ଆଠଗଡ ସହରର ବିକାଶ ପାଇଁ ମାଷ୍ଟର ପ୍ଲାନ ପ୍ରସ୍ତୁତି କର୍ମଶାଳା।
ଆଠଗଡ:ଆଗାମୀ ୫୦ ବର୍ଷକୁ ଦୃଷ୍ଟିରେ ରଖି ସହରର ଉନ୍ନତିକରଣ ପାଇଁ ପ୍ରସ୍ତୁତ ହୋଇଥିବା ମାଷ୍ଟର ପ୍ଲାନ ପାଇଁ ଏକ ସମୀକ୍ଷା କର୍ମଶାଳା ଅନୁଷ୍ଠିତ ହୋଇଯାଇଛି।ସହରର ଉନ୍ନତିକରଣ ଓ ବର୍ଷାଜଳ ନିଷ୍କାସନ ସହିତ ବର୍ଦ୍ଧିତ ଜନସଂଖ୍ୟା କୁ ଦୃଷ୍ଟିରେ ରଖି ଏକ ଦୀର୍ଘମିଆଦି ମାଷ୍ଟର ପ୍ଲାନ ପ୍ରସ୍ତୁତ ପାଇଁ ଏହି କର୍ମଶାଳାର ଆୟୋଜନ କରାଯାଇଥିଲା। ଏନଏ ସି ଅଧ୍ୟକ୍ଷା ଶ୍ରୀମତୀ ସସ୍ମିତା ରାଉତ ଙ୍କ ଅଧ୍ୟକ୍ଷତାରେ ଅନୁଷ୍ଠିତ କର୍ମଶାଳା ରେ ପ୍ରସ୍ତୁତ ହୋଇଥିବା ମାଷ୍ଟରପ୍ଲାନ ସଂକ୍ରାନ୍ତରେ ଅଭିଯୋଗ ଓ ମତାମତ ଲୋଡାଯାଇଥିଲା।ଏହି କର୍ମଶାଳା ରେ ଡେପୁଟି କଲେକ୍ଟର ପ୍ରଭୂଦତ୍ତ ପ୍ରଧାନ ,ତହସିଲଦାର କୁଞ୍ଜବିହାରୀ ବଡ଼ଜେନା,ନିର୍ବାହୀ ଅଧିକାରୀ ବଳୟ ଦେହୁରୀ ,ସାଂସଦ ଙ୍କ ପ୍ରତିନିଧି ସରୋଜ କୁମାର ଦାସ ଓ ବିଭାଗୀୟ ଅଧିକାରୀ ,ମାଷ୍ଟରପ୍ଲାନ ପ୍ରସ୍ତୁତ କରିଥିବା ଘରୋଇ ସଂସ୍ଥାର ଅଧିକାରୀ ଯୋଗଦେଇଥିଲେ।ଆର.ଭି. ଇଞ୍ଜିନିୟରିଂ କନସଲଟାଣ୍ଟ ପକ୍ଷରୁ ସର୍ଭେ କରାଯାଇ ପ୍ରାରମ୍ଭିକ ପ୍ରସ୍ତୁତି କାର୍ଯ୍ୟ ଆରମ୍ଭ ହୋଇଛି।ପ୍ରାଥମିକ ସର୍ଭେ କୁ ଜନସାଧାରଣ ଙ୍କ ଉଦ୍ଦେଶ୍ୟରେ ଅବଗତି କରିବା ସହ ମତାମତ ଦେବାକୁ ଅନୁରୋଧ କରାଯାଇଥିଲା।ମାଷ୍ଟର ପ୍ଲାନ୍ ପ୍ରସ୍ତୁତି ପାଇଁ ୨୬ ଲକ୍ଷ ୯୭ ହଜାର ୮୨୪ ଟଙ୍କା ଖର୍ଚ୍ଚ ଅଟକଳ କରାଯାଇଛି। ଆଠଗଡ ସହର ବିକାଶ ପାଇଁ ସହକାରୀ ଯନ୍ତ୍ରୀ ଆଠଗଡ ଜନସାଧାରଣ ଙ୍କ ସହଯୋଗ ଲୋଡିଥିଲେ। ଉପନଗରପାଳ ବି.ସୁଭ୍ରଶଙ୍କର ଜ୍ୟୋତି ଧନ୍ୟବାଦ୍ ପ୍ରଦାନ କରିଥିଲେ।
