ହାଇଟେକ୍ ମେଡିକାଲ୍ କଲେଜର ୨୨ ତମ ହ୍ୱାଇଟ୍କୋଟ୍ ଉତ୍ସବ
ଶୃଙ୍ଖଳିତ ହୁଅନ୍ତୁ ଆପଣଙ୍କୁ ଭଲ ଡାକ୍ତର କରିବାର ଦାୟୀତ୍ୱ ଆମର “ଡକ୍ଟର ତିରୁପତି ପାଣିଗ୍ରାହୀ
ଭୁବନେଶ୍ୱର: ହାଇଟେକ୍ ମେଡିକାଲ୍ କଲେଜ୍ର ୨୨ତମ ହ୍ୱାଇଟ୍ କୋଟ୍ ଏବଂ ଚରକ ଶପଥ କାର୍ଯ୍ୟକ୍ରମ ଆୟୋଜିତ ହୋଇଛି। ନୂତନ ଭାବରେ ଭର୍ତ୍ତି ହୋଇଥିବା ପ୍ରଥମବର୍ଷ ଏମ୍ବିବିଏସ୍ ଛାତ୍ରଛାତ୍ରୀ ମାନଙ୍କୁ ସ୍ୱାଗତ ସମ୍ବର୍ଦ୍ଧନା ସହ ହ୍ୱାଇଟ୍ କୋଟ ପ୍ରଦାନ କରାଯିବା, ସେହିପରି ଛାତ୍ଛାତ୍ରୀ ମାନେ ଶ୍ରେଣୀକକ୍ଷ ଓ ମେଡିକାଲ୍ ଭିତରକୁ ପ୍ରବେଶ କରିବା ପୂର୍ବରୁ ସେମାନଙ୍କୁ ଚରକ ଶପଥ କରାଯିବା କାର୍ଯ୍ୟକ୍ରମର ମୁଖ୍ୟ ଉଦ୍ଦେଶ୍ୟ ।
ଏହି ଶପଥନେବା ପରେ ପ୍ରତ୍ୟେକ ଛାତ୍ରଛାତ୍ରୀ ପବିତ୍ରତା, ସମାନୁବର୍ତ୍ତିତା,ତ୍ୟାଗ ଓ ସେବା ମନୋଭାବ ନେଇ କାର୍ଯ୍ୟ କରିବାକୁ ପ୍ରେରଣା ପାଇବେ। ହାଇଟେକ୍ ଗ୍ରୁଫ୍ର ପ୍ରତିଷ୍ଠାତା ଅଧ୍ୟକ୍ଷ ଡକ୍ଟର ତିରୁପତି ପାଣିଗ୍ରାହୀ କହିଛନ୍ତି ଯେ, ଜୀବନରେ ଶୃଙ୍ଖଳା ହିଁ ପୁଞ୍ଜି, ଜଣେ ଶୃଙ୍ଖଳିତ ମଣିଷ ଯେ କୌଣସି ଅସାଧ୍ୟ କାର୍ଯ୍ୟକୁ ସାଧ୍ୟ କରିପାରେ। ପ୍ରତ୍ୟେକ ଛାତଛାତ୍ରୀ ହାଇଟେକ୍ରେ କେବଳ ଶୃଙ୍ଖଳିତ ଆଚରଣ କଲେ, ଜଣେ ଭଲ ଡାକ୍ତର କରିବାର ଦାୟୀତ୍ୱ ଏ ଅନୁଷ୍ଠାନର ବୋଲି ସେ କହିଛନ୍ତି।
କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ହାଇକୋର୍ଟର ପୂର୍ବତନ ବିଚାରପତି ଜଷ୍ଟିସ୍ ମଦନ ମୋହନ ଦାଶ ଯୋଗଦେଇଥିବାବେଳେ, ମୁଖ୍ୟ ବକ୍ତା ଭାବେ ପୂର୍ବତନ ମୁଖ୍ୟ ଶାସନ ସଚିବ ଅସିତ୍ କୁମାର ତ୍ରିପାଠୀ ଯୋଗଦେଇ, ନୂତନ ଡାକ୍ତର ଛାତ୍ରଛାତ୍ରୀ ମାନେ ପାଠପଢା ସହ ରୋଗୀସେବା ପ୍ରତିଧ୍ୟାନଦେବାକୁ ପରାମର୍ଶ ଦେଇଥିଲେ। ୨୦୨୦-୨୧ବ୍ୟାଚ୍ର ୧୪ଜଣ କୃତ୍ତି ଏମ୍ବିବିଏସ୍ ଛାତ୍ରଛାତ୍ରୀ ଓ ସେମାନଙ୍କ ପିତାମାତୀଙ୍କୁ ହାଇଟେକ୍ ପକ୍ଷରୁ ନଗଦରାଶି ଓ ଉପଢୌକନ ଦେଇ ସମ୍ମାନୀତ କରାଯାଇଥିଲା।
କାର୍ଯ୍ୟକ୍ରମରେ ହାଇଟେକ୍ ଗ୍ରୁଫ୍ର ମ୍ୟାନେଜିଂ ଟ୍ରଷ୍ଟି ସୁରେଶ କୁମାର ପାଣିଗ୍ରାହୀ, ଟ୍ରଷ୍ଟି ତଥା କାର୍ଯ୍ୟକାରୀ ଅଧ୍ୟକ୍ଷ ରାକେଶ କୁମାର ପାଣିଗ୍ରାହୀ, ହାଇଟେକ୍ ମେଡିକାଲ୍ କଲେଜର ଅଧ୍ୟକ୍ଷ ପ୍ରଫେସର ଡାକ୍ତର ଦେବାନନ୍ଦ ମହାପାତ୍ର,ଉପାଧ୍ୟକ୍ଷ ପ୍ରଫେସର ଡାକ୍ତର ଲିସା ଷଢଙ୍ଗୀ, ମେଡିକାଲ୍ ଅଧିକ୍ଷକ ତଥା ପ୍ରାଶାସନିକ ନିର୍ଦ୍ଦେଶକ ପ୍ରଫେସର ଡାକ୍ତର ସୀତାରାମ ମହାପାତ୍ର, ଡିନ୍ ନିର୍ଦ୍ଦେଶକ ପ୍ରଫେସର ଡାକ୍ତର ରାଧାମାଧବ ତ୍ରିପାଠୀ, ଡକ୍ତର,ଗୋପେଶ୍ୱର ଆଚାର୍ଯ୍ୟ ସହ ସମସ୍ତ ବିଭାଗର ବିଭାଗୀୟ ମୁଖ୍ୟ ଯୋଗଦେଇଥିଲେ।
