୱର୍ ଅଲ୍ଲୀ, ରଣଜିତ୍ ପଟ୍ଟନାୟକ, ହୃଷୀକେଶ ଦେହୁରୀ, ଡକ୍ଟର କୁଳମଣୀ, ବୈକୁଣ୍ଠ ଶତପଥୀ, ପ୍ରଦୀପ ପୁରୋହିତ , ରମେଶ ଦାଶ, ଦେବାଶିଷ ଦାଶ ଆଦି ଯୋଗ ଦେଇ ଡବଲ ଇଞ୍ଜିନ ସରକାର ର ଚାଷୀ ମାରଣ ନୀତି, ଚାଷୀ ଙ୍କୁ ଅସମ୍ମାନ କରିବା ଓ ପ୍ରତିଶ୍ରୁତି ରେ ଠକେଇ କରିବା ଆଦି ନେଇ ବର୍ଷିଥିଲେ। ଆଗକୁ ତ୍ରିଦିବସୀୟ ରଣନୀତି ଶିବିର ଆୟୋଜନ କରି ସମସ୍ତ ଚାଷୀ ପ୍ରତିନିଧି ଙ୍କୁ ସଂଘର୍ଷ ପାଇଁ ପ୍ରସ୍ତୁତ କରାଯିବ ଓ ଚାଷୀ ସରକାର ଗଠନ ର ମୂଳଦୁଆ ପଡିବ ଯଦ୍ୱାରା ଚାଷୀ ଙ୍କ ପ୍ରାଇସ, ପ୍ରେଷ୍ଟିଜ ପେନସନ୍ ସହ ମୂଳ ଅଧିବାସୀ ଙ୍କ ଜଳ ଜଙ୍ଗଲ ଜମି ଓ ଖଣି ଅଧିକାର ସାବ୍ୟସ୍ତ ହେବ ବୋଲି ଶ୍ରୀ ଅକ୍ଷୟ କୁମାର ପ୍ରକାଶ କରିଥିଲେ l

ସୁବର୍ଣ୍ଣପୁର ରୁ ଉଗ୍ରସେନ କର୍ମୀ ଙ୍କ ରିପୋର୍ଟ ଇପିଏ ନ୍ୟୁଜ….