ବୌଦ୍ଧରେ ଆନ୍ତର୍ଜାତୀୟ ଶ୍ରମିକ ଦିବସ ପାଳିତ, ଜିଲ୍ଲାର ୭୦୩ ଜଣ ହିତାଧିକାରୀଙ୍କୁ ୪.୭୨ କୋଟି ଟଙ୍କାର ସହାୟତା ରାଶି ବଣ୍ଟନ l
ବୌଦ୍ଧ ଜିଲ୍ଲାରେ ଆଜି ଆନ୍ତର୍ଜାତୀୟ ଶ୍ରମିକ ଦିବସ ଅବସରରେ ଟାଉନ ହଲ୍ରେ ଏକ ଶ୍ରମିକ ସଚେତନତା ସମାରୋହ ଆୟୋଜିତ ହୋଇଯାଇଛି। ଏହି କାର୍ଯ୍ୟକ୍ରମରେ ଜିଲ୍ଲାପାଳ ବିଭୂତି ଭୂଷଣ ନାୟକ ମୁଖ୍ୟ ଅତିଥି ଭାବେ ଯୋଗଦେଇ ଶ୍ରମିକମାନଙ୍କର ଅଧିକାର, ସୁରକ୍ଷା ଓ ସମାଜ ଗଠନରେ ସେମାନଙ୍କର ଅବଦାନକୁ ଉଚ୍ଚସ୍ତରରେ ପ୍ରଶଂସା କରିଥିଲେ।ସମ୍ମାନିତ ଅତିଥି ଭାବେ ସାଂସଦଙ୍କ ପ୍ରତିନିଧି ଯୁଗଳ କିଶୋର ସାମଲ, କଣ୍ଟାମାଳ ବିଧାୟକଙ୍କ ପ୍ରତିନିଧି ବିପ୍ର ଚରଣ ମହାନ୍ତି, ବୌଦ୍ଧ ବ୍ଲକ ଅଧ୍ୟକ୍ଷ ପ୍ରିୟଦର୍ଶୀ ପ୍ରତ୍ୟୁଷ ରଥ, ବୌଦ୍ଧଗଡ଼ ମ୍ୟୁନିସିପାଲଟି ଅଧ୍ୟକ୍ଷ ମୃତ୍ୟୁଞ୍ଜୟ ମିଶ୍ର, ଅତିରିକ୍ତ ଜିଲ୍ଲାପାଳ ଅନିରୁଦ୍ଧ ପ୍ରଧାନ, ଜିଲ୍ଲା ମୁଖ୍ୟ ଉନ୍ନୟନ ଅଧିକାରୀ ପ୍ରଭାସ ଚନ୍ଦ୍ର ଦଣ୍ଡସେନା, ଉପ ଜିଲ୍ଲାପାଳ ବିନୟ କୁମାର ଭୋଇ ଯୋଗ ଦେଇଥିଲେ l ସମାରୋହରେ ବିଭିନ୍ନ ବିଭାଗର ଅଧିକାରୀ, କର୍ମଚାରୀ, ଜିଲ୍ଲାର ସମସ୍ତ ବ୍ଲକ୍ ର ପୁରୁଷ ଓ ମହିଳା ଶ୍ରମିକ , ସ୍ବୟଂ ସହାୟକ ଗୋଷ୍ଠୀ ର ସଭ୍ୟା, ବିଭିନ୍ନ ସ୍ୱେଚ୍ଛାସେବୀ ଅନୁଷ୍ଠାନ ର କର୍ମକର୍ତ୍ତାମାନେ ଯୋଗଦେଇଥିଲେ। ଜିଲ୍ଲା ଶ୍ରମ ଅଧିକାରୀ ରଞ୍ଜନ କୁମାର ବେହେରାଙ୍କ ସମସ୍ତଙ୍କୁ ସ୍ଵାଗତ କରି ନିଜ ବିଭାଗର ଆଭିମୁଖ୍ୟ ରଖିଥିଲେ l ଅତିଥି ମାନେ ଶ୍ରମିକ ଦିବସର ମହତ୍ତ୍ୱ ପ୍ରତିପାଦନ ସହିତ ଉଭୟ କେନ୍ଦ୍ର ଓ ରାଜ୍ୟ ସରକାର ଶ୍ରମିକ ମାନଙ୍କ କଲ୍ୟାଣ ପାଇଁ ଲାଗୁ କରିଥିବା ବିଭିନ୍ନ ଯୋଜନା ସମ୍ବନ୍ଧରେ ଶ୍ରମିକ ମାନଙ୍କୁ ସୂଚିତ କରିଥିଲେ l ନିଜ ଅଧିକାର ସମ୍ବନ୍ଧରେ ସେମାନେ ଜାଗରୁକ ହେଲେ ଏହାର ସୁଫଳ ପାଇବେ ବୋଲି କହିଥିଲେ l ଏହି କାର୍ଯ୍ୟକ୍ରମରେ ଶ୍ରମିକମାନଙ୍କ ପାଇଁ ସରକାରଙ୍କ ବିଭିନ୍ନ କଲ୍ୟାଣମୂଳକ ସହାୟତା ବଣ୍ଟନ କରାଯାଇଥିଲା। ମୋଟ ୭୦୩ ଜଣ ହିତାଧିକାରୀ ମାନଙ୍କ ମଧ୍ୟରୁ ମୃତ୍ୟୁକାଳୀନ ସହାୟତା ୭୯ ଜଣ, ଅନ୍ତେଷ୍ଟିକ୍ରୀୟା ସହାୟତା ୭୮ ଜଣ, ବିବାହକାଳୀନ ସହାୟତା ୪୬୩ ଜଣ, ପ୍ରସୂତିକାଳୀନ ସହାୟତା ୬୮ ଜଣ ଓ ଶିକ୍ଷା ସହାୟତା ୧୫ ଜଣଙ୍କୁ ବଣ୍ଟନ କରାଯାଇଥିଲା l ସମୁଦାୟ ରୂପେ ୪,୭୨,୦୭,୨୦୦/- ଟଙ୍କା ଡି ବି ଟି ମାଧ୍ୟମରେ ବଣ୍ଟନ କରାଯାଇଥିଲା।ଏହାସହିତ, ଯୋଗ୍ୟ ନିର୍ମାଣ ଶ୍ରମିକମାନଙ୍କୁ ୧୦୦ଟି ନୂତନ ଲେବର କାର୍ଡ ବଣ୍ଟନ କରାଯାଇଥିଲା। କାର୍ଯ୍ୟକ୍ରମ ପରିଚାଳନାରେ ଡିଭିଜନାଲ ଲେବର କମିଶନର କାର୍ଯ୍ୟାଳୟ, ବୌଦ୍ଧର ସମସ୍ତ କର୍ମଚାରୀମାନେ ସକ୍ରିୟ ଭାବେ ଯୋଗଦେଇଥିଲେ। ଶିକ୍ଷକ ପ୍ରମୋଦ କୁମାର ପ୍ରଧାନ ମଞ୍ଚ ସଂଯୋଜନା କରିଥିଲେ lକାର୍ଯ୍ୟକ୍ରମରେ ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ବିଦ୍ୟାପତି ପଣ୍ଡାଙ୍କ ସହିତ ବିଭିନ୍ନ ଗଣ ମାଧ୍ୟମର ପ୍ରତିନିଧି ଯୋଗ ଦେଇଥିଲେ l
ସୁବର୍ଣ୍ଣପୁର ରୁ ଉଗ୍ରସେନ କର୍ମୀ ଙ୍କ ରିପୋର୍ଟ ଇପିଏ ନ୍ୟୁଜ…
