ଆଇସିୟୁରେ ମହିଳାଙ୍କୁ ନିଶା ଦେଇ ଦୁଷ୍କର୍ମ ଅଭିଯୋଗ
ଜୟପୁର: ରାଜସ୍ଥାନର ଇଏସ୍ଆଇସି ମେଡିକାଲ କଲେଜର ଆଇସିୟୁ ୱାର୍ଡରେ ହସ୍ପିଟାଲର ନର୍ସିଂ ଷ୍ଟାଫ୍ଙ୍କ ଜଣେ ସଦସ୍ୟ ଜଣେ ୩୨ ବର୍ଷୀୟା ମହିଳାଙ୍କୁ ଦୁଷ୍କର୍ମ କରିଥିବା ଅଭିଯୋଗ ହୋଇଛି।
ଏଫ୍ଆଇଆର୍ ଅନୁଯାୟୀ, ଅପରାଧ ଘଟିବା ପୂର୍ବରୁ ପୀଡିତାଙ୍କୁ ଏକ ନିଶା ଇଞ୍ଜେକ୍ସନ ଦିଆଯାଇଥିଲା। ସେତେବେଳେ ତାଙ୍କ ପରିବାର ୱାର୍ଡ ବାହାରେ ଅପେକ୍ଷା କରିଥିଲେ।
ପୁଲିସ ରିପୋର୍ଟ ଅନୁଯାୟୀ, ପୀଡିତା ନାମ ଧରି ଡାକିବା ଆରମ୍ଭ କରିଥିଲେ। ଯାହା ଫଳରେ ୱାର୍ଡ କର୍ମଚାରୀମାନେ ତାଙ୍କ ସ୍ୱାମୀଙ୍କୁ ଡାକିଥିଲେ। ସେତେବେଳେ ତାଙ୍କ ବିଛଣା ଚାରିପାଖରେ ପରଦା ଟଣାଯାଇଥିଲା ଏବଂ ମହିଳା ଜଣକ ନିଶାଗ୍ରସ୍ତ ଅବସ୍ଥାରେ ଥିଲେ। ସକାଳେ ଯେତେବେଳେ ସେ ଚେତା ଫେରିଲେ, ସେ ତାଙ୍କ ପରିବାରକୁ ଏହି ଘଟଣା ବିଷୟରେ କହିଥିଲେ। ହସ୍ପିଟାଲ ପ୍ରଶାସନ ମାମଲାକୁ ଚାପି ଦେବାକୁ ଚେଷ୍ଟା କରିଥିଲା ବୋଲି ଅଭିଯୋଗ ହୋଇଛି।
ଅଲୱାରର ଆସିଷ୍ଟାଣ୍ଟ ସବ-ଇନ୍ସପେକ୍ଟର ମହାବୀର ସିଂହ କହିଛନ୍ତି, “ଜଣେ ବ୍ୟକ୍ତି ଅଭିଯୋଗ ଦାଖଲ କରିଛନ୍ତି ଯେ ତାଙ୍କର ୩୨ ବର୍ଷୀୟା ପତ୍ନୀ, ଯିଏ ଇଏସ୍ଆଇ ମେଡିକାଲ କଲେଜର ଆଇସିୟୁରେ ଭର୍ତ୍ତି ହୋଇଥିଲେ, ତାଙ୍କୁ ଜୁନ୍ ୪ ରାତିରେ ନର୍ସିଂ କର୍ମଚାରୀମାନେ ଦୁଷ୍କର୍ମ କରିଥିଲେ। ଅଭିଯୁକ୍ତ ଜଣକ ବିଛଣା ଚାରିପାଖରେ ପରଦା ଟାଣି ମହିଳାଙ୍କୁ ଯୌନ ନିର୍ଯାତନା ଦେବା ପୂର୍ବରୁ ନିଶା ଇଞ୍ଜେକ୍ସନ ଦେଇଥିଲେ। ମହିଳା ଜଣକ ଅର୍ଦ୍ଧଚେତନ ଅବସ୍ଥାରେ ଥିଲେ ଏବଂ ଏହି କାର୍ଯ୍ୟକୁ ପ୍ରତିରୋଧ କରିଥିଲେ।’’
ଇପିଏରୁ ବିରଞ୍ଚିନାରାୟଣ ପତ୍ରୀ ଙ୍କ ରିପୋର୍ଟ, ଇଷ୍ଟଣ୍ଣ ପ୍ରେସ ଏଜେନ୍ସି, ଭୁବନେଶ୍ୱର
