ପୁରୀ ବାଲିହରଚଣ୍ଡୀ ନରସିଂହପାଟଣାରେ ଲିପୁ ଓରଫ କାଳୁ ଜେନାଙ୍କ ହତ୍ୟା ଘଟଣାରେ ୭ ଅଭିଯୁକ୍ତ ଗିରଫ। ଆବଶ୍ୟକ ହେଲେ ଗିରଫ ଅଭିଯୁକ୍ତଙ୍କୁ ରିମାଣ୍ଡ ରେ ଅଣାଯିବ । ଅଭିଯୁକ୍ତଙ୍କୁ ଠାରୁ ଗୋଟିଏ ଛୁରୀ,ଲୁହା ରଡ଼ ,୩ ଟି ମୋବାଇଲ ଫୋନ୍ ,୬ ଟି ମୋଟର ସାଇକେଲ ଜବତ ହୋଇଛି।ଗିରଫ ଅଭିଯୁକ୍ତ ହେଲେ ଅମିୟ ମାଣିଆ, ମଣ୍ଟୁ ଦାସ ,ଦିବାକର ଦାସ ,ଶାନ୍ତନୁ ଭୋଇ ,ପ୍ରଶାନ୍ତ ସେଠୀ ,ରାକେଶ ବେହେରା ଓ ସନ୍ତୋଷ କୁମାର ଦାସ | କାଜୁ ଜଙ୍ଗଲକୁ ନେଇ ନରସିଂହ ବଲ୍ଲଭ ଓ ଜଗନ୍ନାଥ ବଲ୍ଲଭ ଗାଁ ମଧ୍ୟରେ ବିବାଦ ଲାଗି ରହିଥିଲା।ଏଥି ସହ ଲିପୁ ଓରଫ କାଳୁ ଜେନା ସହ ଅଭିଯୁକ୍ତଙ୍କ ମଧ୍ୟରେ ପୂର୍ବରୁ ବିଭିନ୍ନ ସମୟରେ ବିବାଦ ଓ କଥା କଟା କଟି ହୋଇଥିଲା ।ଘଟଣା ଦିନ ମୃତ ଲିପୁ ବସିଥିବାବେଳେ ସେହି ଦିନ ଅଭିଯୁକ୍ତ ମାନେ କମେଣ୍ଟ ମାରିଥିଲେ ।ଲିପୁ ୨୪ ତାରିଖ ରାତିରେ ଦୋକାନ ବନ୍ଦ କରି ଫେରୁଥିବାବେଳେ ୧୦ ଜଣ ଅଭିଯୁକ୍ତ ଯୋଜନାବଦ୍ଧ ଭାବେ ଲିପୁଙ୍କୁ ହତ୍ୟା କରି ଫିଙ୍ଗି ଦେଇଥିଲେ।ଖବର ପାଇଁ ତୁରନ୍ତ ଘଟଣାସ୍ଥଳରେ ବ୍ରହ୍ମଗିରି ,ସଦର ଥାନା ପୋଲିସ ସହ ଏସଡିପିଓ ଓ ଅତିରିକ୍ତ ଏସପି ପହଞ୍ଚି ତଦନ୍ତ ଆରମ୍ଭ କରିଥିଲେ।ଏକ ସ୍ବତନ୍ତ୍ର ଟିମ୍ ଚଢ଼ାଉ କରି ୨୪ ଘଣ୍ଟା ମଧ୍ୟରେ ୭ ମୁଖ୍ୟ ଅଭିଯୁକ୍ତ ଙ୍କୁ ଗିରଫ କରିଥିବା ପୁରୀ ଏସପି କହିଛନ୍ତି।ହତ୍ୟାକାଣ୍ଡ ଘଟଣାର ସମସ୍ତ ତଥ୍ୟ,ପ୍ରମାଣ ସଂଗ୍ରହ କରିଛି।ଉଭୟ ଗାଁରେ ଭୟ ଓ ଆତଙ୍କର ପରିବେଶ ଥିବାରୁ ପୋଲିସ ମୁତୟନ କରାଯାଇଛି।
