ବରପାଲି ଶୀତଳ ଷଷ୍ଠୀ: କନ୍ୟା ମନୋନୟନ ପତରପେଣ୍ଡି
ବରପାଲି: ଚଳିତ ବର୍ଷ ୧୪୯ତମ ଶୀତଳ ଷଷ୍ଠୀ ଯାତ୍ରା ମହୋତ୍ସବ ର ଦ୍ବିତୀୟ ଦିବସରେ ବାବା କପିଳେଶ୍ଵର ଙ୍କ ତରଫରୁ ଶ୍ରୀ ଶ୍ରୀ ହର ପାର୍ବତୀ ଓ ଶ୍ରୀ ନଟରାଜ ଶିବ ସ୍ନାନ ପରେ ଶତଆରତୀ ଅର୍ପଣ,ପ୍ରାର୍ଥନା ଓ ଭୋଗ ସମର୍ପଣ କରାଯାଇଥିଲା । ମଧ୍ୟାହ୍ନ ସମୟରେ ଅମୃତ ମଣୋହୀ ଭୋଗ ଅର୍ପଣ ପରେ ଶିବ ପାର୍ବତୀଙ୍କ ବିଶ୍ରାମ କରାଯାଇଥିଲା । ସନ୍ଧ୍ୟା ସମୟରେ ଆରତୀ,ପ୍ରାର୍ଥନା ପରେ ବାବା କପିଳେଶ୍ଵର ଙ୍କ ତରଫରୁ ପାତ୍ରୀ (କନ୍ୟା)ମନୋନୟନ(ପତରପେଣ୍ଡି) କାର୍ଯ୍ୟକ୍ରମ ହିମାଦ୍ରୀ ନଗର ଠାରେ ଅନୁଷ୍ଠିତ ହୋଇଥିଲା ।
ବରପକ୍ଷ କନ୍ୟା ପକ୍ଷଙ୍କୁ ଜଣାଇ କହିଥିଲେ ସେମାନଙ୍କ ବିବାହ ଯୋଗ୍ୟ ପୁଅ ପାଇଁ ସୁଯୋଗ୍ୟ କନ୍ୟାଟିଏ ଥିବା ଖବର ପାଇ କନ୍ୟା ପକ୍ଷଙ୍କ ନିକଟକୁ ଆସିଥିଲେ । ପ୍ରଥମରେ ମହାଦେବ ଙ୍କ ବିଷୟରେ ବରପକ୍ଷ ପଣ୍ଡିତ ପୂର୍ଣ୍ଣଚନ୍ଦ୍ର ଦାଶ ଶ୍ଳୋକ ମାଧ୍ୟମରେ ବାବା କପିଳେଶ୍ଵର ଙ୍କ ଗୁଣ ସମ୍ପର୍କରେ ବର୍ଣ୍ଣନା କରିଥିଲେ । କନ୍ୟାପକ୍ଷ ରୁ ପଣ୍ଡିତ ଦୀପ୍ତି କୁମାର ସିଂହ ମାତା ପାର୍ବତୀ ଗୁଣ ବର୍ଣ୍ଣନା କରିବା ସହ କନ୍ୟାପକ୍ଷ ଜଣେ ଶ୍ମଶାନଚାରୀଙ୍କୁ ତାଙ୍କ ସୁଜିଜି କନ୍ୟାକୁ ବିବାହ ଦେବେ ନାହିଁ ବୋଲି ପ୍ରକାଶ କରିଥିଲେ । ଏହାର ଉତ୍ତର ଦେଇ ବରପକ୍ଷ ପଣ୍ଡିତ ଶିବଙ୍କୁ ସତ୍ୟ ଶିବ ଓ ଶୁନ୍ଦର ଅଜନ୍ମା ସେ ସ୍ଵୟଂ ଶ୍ରୁଷ୍ଠି କାର୍ତ୍ତା ଦେବ ଦେବ ମହାଦେବ ଅଟନ୍ତି ବୋଲି କହିଥିଲେ ।
ବର୍ତ୍ତମାନ ପରିପେକ୍ଷିରେ ତାରକାସୁର ଅତ୍ୟାଚାର ରୁ ପୃଥିବୀକୁ ରକ୍ଷା କରିବା ନିମନ୍ତେ ଆପଣଙ୍କ ଝିଅ ମାତା ପାର୍ବତୀଙ୍କୁ ବିବାହ କରିବାର ଅନିର୍ବାଯ୍ୟ ଅଟେ । କାରଣ ମାତା ପାର୍ବତୀ ଙ୍କ ଗର୍ଭରୁ ଜାତ ହେବାକୁଥିବା କାର୍ତ୍ତିକ ଜନ୍ମ ନେବା ପରେ ଦିଗ ବିଜୟୀ ତାରକାସୁର କୁ ବଦ୍ଧ କରି ପୃଥିବୀ ପୃଷ୍ଠକୁ ରକ୍ଷା କରିବେ । ତେଣୁ ଆପଣ ଆପଣଙ୍କ ଝିଅ ଦେବୀ ମାତା ପାର୍ବତୀଙ୍କୁ ବାବା କୋଇଲେଶ୍ବର ଙ୍କୁ ବିବାହ କରିବା ପାଇଁ ଅନୁରୋଧ କରିଥିଲେ । ମାତ୍ର ବିଭିନ୍ନ ପ୍ରକାର ପ୍ରଶ୍ନ ହେଲାପରେ ଉଭୟ ପକ୍ଷ ମଧ୍ୟରେ ବୁଝାମଣା ହେବା ସହ ବିବାହ ସ୍ଥିର ହୋଇଥିଲା । ବରପକ୍ଷରୁ କମିଟିର ସଭାପତି ଆନନ୍ଦ ବାବୁ,ସମ୍ପାଦକ ଜୟନ୍ତ ତ୍ରିପାଠୀ ଓ ଯାତ୍ରା କମିଟି ସଭ୍ୟ..
: ଇପିଏରୁ ବରଗଡ଼ ଜିଲ୍ଲା ପ୍ରତିନିଧି କ୍ଷମାନି ଧି ବଣ୍ଡୁକିଙ୍କ ରିପୋର୍ଟ.
