ରାଜ୍ୟସ୍ତରୀୟ କିକ୍ ବକ୍ସିଂରେ ଜଗତସିଂହପୁର ଜିଲ୍ଲା ରନର୍ସ ଅପ୍
ପ୍ରତିଯୋଗୀଙ୍କୁ ଅଭିନନ୍ଦନ ଜଣାଇଲେ ଶିଳ୍ପମନ୍ତ୍ରୀ ସମ୍ପଦ ଚନ୍ଦ୍ର ସ୍ୱାଇଁ
ପାରାଦୀପ: ଗଂଜାମ ଜିଲ୍ଲା ବିଜୁ ପଟ୍ଟନାୟକ ଷ୍ଟାଡିୟମ୍ରେ ଅନୁଷ୍ଠିତ ରାଜ୍ୟସ୍ତରୀୟ ଓାକୋ କିକ ବକ୍ସିଂ ପ୍ରତିଯୋଗୀତାରେ ଅଂଶଗ୍ରହଣ କରି ଦଳଗତ ସଫଳତା ହାସଲ କରିଛନ୍ତି ଜଗତସିଂହପୁର ଜିଲ୍ଲାର ପ୍ରତିଯୋଗୀମାନେ । ୩୦ଟି ଜିଲ୍ଲାରୁ ୫୬୦ ଜଣ ପ୍ରତିଯୋଗୀଙ୍କ ସମେତ ଅଫିସିଆଲ୍ମାନେ ଏହି ପ୍ରତିଯୋଗିତାରେ ଅଂଶଗ୍ରହଣ କରିଥିଲେ । ଜଗତସିଂହପୁର ଜିଲ୍ଲାର ୪୫ ଜଣ ପ୍ରତିଯୋଗୀ ଅଂଶଗ୍ରହଣ କରିବା ସହିତ ସଫଳତାର ସହିତ ୩୩ ସ୍ୱର୍ଣ୍ଣ, ୧୬ ରୌପ୍ୟ ଏବଂ ୧୫ କାଂସ୍ୟ ପଦକ ହାସଲ କରି ରନର୍ସ ଅପ୍ ଆଖ୍ୟା ହାସଲ କରିଛନ୍ତି । ଏହି ସଫଳତା ପାଇଁ ଜଗତସିଂହପୁର ଜିଲ୍ଲାର ଏକମାତ୍ର ମନ୍ତ୍ରୀ ତଥା ଶିଳ୍ପ, ଦକ୍ଷତା ବିକାଶ ଓ ବୈଷୟିକ ଶିକ୍ଷା ବିଭାଗର ମନ୍ତ୍ରୀ ସମ୍ପଦ ଚନ୍ଦ୍ର ସ୍ୱାଇଁ ଜିଲ୍ଲା କିକ୍ ବକ୍ସିଂ ଟିମ୍କୁ ଅଭିନନ୍ଦନ ଜଣାଇଛନ୍ତି । ଜାତୀୟ କୋଚ୍ ଅମର ଜ୍ୟୋତି ରାଉତ ଏବଂ ମାନଓ ଦୋରାଙ୍କ ତାଲିମ୍ରେ ଦଳକୁ ଏହି ସଫଳତା ମିଳିଛି । ଜିଲ୍ଲା ଉପସଭାପତି ଗଗନ ବିହାରୀ ରାଉତ, ଆଇନ୍ ଉପଦେଷ୍ଟା ସଂଜୟ କୁମାର ବେହେରା ପ୍ରତିଯୋଗୀମାନଙ୍କୁ ମାର୍ଗଦର୍ଶନ ଦେଇଥିଲେ ।
paradeep ru prasanta dash nka report
