ଦାଦାବଟି ମାଗି ୩ ଗିରଫ।
ତାଳବଣିଆ ଥାନା ଅନ୍ତର୍ଗତ ହୁଳୁହୁଳିଆ ପୋଲ ନିକଟରେ ଛୁରି ଦେଖାଇ ପର୍ଯ୍ୟଟକମାନଙ୍କୁ ଦାଦାବଟି ଆଦାୟ କରୁଥିବା ସିଦ୍ଧମହାବୀର ମନ୍ଦିର ପଛପଟେ ରହୁଥିବା ସୌମ୍ୟରଞ୍ଜନ ଶ୍ରୀଚନ୍ଦନ ପଟ୍ଟନାୟକ(୩୪), ପେଣ୍ଠକଟା ସାମୁଦ୍ରିକ ଥାନା ଅନ୍ତର୍ଗତ ବ୍ରାହ୍ମଣପୋଖରୀର କାଜଲ ଦାସ(୨୨) ଓ ସମୁଦ୍ରକୂଳ ଥାନା ଅନ୍ତର୍ଗତ ରେଲୱେ କଲୋନିର ବାବୁଲି ନାୟକ(୨୨)ଙ୍କୁ ପୁଲିସ ଧରିବାରେ ସକ୍ଷମ ହୋଇଛି। ଏ ସଂକ୍ରାନ୍ତରେ ତାଳବଣିଆ ଥାନାରେ ପୁଲିସ ନିଜଆଡ଼ୁ ୧୭୮/୨୬ ନମ୍ବରରେ ଏକ ମାମଲା ରୁଜୁ କରି ଆଜି ୩ ଜଣଙ୍କୁ କୋର୍ଟଚାଲାଣ କରିଛି | ଏମାନେ ଦାଦାବଟି ଆଦାୟ କରୁଥିବା ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚିଥିଲା | ସୌମ୍ୟରଞ୍ଜନ ନାମରେ ପୂର୍ବରୁ ୪ଟି ମାମଲା, କାଜଲ ନାମରେ ପୂର୍ବରୁ ୧୮ଟି ଓ ବାବୁଲି ନାମରେ ପୂର୍ବରୁ ଦୁଇଟି ମାମଲା ରହିଛି |
