ପୃଥକ ପୃଥକ ଘଟଣା ରେ ଗଞ୍ଜେଇ,2 ବାଇକ ଜବତ ସହ 4 ଗିରଫ l

ସୁବର୍ଣ୍ଣପୁର — ପୃଥକ ପୃଥକ ଘଟଣା ରେ ଲଛିପୁର ପୋଲିସ ଓ ସୁବଳୟା ପୋଲିସ ପକ୍ଷରୁ ଦୁଇ ବାଇକ ଜବତ ସହ 4 ଜଣଙ୍କୁ ଗିରଫ କରିଛି ଓ ସେମାନଙ୍କ ଠାରୁ ମୋଟ 8 କେଜି 800 ଗ୍ରାମ ଗଞ୍ଜେଇ ଜବତ କରିଛି l ସୁବର୍ଣ୍ଣପୁର ଜିଲ୍ଲା ଲଛିପୁର ପୋଲିସ ଲୁପୁରସିଂହା ତ୍ରିବେଣୀ ଛକ ରୁ 4 କେଜି 500 ଗ୍ରାମ ଗଞ୍ଜେଇ ଜବତ କରିବା ସହ 2 ଜଣଙ୍କୁ ଗିରଫ କରିଛି l ଏଥିସହ ଗଞ୍ଜେଇ କାରବାର ରେ ସମ୍ପୃକ୍ତ ଏକ ବାଇକ ( ହୋଣ୍ଡା ସାଇନ ନମ୍ବର -OD -17 M 6846 ) କୁ ଜବତ କରିଛି l ଅଭିଯୁକ୍ତଦ୍ବୟ ହେଲେ ମଧ୍ୟପ୍ରଦେଶ ରାଜ୍ୟ ଜବଲପୁର ଜିଲ୍ଲା ଗୋସଲପୁର ଥାନା ଦେଓନଗର ଗ୍ରାମର ରାଜେନ୍ଦ୍ର ପ୍ରସାଦ କୁମାର ଙ୍କ ପୁତ୍ର ମୁକେଶ କୁମାର (52) ଏବଂ ଜବଲପୁର ଜିଲ୍ଲା ପାନାଗାର ଥାନା ବରଝାଇ ଗ୍ରାମର ରାନୁ କୁମାର ବରଝାଇ ଙ୍କ ପୁତ୍ର ଅଜୁ କୁମାର ବରଝାଇ (34) l ସୂଚନା ଅନୁଯାୟୀ, ପୋଲିସ ଲୁପୁରସିଂହା ତ୍ରିବେଣୀ ଛକ ରେ ପାଟ୍ରୋଲିଙ୍ଗ ଚଳାଇଥିବା ବେଳେ ଉକ୍ତ ବାଇକ କୁ ଅଟକାଇ ଯାଞ୍ଚ କରିଥିଲେ l ଯାଞ୍ଚ ବେଳେ ବାଇକ ରୁ ଗଞ୍ଜେଇ ବାହାରିଥିଲା l ଦୁଇଟି ମୋବାଇଲ ମଧ୍ୟ ଅଭିଯୁକ୍ତ ଙ୍କ ପାଖରୁ ଜବତ କରାଯାଇଛି l

ମାଜିଷ୍ଟ୍ରେଟଙ୍କ ଉପସ୍ଥିତି ରେ ଗଞ୍ଜେଇ କୁ ଓଜନ କରାଯାଇଥିଲା l ଏ ନେଇ ପୋଲିସ ଏକ ମାମଲା ଲଛିପୁର ପୋଲିସ କେସ ନମ୍ବର 154/29/10/2024 U/s -20(b)(ii)B 25/29 NDPS Act. ଆଧାରରେ ମାମଲା ରୁଜୁ କରି ଗତକାଲି ଦୁଇ ଅଭିଯୁକ୍ତ ଙ୍କୁ କୋର୍ଟଚାଲାଣ କରିଥିବା ପୋଲିସ ସୂତ୍ରରୁ ପ୍ରକାଶ l ସେହିପରି ସୁବଳୟା ପୋଲିସ ପକ୍ଷରୁ 4 କେଜି 300 ଗ୍ରାମ ଗଞ୍ଜେଇ, ଗୋଟିଏ ମୋଟର ସାଇକେଲ ଜବତ ସହ ଦୁଇ ଅଭିଯୁକ୍ତ ଙ୍କୁ ଗିରଫ କରିଛି l ସୂଚନା ଅନୁସାରେ ବୌଦ୍ଧ ଜିଲ୍ଲା କଣ୍ଟାମାଳ ଥାନା ତିଳେଇମାଲ ଗ୍ରାମ ର ଲକ୍ଷ୍ମୀକାନ୍ତ ରଣା ଓ ମନମୁଣ୍ଡା ଥାନା ଖମ୍ବେଶ୍ବରୀପାଲି ଗ୍ରାମର ଶଶିକାନ୍ତ ରଣା ଙ୍କ ଠାରୁ 4 କେଜି 300 ଗ୍ରାମ ଓଜନ ର ଗଞ୍ଜେଇ ଓ ବ୍ଲାକ, ବ୍ଲୁ ରଙ୍ଗର HF Deluxe ନମ୍ବର OD -31H 1407 ବିଶିଷ୍ଟ ମୋଟର ସାଇକେଲ ଓ ଦୁଇଟି ମୋବାଇଲ ଜବତ କରିଛି l

ଏ ନେଇ ସୁବଳୟା ପୋଲିସ କେସ ନମ୍ବର 229/30/10/2024 U/s -20(b)(ii)29 NDPS Act. ଆଧାର ରେ ମାମଲା ରୁଜୁ ହୋଇଥିବା ପୋଲିସ ସୂତ୍ରରୁ ପ୍ରକାଶ

lରିପୋର୍ଟ – ଉଗ୍ରସେନ କର୍ମୀ, ସୁବର୍ଣ୍ଣପୁର