ବିଜେପୁରରେ ସାଇବର ସଚେତନତା କାର୍ଯ୍ୟକ୍ରମ
ବରଗଡ ଜିଲ୍ଲା ବିଜେପୁର ଥାନା ତରଫରୁ ବିଜେପୁର ମହାବିଦ୍ୟାଳୟରେ ଅଧ୍ୟକ୍ଷ ଶ୍ରୀଯୁକ୍ତ ପ୍ରଦୀପ କୁମାର ମିଶ୍ରଙ୍କ ଉପସ୍ଥିତିରେ ତଥା ବିଜେପୁର ଥାନାଧିକାରୀ ଶ୍ରୀଯୁକ୍ତ ସୁଶାନ୍ତ ମଣି ମହାନ୍ତିଙ୍କ ପ୍ରତ୍ୟକ୍ଷ ତତ୍ତ୍ବାବଧାନରେ ଏକ ସାଇବର ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।
ଦିନକୁ ଦିନ ଆାକ୍ରମଣ, ଠକେଇ, ଚୋରୀ, ଦୁର୍ନିତି ଆଦି ଘଟଣା ଗୁଡିକ ବଢିବାରେ ଲାଗିଥିବା ବେଳେ ଏହାକୁ ରୋକିବାରେ ସମସ୍ତଙ୍କର ଦାୟୀତ୍ବ, କର୍ତ୍ତବ୍ୟ ହେବା ଉଚିତ ବୋଲି ମତ ପ୍ରକାଶ ପାଇଥିଲା । ସାଇବର ଠକେଇ ଘଟଣା ଓଡ଼ିଶାରର ବିଭିନ୍ନ ସ୍ଥାନରେ ହେଉଥିବା ବେଳେ ଅପରାଧୀମାନେ ବିଭିନ୍ନ ଉପାୟ ଅବଲମ୍ବନ କରି ମୋବାଇଲ ଆପ୍, କଲ୍, ଏସଏମଏସ, ଓଟିପି, ହ୍ବାଟ୍ସଅପ୍ ମେସେଜ, ଲିଙ୍କ ଆଦି ଜରିଆରେ ଲୋକଙ୍କ ବ୍ୟାଙ୍କ ଖାତାରୁ ଟଙ୍କା ନେଇଯାଉଛନ୍ତି ।
ବିଶେଷ ସଚେତନତା ପାଇଁ ଓଡିଶା ସରକାରଙ୍କ ଦ୍ବାରା ଏବେ ସାଇବର ସୁରକ୍ଷା ଅଭିଯାନ ଆରମ୍ଭ କରାଯାଇ ସ୍କୁଲ, କଲେଜର ଛାତ୍ରଛାତ୍ରୀଙ୍କୁ ଏ ବିଷୟରେ ସାଇବର ଜ୍ଞାନ ଦିଆଯାଉଛି । ଏହି ଅବସରରେ ସାଇବର ଠକେଇକୁ ନେଇ ଅନେକ ଆଲୋଚନା କରାଯାଇଥିଲା ଓ ଜନ ସଚେତନତା ହିଁ ସାଇବର ସଚେତନତାକୁ ରୋକି ପାରିବ ବୋଲି ଥାନାଧାକାରୀ ସୁଶାନ୍ତମଣି ମତବ୍ୟକ୍ତ କରିଥିଲେ । କାର୍ଯ୍ୟକ୍ରମରେ ବିଜେପୁର ପୋଲିସ ବିଭାଗ, ମହାବିଦ୍ୟାଳୟର ଅଧ୍ୟାପକ ଅଧ୍ୟାପିକାଙ୍କ ସମେତ ଛାତ୍ରଛାତ୍ରୀମାନେ ଉପସ୍ଥିତ ଥିଲେ ।
ବରଗଡ ଜିଲ୍ଳା ପ୍ରତିନିଧି ଇପିଏରୁ କ୍ଷମା ନିଧି ବଣ୍ଡୁକିଙ୍କ ରିପୋର୍ଟ(ଇଷ୍ଟର୍ଣ୍ଣ ପ୍ରେସ୍ ଏଜେନ୍ସୀ)
